CINCINNATI – E ekipo di Cincinnati Reds a anunsiá ku nan a kita Roger Bernadina for di riba nan roster pa hasi lugá pa picher Carlos Contreras. Na mei ultimo tambe e ekipo di Cincinnati kita Roger for di riba roster pero tres dia despues Roger tabata bek ku e ekipo.
Ainda no ta konosí kiko Cincinnati ta bai hasi ku Roger. E ekipo den e próksimo 10 dianan por pone Roger bek riba nan roster di 40 hungadó. Si esaki no ta e kaso e ekipo mester sea pone e pelotero riba ‘waivers’, kambia e pelotero, lag’e den libertat of mand’e Liga Menor den kaso ku niun otro ekipo no reklamá e pelotero.
Roger tabata tin un promedio di .153 den 59 turno na bate pa Cincinnati Reds e temporada aki.