MERKA — E organisashon di Texas Rangers a promové Juremi Profar pa e ekipo di High Desert Mavericks den Klase A Avansá. Juremi tabata ku e ekipo di Spokane Indians den Klase A temporada kòrtiku. E ekipo di Spokane su temporada lo kuminsá dia 18 di yüni próksimo.
Den su promé partido ku e ekipo di High Desert Mavericks dia 27 di mei ultimo Juremi no a konektá hit den 1 turno na bate. Sin embargo, den e partido di ayera Juremi a konektá un single i un tripel den sinku turno na bate miéntras ku e la anotá un kareda i empuha otro. Aktualmente Juremi tin un promedio di .333.
E partido di ayera di High Desert Mavericks tabata kontra di e Kurasoleño John Polonius i San Jose Giants. Den e partido aki John a konektá un hit den kuater turno na bate pa Giants.
Phildrick Llewellyn
Despues ku algun dia pasa e organisashon di Baltimore Orioles a promové Phildrick Llewellyn pa e ekipo di Fredrick Keys den Klase A avansá e ekipo ta bah’e un nivel bek pa Klase A temporada kòrtiku. Phildrick ta awor ku e ekipo di Aberdeen Ironbrids ku ta kuminsá nan temporada dia 19 di yüni próksimo.
Den Klase A avansá Phildrick a hunga den dos partido i a logra un promedio di .222 den nuebe turno na bate.