WILLEMSTAD – Futbòl Liga MCB a kontinuá e wikènt tras di lomba ku kuater partido. Riba djasabra e promé partido tabata entre Victory Boys i Sithoc. Akinan Victory Boys a sa di gana e ekipo di Sithoc ku skor di 2 pa 0. E golnan a keda anotá pa Suly Kentz (4′) i Vilyson Lake (7′).
Despues e ekiponan di SUBT i Vesta a subi tereno. Akinnan e ekipo di SUBT a sa di sali for di e porta grandi ku skor di 2-0. Pa SUBT e golnan a keda anotá pa Stallone Isenia (2′) i Geryon Alberto (40′).
Riba djadumingu tambe tabata tin dos partido. Den e promé partido e ekipo di Jong Holland a sa di derota Hubentut Fortuna ku skor di 2 pa 1. Nathan Martina (6′) i Iavar Grant (52′) a anotá pa Jong Holland, miéntras ku Reylison Otto (62′) a anotá e úniko gol pa Hubentut Fortuna.
Den e ultimo partido pa e wikènt aki Centro Barber a topa ku Jong Colombia. Akinan e ekipo di Barber a sa di golia e samineronan di Jong Colombia ku skor di 5 pa 0. Pa Barber e golnan a keda anotá pa Keneth Kunst (19′, 57′), Luidjino Pinedo (41′), Jurensley Martina (pinalti 44′) i Ruwensley Girigori (46′).