Resultadonan di Beisbòl Profeshonal Hapones Nippon ayera:
- Tokyo Yakult Swallows a pèrdè di Chunichi Dragons ku skor di 8-6
Wladimir ‘Coco’ Balentien a hunga right field den e partido aki i a konektá un honron solitario den kuater turno na bate. Wladimir tin un promedio aktual di .216, ku tres honron i shete kareda empuha
- Rakuten Golden Eagles a pèrdè di Nippon-Ham Fighters ku skor di 5-3
Andruw Jones tabata batido designa den e partido i a konektá un hit den kuater turno na bate, ku un kareda empuha. Andruw tin un promedio aktual di .186, ku un honron i seis kareda empuha
Resultadonan di Beisbòl Liga Grandi ayera:
- Oakland Athletics a derota Minnesota Twins ku skor di 6-1
- Pittsburgh Pirates a gana Chicago Cubs ku skor di 5-4
- Miami Marlins a pèrdè di Washington Nationals ku skor di 7-1
Picher Stephen Strasburg di Washington Nationals a poncha 12 batido, permitiendo tres hit, un base por bola i un kareda den seis ining i dos tèrsio
- Boston Red Sox a pèrdè di New York Yankees ku skor di 4-1
Pa New York Yankees, Michael Pineda a bai ku e viktoria miéntras ku Xander Bogaerts a konektá dos hit den kuater turno pa Boston Red Sox. Hopi spekulashon despues di e partido riba un supstansia ku Michael Pineda tabata tin riba su man di picha. Misteriosamente den kabes di sinku ining e supstansiá aki no tabata tei mas. Segun e picher ta tera e tabata tin riba su man pa motibu ku e ta soda hopi
- Milwaukee Brewers a derota Philadelphia Phillies 6-2
Ku e viktoria aki e ekipo di Milwaukee Brewers ta logra nan di seis viktoria konsekutivo
- Houston Astros a gana Toronto Blue Jays ku skor di 6-4
- New York Mets a derota Atlanta Braves ku skor di 6-4
Andrelton Simmons no a hunga den e partido aki. Andrelton a sinti su pols den e partido di ántayera na momentu ku e la kai riba su pols den di seis entrada tratando di evitá un out na plato. Simmons a tuma parti di praktiká di bateo ayera pero manager Fredi Gonzazel a sak’e for di aliniashon na momentu ku su pols tabata dun’e problema ku su swing. E manager di e ekipo ta spera ku Simmons lo ta bek e wikènt aki den aliniashon
- Cleveland Indians a pèrdè di Chicago White Sox ku skor di 7-3
- Arizona Diamondbacks a derota San Francisco Giants ku skor di 6-5 den un partido ku a bai 10 entrada
Partidonan di Liga Grandi pa awe:
- Boston Red Sox kontra New York Yankees
- Miami Marlins kontra Philadelphia Phillies
- Toronto Blue Jays kontra Baltimore Orioles
- Tampa Bay Rays kontra Cincinnati Reds
- Washington Nationals kontra Atlanta Braves
- Houston Astros kontra Texas Rangers
- Cleveland Indians kontra Chicago White Sox
- Kansas City Royals kontra Minnesota Twins
- Pittsburgh Pirates kontra Milwaukee Brewers
- Chicago Cubs kontra St. Louis Cardinals
- Los Angeles Dodgers kontra Arizona Diamondbacks
- New York Mets kontra Los Angeles Angels
- Detroit Tigers kontra San Diego Padres
- Oakland Athletics kontra Seattle Mariners
- Colorado Rockies kontra San Francisco Giants
Breve:
Liga Menor Tripel A
- Mariekson ‘Didi’ Gregorius no a konektá hit den kuater turno na bate ayera pa Reno Aces. Didi tin un promedio aktual di .333
- Sharnol Adriana no a konektá hit den tres turno na bate pa Rojos del Aguila de Veracruz ayera
Liga Menor Dòbel A
- Curt Smith a drenta komo batido emergente ayera pa Springfield Cardinals i no a konektá hit den un turno na bate
- Hainley Statia a hunga segunda base i shortstop ayera pa Huntsville Stars i a konektá un single i un doblete den dos turno na bate ku dos base por bola. Hainley tin un promedio aktual di .143
Liga Menor Klase A
- Chris Garia a hunga center field i a konektá un doblete i un tripel den kuater turno na bate pa e ekipo di Myrtle Beach Pelicans. Chris tin un promedio aktual di .333
- Carlton Daal a hunga shortstop i a konektá tres hit, for di kua un doblete den sinku turno na bate, ku un kareda anotá pa Dayton Dragons. Ku esaki Carlton ta bira e promé pelotero di su ekipo ku ta konektá tres hit den un partido e temporada aki. Carlton tin un promedio aktual di .348