Resultadonan di Beisbòl Profeshonal Hapones Nippon ayera:
- Rakuten Golden Eagles kontra ORIX Buffaloes a keda kanselá pa motibu di tifon #18
Resultadonan di Beisbòl Liga Grandi di ayera:
Division Series Liga Nashonal
- Washington Nationals a derota San Francisco Giants ku skor di 4-1
E ekipo di Washington a anotá 3 kareda den di 7 entrada riba 2 hit i 1 eror. Apesar di ku e 3 kareda anotá den di 7 tabata sufisiente pa Washington e ekipo a añadí otro kareda den di 9 ku un honron di Bryce Harper. E seri awor ta 2-1 na fabor di San Francisco Giants
- Los Angeles Dodgers a pèrdè di St. Louis Cardinals ku skor di 3-1
Tabata Kolten Wong ku den di 7 entrada a konektá un honron di 2 kareda pa kibra e empate i manda e ekipo di St. Louis ariba ku skor di 3-1. Apesar di tabata tin 2 koredó na base den di 9 entrada ku 1 out, e ekipo di Dodgers no a logra hinka kareda. Ku e viktoria aki e seri a bira 2-1 na fabor di St. Louis Cardinals
Partidónan di Liga Grandi pa awe:
Division Series Liga Nashonal
- Los Angeles Dodgers kontra St. Louis Cardinals (Wega #4, St. Louis ariba 2-1)
- Washington Nationals kontra San Francisco Giants (Wega #4, San Francisco ariba 2-1)