WILLEMSTAD – E kampionato lokal di futbòl Liga MCB ta kontinuá awe na Stadion Ergilio Hato ku un partido. Pa mitar di nuebe di anochi e ekipo di Hubentud Fortuna lo enfrentá Jong Holland.
Djabièrnè kampionato ta kontinuá ku e partido entre Centro Barber i Victory Boys.
Djasabra manera ta kustumber lo tin dos partido. E promé partido ta Sithoc kontra Subt i despues Centro Dominguito kontra Vesta.
Djadumingu no tin partido e wikènt aki.