Manera Deporte Awe! a relatá anteriormente Churandy Martina no tabata sigur si e lo kore 200m, esaki debí na un leshon na su rudia drechi. Esaki lo a nifiká ku si Churandy no por kore 200m tampoko lo e por a kore 4x100m estafèt. Pero Deporte Awe! a haña konfirmashon ku Churandy lo kore 200m. E promé kareda di 200m lo tuma lugá dia promé di sèptèmber alrededor di 10:10pm (orario lokal di Kòrsou). Si tur kos bai bon e kareda di semifinal lo tuma lugá dia dos di sèptèmber, 6:55am (orario lokal di Kòrsou) i e final riba mesun dia, 7:55am (orario lokal di Kòrsou).
