Resultadonan di Beisbòl Profeshonal Hapones Nippon ayera:
- Tokyo Yakult Swallows a pèrdè di Yomiuri Giants ku skor di 9-8
Wladimir ‘Coco’ Balentien a hunga left field pa e ekipo di Swallows i tabata tin un bon dia na plato. Wladimir a konektá tres hit den sinku turno na bate, ku dos kareda empuha. Den di nuebe entrada Wladimir a empatá e partido na ocho kareda ku un honron solitario. Despues di e honron di Wladimir, bankinan a bira bashí ora ku a surgi un interkambio di palabra entre Wladimir i e picher di Yomiuri Giants, Scott Mathieson. E picher no tabata muchu kontentu ku e manera ku Wladimir a selebrá despues di konektá e honron. Ku shete honron konektá, Wladimir ta empatá ku Willy Mo Peña den e kategoria di mas honron konektá den e temporada aktual di beisbòl profeshonal Hapones. Wladimir tin un promedio di .273 ku 14 kareda empuha
- Rakuten Golden Eagles a pèrdè di Fukuoka SoftBank Hawks ku skor di 3-1
Andruw Jones a hunga primera base den e partido aki pa e ekipo di Golden Eagles i no a konektá hit den tres turno na bate, ku un base por bola. Andruw su promedio ta di .180 ku tres honron i ocho kareda empuha
Resultadonan di Beisbòl Liga Grandi ayera:
- Pittsburgh Pirates a pèrdè di Cincinnati Reds ku skor di 4-0
Roger Bernadina a drenta e partido komo koredó emergente i no tabata tin turno na bate
- Tampa Bay Rays kontra Baltimore Orioles
Jonathan Schoop no a hunga den e partido aki
- Chicago Cubs a pèrdè di New York Yankees ku skor di 3-0 den e promé partido. Akinan tabata Masahiro Tanaka ku a bai ocho entrada kompleto permitiendo dos hit i ponchando 10 batido. Den e di dos partido New York Yankees a bolbe gana e biaha aki ku skor di 2-0. Den e partido aki Michael Pineda a picha seis entrada kompleto, permitiendo kuater hit i ponchando tres
- St. Louis Cardinals a pèrdè di Milwaukee Brewers ku skor di 5-1
- New York Mets a derota Arizona Diamondbacks ku skor di 5-2
- Atlanta Braves a gana Philadelphia Phillies ku skor di 1-0
Andrelton Simmons a hunga shortstop den e partido aki i a konektá un hit den kuater turno na bate. Andrelton tin un promedio aktual di .333 ku un doblete, dos tripel i dos honron. Pa Atlanta Braves e picher Julio Teheran a bai e distansia kompleto, permitiendo tres hit i ponchando kuater pa su di dos viktoria di temporada
- Cleveland Indians a derota Detroit Tigers ku skor di 3-2
- Washington Nationals a gana Miami Marlins ku skor di 6-3
- Seattle Mariners a pèrdè di Texas Rangers ku skor di 3-2
- Boston Red Sox a derota Chicago White Sox ku skor di 6-4 den un partido ku a bai 14 ining
- Kansas City Royals a gana Houston Astros ku skor di 6-4 despues di 11 entrada
- Toronto Blue Jays kontra Minnesota Twins a keda postpone
- Oakland Athletics a pèrdè di Los Angeles Angels ku skor di 5-4 despues di 12 ining
- Colorado Rockies a pèrdè di San Diego Padres ku skor di 4-2
- Los Angeles Dodgers a pèrdè di San Francisco Giants ku skor di 2-1
Kenley Jansen no a picha den e partido aki
Partidónan di Liga Grandi pa awe:
- Atlanta Braves kontra Philadelphia Phillies
- Cleveland Indians kontra Detroit Tigers
- Toronto Blue Jays kontra Minnesota Twins (Doubleheader)
- Seattle Mariners kontra Texas Rangers
- Los Angeles Dodgers kontra San Francisco Giants
- Colorado Rockies kontra San Diego Padres
- Milwaukee Brewers kontra Pittsburgh Pirates
- St. Louis Cardinals kontra Washington Nationals
- New York Yankees kontra Tampa Bay Rays
- Boston Red Sox kontra Chicago White Sox
- Kansas City Royals kontra Houston Astros
Breve:
Liga Menor Tripel A
- Didi Gregorius a hunga shortstop ayera pa e ekipo di Reno Aces i no a konektá hit den sinku turno na bate. Didi tin un promedio aktual di .321 ku ku kuater doblete, un tripel, un honron i sinku kareda empuha
Liga Menor Dòbel A
- Hainley Statia a drenta e partido di ayera komo batido emergente pa Huntsville Stars i a haña un base por bola. Hainley tin un promedio di .278, ku dos doblete
Liga Menor Klase A
- Chris Garia a hunga left field ayera pa e ekipo di Myrtle Beach Pelicans i no a konektá hit den tres turno na bate. Chris tin un promedio aktual di .333
- Juremi Profar a hunga tersera base i a konektá un hit den sinku turno ku dos kareda empuha pa e ekipo di Hickory Crawdads ayera. Juremi tin un promedio di. 273 ku un honron i kuater kareda empuha
- Carlton Daal tabata shortstop ayera pa e ekipo di Dayton Dragons i a konektá dos hit den tres turno na bate ku un kareda anotá i un base por bola. Carlton di un promedio di .316 ku dos doblete i dos kareda empuha
- Jonh Polonius a hunga tersera base ayera i no a konektá hit den tres tuno na bate pa Augusta Greenjackets