Resultadonan di Beisbòl Profeshonal Hapones Nippon ayera:
- Andruw Jones i Rakuten Golden Eagles no a hunga ayera
Resultadonan di Beisbòl Liga Grandi di ayera:
- Baltimore Orioles a derota Detroit Tigers ku skor di 12-3
Jonathan Schoop a yuda Baltimore den e viktoria konektando un single i un doblete den 4 turno na bate ku 2 kareda empuha i unu anotá. Banda di Jonathan tabata entre otro Nelson Cruz ku a konektá un honron i empuha 3 kareda pa Baltimore
- Kansas city Royals a gana Los Angeles Angels ku skor di 3-2 den 11 entrada
Pa Kansas City tabata Mike Moustakas ku a konektá un honron solitario den kabes di 11 entrada pa manda Kansas ariba i kibra e empate
Partidónan di Liga Grandi pa awe:
Division Series Liga Nashonal
- San Francisco Giants kontra Washington Nationals (Wega #1)
- St. Louis Cardinals kontra Los Angeles Dodgers (Wega #1)
Division Series Liga Merikano
- Detriot Tigers kontra Baltimore Orioles (Wega #2, Baltimore ariba 1-0)
- Kansas City Royals kontra Los Angeles Angels (Wega #2, Kansas ariba 1-0)
Breve:
- Diegomar Markwell tabata tin tremendo presentashon ayera pa DOOR Neptunes den Holland Series kontra L&D Amsterdam. E ekipo di DOOR Neptunes a derota L&D Amsterdam ku skor di 3-1. Diegomar a bai e distansia kompletu permitiendo solamente 1 kareda riba 7 hit i ponchando 12 batido
- Segun informashonnan picher, Jair Jurrjens a opta pa bira agente liber. Jair a habri temporada ku e ekipo di Louisville Bats den tripe. Akinan Jair a logra un rèkert di 2-3 ku un efektividat di 4.46. Den luna di yüli Jair a keda kambia pa e ekipo di Colorado Springs Sky Sox. Akinan e picher a logra un rèkert di 0-5 ku un efektividat di 4.60. Na dos okashon Jair a haña e oportunidat pa picha ku Colorado Rockies den Liga Grandi. Akinan den dos salida Jurrjens a logra un rèkert di 0-1 ku un efektividat di 10.61