WILLEMSTAD – Liga MCB su buèlta di 4 a ranka sali djabièrnè tras di lomba den Stadion Ergilio Hato. Riba djabièrnè tabata Centro Dominguito kua a sali e ekipo number un den buèlta di 6 kontra Jong Holland ku a sali e ekipo number 4. Den e partido aki tabata Centro Dominguito ku a bai ku e viktoria derotando Jong Holland ku skor di 5-1. Pa Dominguito e golnan a keda anotá pa; Micro Colina Jr., Shayron Bernardus(2x), Kemoy Reid i Jarzinho Pieter. Pa Jong Holland e úniko gol a keda anotá pa Dannick Koeiman.
Djasabra e buèlta di 4 a kontinuá ora ku Centro Barber a topa ku UNDEBA. Akinan tabata UNDEBA ku a sali di e porta grandi, ora ku nan a derota Centro Barber ku skor di 3-1. Pa Undeba e golnan a keda anotá pa; Edgard Cassiani i Norvianel Naar(2x). Ludjino Pinedo a anotá e úniko pa Centro Barber.
Tabla di posishon buèlta di 4:
| Ekipo | PH | G | E | P | GF | GK | GD | Pt |
| Centro Dominguito | 1 | 1 | 0 | 0 | 5 | 1 | 4 | 3 |
| UNDEBA | 1 | 1 | 0 | 0 | 3 | 1 | 2 | 3 |
| Centro Barber | 1 | 0 | 0 | 1 | 1 | 3 | -2 | 0 |
| Jong Holland | 1 | 0 | 0 | 1 | 1 | 5 | -4 | 0 |