Resultadonan di Spring Training ayera:
- Washington Nationals a derota New York Mets ku skor di 4-0
- Atlanta Braves a pèrdè di Detroit Tigers ku skor di 9-3
Andrelton Simmons a hunga shortstop i no a konektá hit den tres turno na bate. Su promedio ta di .254
- Miami Marlins a derota St. Louis Cardinals ku skor di 6-4
- New York Yankees a gana Pittsburgh Pirates ku skor di 4-2
- Toronto Blue Jays a derota Philadelphia Phillies ku skor di 3-0
- Arizona Diamondbacks a pèrdè di Cincinnati Reds ku skor di 9-1
Didi Gregorius no a hunga den e partido aki, tampoko Roger Bernadina
- Chicago White Sox a pèrdè di Chicago Cubs ku skor di 4-3
- Cincinnati Reds a gana di Milwaukee Brewers ku skor di 8-2
Roger Bernadina a hunga centerfield i a konektá 1 hit den 2 turno na bate. Roger tin un promedio aktual di .413
- Cleveland Indians a derota Arizona Diamondbacks ku skor di 3-2
Didi Gregorius no a hunga den e partido aki. Su promedio ta di .195
- Minnesota Twins a pèrdè di Boston Red Sox ku skor di 4-1
- Tampa Bay Rays a derota Baltimore Orioles ku skor di 4-3
Jonathan Schoop a hunga tersera base i a konektá un doblete den un turno na bate, ku 1 kareda empuha. Jonathan tin un promedio aktual di .385
- Los Angeles Angels a derota Los Angeles Dodgers ku skor di 7-5
Kenley Jansen no a picha den e partido aki
- Oakland Athletics a gana San Francisco Giants ku skor di 4-0
Partidónan di Spring Training pa awe:
- Boston Red Sox kontra Minnesota Twins
- Tampa Bay Rays kontra Detroit Tigers
- Miami Marlins kontra New York Yankees
- New York Mets kontra Toronto Blue Jays
- Pittsburgh Pirates kontra Philadelphia Phillies
- Houston Astros kontra Texas Rangers
- Kansas City Royals kontra Milwaukee Brewers
- Cleveland Indians kontra San Diego Padres
- Chicago Cubs kontra Arizona Diamondbacks
- Colorado Rockies kontra Seattle Mariners
- Los Angeles Angels kontra Los Angeles Dodgers
- Oakland Athletics kontra San Francisco Giants
Breve:
- Beisbòl Profeshonal Hapones su temporada regular ta kuminsá awe. E ekipo di Wladimir Balentien, Tokyo Yakult Swallows ta hunga kontra e ekipo di Yokohama DeNA Baystars. Miéntras ku Andruw Jones i Rakuten Golden Eagels ta enfrentá Saitama Seibu Lions.
- Ku 20 aña di edat na aña 1991, Sharnol ‘Pachito’ Adriana a kuminsá su karera den beisbòl profeshonal ku e ekipo di St. Catharines Blue Jays den klase A na Merka. Awor ku 43 aña di edat, Sharnol ta preparando pa drenta su di 23 temporada den beisbòl profeshonal. Sharnol ta forma parti di e ekipo di Rojos del Aguila de Veracruz den Tripel A di e Liga di Beisbòl Mehikano. Temporada pasa ku e mesun ekipo aki ‘Pachito’ a bati pa un promedio di .331 ku seis honron i 27 kareda empuha den 69 partido. Den e siguiente entrevista Sharnol ta papia riba su karera den beisbòl i kon e ta mira su ekipo e temporada ku ta bai kuminsá. Kortesia di: XEU Deportes
- Segun informashonnan, e pelotero di Detroit Tigers, Miguel Cabrera ta serka di yega na un akuerdo di ekstenshon ku e ekipo. Aparentemente e ekipo lo anunsiá e dil aki awe. Segun personnan ku tin konosementu di e negosashonnan ta bisa ku e dil aki lo tene Cabrera na Detroit te ku aña 2023, por lo ménos. Nan a bai mas leu i bisa ku ta trata aki di un dil di $248 mion dòler garantisá.
- E ekipo di Philadelphia Phillies a laga e pelotero Bobby Abreu den libertat. Abreu ku no a hunga den Liga Grandi for di aña 2012 a keda firma pa Philedelphia Phillies na un kontrakt di Liga Menor. Segun e ekipo nan ta buskando mas fleksibilidat i nan no ta kere ku Bobby Abreu por yudanan den esaki.