Resultadonan di Beisbòl Profeshonal Hapones Nippon ayera:
- Tokyo Yakult Swallows a pèrdè di Hiroshima Toyo Carp ku skor di 4-3
Wladimir ‘Coco’ Balentien a hunga right field i a konektá un hit den sinku turno na bate ku dos kareda empuha. Pa Balentien e hit tabata su di dos honron di temporada ku un koredó na base den di seis entrada. Wladimir tin un promedio aktual di .353
- Rakuten Golden Eagles a pèrdè di ORIX Buffaloes ku skor di 7-1
Andruw Jones tabata batido designa den e partido aki i a konektá dos hit den kuater turno na bate, ku dos kareda empuha. Pa Andruw e hitnan tabata un doblete den di kuater entrada i un single den di nuebe entrada. Andruw tin un promedio aktual di .235
Resultado di Liga di Beisbòl Profeshonal Chines na Taiwan:
- E ekipo di Shairon Martis, Uni-President 7-Eleven Lions a empatá na un kareda ku Chinatrust Brother despues di un partido ku a bai 12 entrada.
Den e partido aki Shairon Martis mester a konformá su mes ku un salida sin desishon, pichando sinku entrada i dos tèrsio, permitiendo seis hit, tres base por bola, un kareda i poncha seis. Shairon tin un efektividat aktual di 2.31
Resultadonan di Beisbòl Liga Grandi ayera:
- Kansas City Royals a pèrdè di Detroit Tigers ku skor di 2-1
- Atlanta Braves a derota Milwaukee Brewers ku skor di 1-0
Aaron Harang a bai ku e viktoria, miéntras ku staf di picheo di Atlanta a wanta Milwaukee na solamente dos hit den e partido. Chris Johnson a sòru pa e úniko kareda di e partido ku un honron solitario. Andrelton Simmons a hunga shortstop i no a konektá hit den tres turno na bate. Simmons tin un promedio aktual di .250
- Minnesota Twins a pèrdè di Chicago White Sox 7-6
- Cleveland Indians a pèrdè di Oakland Athletics ku skor di 6-1 den e promé partido miéntras ku Cleveland Indians a derota Oakland Athletics ku skor di 6-4 den e di dos partido
- Boston Red Sox a derota Baltimore Orioles ku skor di 6-2
Pa Boston, John Lackey a bai ku e viktoria miéntras ku pa Baltimore Ubaldo Jimenez mester a karga ku e derota den su debut pa e ekipo. Jonathan Schoop no a hunga den e partido aki
- Chicago Cubs a pèrdè Pittsburgh Pirates ku skor di 4-3 den un partido ku a bai 16 ining
- Colorado Rockies a derota Miami Marlins ku skor di 6-5
- St. Louis Cardinals a pèrdè di Cincinnati Reds ku skor di 1-0
Roger Bernadina a drenta komo batido emergente den di shete entrada i no a konektá hit den su úniko turno na bate
- Toronto Blue Jays a derota Tampa Bay Rays ku skor di 3-0
- Washington Nationals a gana New York Mets ku skor di 5-1
- Philadelphia Phillies a pèrdè di Texas Rangers ku skor di 4-3
Pa di dos dia konsekutivo Texas ta laga Philadelphia den tereno. Den e partido di ayera ta Shin-Soo Choo a empuha a kareda di viktoria pa Texas despues di a risibí un base por bola ku base yen
- New York Yankees a pèrdè di Houston Astros ku skor di 3-1
Pa Houston Astros, Jarred Cosart tabata e picher ganadó, miéntras ku pa Yankees tabata Hiroki Kuroda ku a haña e derota
- San Francisco Giants a derota Arizona Diamondbacks ku skor di 2-0
- Seattle Mariners a gana Los Angeles Angels ku skor di 8-2
- Los Angeles Dodgers a derota San Diego Padres ku skor di 5-1
Pa Dodgers, Dan Haren a logra e viktoria den su debut pa e ekipo. Kenley Jansen no a picha den e partido aki
Partidónan di Liga Grandi pa awe:
- Chicago Cubs kontra Pittsburgh Pirates
- St. Louis Cardinals kontra Cincinnati Reds
- Colorado Rockies kontra Miami Marlins
- Kansas City Royals kontra Detroit Tigers
- Washington Nationals kontra New York Mets
- Minnesota Twins kontra Chicago White Sox
- San Francisco Giants kontra Arizona Diamondbacks
- Boston Red Sox kontra Baltimore Orioles
- Toronto Blue Jays kontra Tampa Bay Rays
- New York Yankees kontra Houston Astros
- Seattle Mariners kontra Oakland Athletics