Resultadonan di Beisbòl Profeshonal Hapones Nippon ayera:
- Hokkaido Nippon-Ham Fighters a derota Rakuten Golden Eagles ku skor di 8-1
Andruw Jones no a konektá hit den 4 turno na bate. Andruw tin un promedio di .221
Resultadonan di Beisbòl Liga Grandi di ayera:
- San Francisco Giants a derota Pittsburgh Pirates ku skor di 8-0
Brandon Crawford a manda Giants ariba den di 4 entrada ku un Grand Slam. Giants a añadí na nan bentaha di 4-0 ku 1 kareda den di 6, 2 kareda den di 7 i 1 kareda den di 8 entrada. E picher di San Francisco, Madison Bumgarner tabata tin dominio total riba e batidonan di Pittsburgh. Bumgarner a bai e distansia kompletu sin permití kareda riba 4 hit ku 1 base por bola i ponchando 10 batido. Ku e viktoria San Francisco ta pasa pa e Division Series di Liga Nashonal i lo enfrentá Washington Nationals djabièrnè próksimo
Partidónan di Liga Grandi pa awe:
Division Series Liga Merikano
- Detroit Tigers kontra Baltimore Orioles (Wega #1)
- Kansas City Royals kontra Los Angeles Angels (Wega #1)
Breve:
- E ekipo di Yakult Swallows a anunsiá ku Wladimir Balentien mester a opera su tendon di Achilles robes. E tendon di Achilles a bin ta molestiá Wladimir durante henter e temporada tras di lomba. Esaki tabata e motibu ku Wladimir a keda sin hunga den luna di yüni i mester a regresá Merka promé ku temporada finalisá. Wladimir a biaha pa North Carolina kaminda a chek su pia i mes ora a opta pa opera. Ainda no ta sigur kuantu tempu e pelotero mester pa rekuperá, pero ta pensa ku lo dura mas of ménos 6 luna.