Proyekshon Jair Jurrjens #6

Despues di tabata algun dia riba lista di hungadó inkapasitá, Jair tabata bek riba montikulo ayera nochi. E salida aki tabata e di 5 salida di Jair despues di All Star Game. Te ainda kos no ta bayendo muchu bon pa Jair den e di dos parti di temporada. Den e 5 biaha nan ku Jair a picha den e di dos parti di temporada ainda e ta buskando su promé viktoria. E kombinashon di un prestashon no muchu bon i leshon a pone ku e proyekshon ku Deporte Awe! tin pa Jair a kambia drástikamente.

Despues di Jair su promé salida despues di All Star Game, Deporte Awe! a proyektá ku Jair lo terminá temporada ku e siguiente number nan:

Pero despues di e enkuentro di ayera nos sistema ta bisa ku Jair lo terminá temporada ku e siguiente number nan:

Bo por nota un kambio drástiko entre e kantidat di wega gana i e averahe di kareda limpi permití. Ku e proyekshon aki Jair ta logra empatá aña 2009 kaminda tambe e tabata tin 14 wega gana. Nunka ainda Jair no a logra gana mas ku 14 den un temporada. E aña aki Jair tabata riba kaminda pa bula esaki i ainda no ta lat, ku un par di bon salida e proyekshon por kambia atrobe i Jair por pasa 14 wega gana.

Proyekshon nan anterior.

Proyekshon #5, despues di figura den 18 partido.

Proyekshon #4, despues di figura den 17 partido.

Proyekshon #3, despues di figura den 16 partido.

Proyekshon #2, despues di figura den 11 partido.

Proyekshon #1, despues di figura den 10 partido.