CANCUN, Mexico – Yurendell de Caster ta kontinuá ku su bon bateo den beisbòl profeshonal na Mexico. Den ultimo 10 wega nan de Caster ta batiendo pa un promedio di .500. Huntu ku e echo ku Yurendell ta batiendo pa un promedio altu e la demostrá su poder tambe. Den e partido entre Acereros del Norte i Tigres de Quintana ROO, de Caster a konektá su di 6 honron di temporada. Esaki a kontribuí na e viktoria di 11-9 ku Acereros tabata tin riba e ekipo di Quintana ROO. E honron di de Caster tabata un honron solitario pa left field den promé ining. Yurendell tin un promedio aktual di .435 for di kua 8 doblete, 6 honron i 23 kareda empuha.
Menu