Selekshon Nashonal kla pa CFU Men’s Caribbean Cup Tournament

WILLEMSTAD – Despues ku nos selekshon di U-20, nos selekshon di dama U-15 i por último nos selekshon nashonal di U-17 ta tin e oportunidat di a representá Kòrsou, awor ta toka turno na nos selekshon nashonal di senior pa saka kara di Kòrsou den e CFU Men’s Caribbean Cup Tournament ku ta tuma lugá na Puerto Rico.

Despues di dianan di trainingnan intensivo i un temporada di preparashon ekstenso, awe, djaluna promé di sèptèmber nos selekshon nashonal senior lo biaha pa Puerto Rico pa asina kumpli ku nan kompromisonan den e promé buèlta di e CFU Men’s Caribbean Cup Tournament ku ta tuma lugá di promé pa 8 di sèptèmber próksimo.

Nos pul ta konsistí di e siguiente paisnan; French Guiana, Grenada, Puerto Rico i Kòrsou.

Skema di weganan:

Nos selekshon nashonal di senior ta konsistí di un grupo di 20 hungadó ku ta wòrdu dirigí pa Sr. Ingemar Pieternella ku ta e direktor tékniko di e selekshon aki i Sr. Jozef Nivillac ku ta e asistente di e direktor tékniko.

Tambe a biaha huntu ku e selekshon Sr. Etiënne Siliee ku ta e advisor di e parti tékniko, Sr. Sherwin Martina ku ta esun enkargá ku e materialnan di e selekshon, un masahista kual ta Sr. Clinton Leocadia i e hefe di delegashon ku ta Sr. Remfis Donker, miembro di direktiva di FFK.

Nos selekshon ta konsistí di e siguiente hungadónan:

1. Ashar Bernardus
2. Shannon Carmelia
3. Mirco Colina Jr.
4. Mickey Fecunda
5. Luidjino Hoyer
6. Lendell Johannes
7. Rugenio Josephia
8. Gillian Justiana
9. Kenneth Kunst
10. Ruensley Leuteria
11. Shelton Martes
12. Jurensley Martina
13. Rhuently Martina
14. Prince Mathilda
15. Rihairo Meulens
16. Gevaro Nepomuceno
17. Jarzinho Pieters
18. Frenly Sirvania
19. Soranly Thomsjansen
20. Merencia Vidarrel

FFK i MCB kier a deseá nos selekshon di senior tur klase di éksito i tin sigur ku nan lo sa di hasi un bon trabou na Puerto Rico den e CFU Men’s Caribbean Cup Tournament.