Resultadonan di Beisbòl Profeshonal Hapones Nippon ayera:
- Tokyo Yakult Swallows a pèrdè di Chunichi Dragons ku skor di 9-3
Wladimir ‘Coco’ Balentien a hunga right field den e partido aki i no a konektá hit den kuater turno na bate. Wladimir tin un promedio aktual di .212
- Rakuten Golden Eagles a pèrdè di Nippon-Ham Fighters ku skor di 5-2
Andruw Jones tabata batido designa den e partido aki i no a konektá hit den kuater turno na bate. Andruw tin un promedio aktual di .179
Resultadonan di Beisbòl Liga Grandi ayera:
- San Diego Padres a pèrdè di Cleveland Indians ku skor di 2-0 den e promé partido
- San Diego Padres derota Cleveland Indians ku skor di 2-1 den e di dos partido
- Oakland Athletics a gana Minnesota Twins ku skor di 7-4 despues di 11 entrada
- Cincinnati Reds a derota St. Louis Cardinals ku skor di 4-0
Roger Bernadina a drenta e partido komo batidó emergente i no a konektá hit den un turno na bate. Roger tin un promedio di .083
- Tampa Bay Rays a pèrdè di Kansas City Royals ku skor di 7-3
- Chicago White Sox a pèrdè di Colorado Rockies ku skor di 10-4
- Texas Rangers a pèrdè di Boston Red Sox ku skor di 4-2
- Baltimore Orioles a derota New York Yankees ku skor di 5-4
Jonathan Schoop a hunga tersera base i a manda e ekipo di Baltimore Orioles ariba den di dos entrada ku un honron di tres kareda kontra Masahiro Tanaka. Den e partido Jonatahan a konektá dos hit den kuater turno na bate ku dos kareda anotá i tres empuha. Jonathan tin un promedio aktual di .233. Pa New York, Shawn Kelley a haña e derota, miéntras ku Masahiro Tanaka a bai ku un salida sin desishon
- Miami Marlins a pèrdè di Washington Nationals ku skor di 10-7
- Milwaukee Brewers a derota Philadelphia Phillies ku skor di 9-4
- Houston Astros a pèrdè di Toronto Blue Jays ku skor di 7-3
- New York Mets a pèrdè di Atlanta Braves ku skor di 4-3
Ervin Santana a bai ku e viktoria pichando ocho entrada sin permití kareda den su debut ku e ekipo di Atlanta Braves. Andrelton Simmons a hunga shortstop i a konektá dos hit den kuater turno na bate. Simmons tin un promedio aktual di .321. Andrelton tabata tin un hungada espektakular kaminda e la ‘slide’ kue un bala den short i tira sinta pa saka e koredó out na primera
- Pittsburgh Pirates a pèrdè di Chicago Cubs ku skor di 7-5
- Detroit Tigers a gana Los Angeles Dodgers ku skor di 7-6
Kenley Jansen a drenta e partido den kabes di 10 entrada. E promé batido ku Kenley a enfrentá tabata, Victor Martinez ku a manda Detroit ariba ku un honron solitario. Kenley a picha dos tèrsio, permitiendo tres hit i un kareda pa su promé derota di temporada. Jansen tin un efektividat aktual di 4.76
- Los Angeles Angels a derota Seattle Mariners ku skor di 2-0
E picheo di LA Angels a permití solamente un hit den e partido aki
- Arizona Diamondbacks a gana San Francisco Giants ku skor di 7-3
Partidonan di Liga Grandi pa awe:
- Oakland Athletics kontra Minnesota Twins
- Pittsburgh Pirates kontra Chicago Cubs
- Miami Marlins kontra Washington Nationals
- Boston Red Sox kontra New York Yankees
- Milwaukee Brewers kontra Philadelphia Phillies
- Houston Astros kontra Toronto Blue Jays
- New York Mets kontra Atlanta Braves
- Cleveland Indians kontra Chicago White Sox
- Arizona Diamondbacks kontra San Francisco Giants
Breve:
Liga Menor Tripel A
- E ekipo di tripel A Round Rock Express a anunsiá ku Juremi Profar (ruman di Jurickson Profar) lo ta riba roster di e ekipo den tripel A.
- Mariekson ‘Didi’ Gregoruis ku dos doblete i un single den sinku turno na bate pa Reno Aces ayera. Tambe Didi a anotá un kareda i empuha otro.
- Sharnol ‘Pachito’ Adriana no a konektá hit den tres turno na bate ayera pa Rojos del Aguola de Veracruz
Liga Menor Dòbel A
- Sharlon Schoop no a konektá hit den tres turno na bate ayera pa Bowie Baysox den dòbel A. Sharlon tin un promedio aktual di .600 ku dos doblete, un honron i un kareda empuha den 15 turno na bate.
Liga Menor Klase A
- Christopher Garia no a konektá hit den kuater turno pa Myrtle Beach Pelicans ayera. Chris tin un promedio aktual di .273.
- Carlton Daal no a konektá hit den tres turno pa Dayton Dragons ayera. Carlton tin un promedio aktual di .278
- Roderick Bernadina (ruman di Roger Bernadina) a keda pone riba lista di hungadó leshoná pa e ekipo di Delmarva Shorebirds den klase A.