WILLEMSTAD — E kampionato di futbòl promé divishon Liga MCB a kontinuá den wikènt tras di lomba ku partidonan den Stadion Antoine Maduro (SUBT). Riba djabièrnè tabata e ekipo di Centro Barber ku a enfrentá Hubentut Fortuna. Akinan ambos ekipo a bai kas ku un punto despues di a empatá na dos gol. Pa Centro Barber e golnan a keda anotá pa: Luidjison Doran i Kenneth Kunst. Miéntras ku pa Hubentut Fortuna e golnan nan a keda anotá pa, Tyrone Maria i Shurwendel Roosje.
Riba djasabra e kampionato a kontinuá ku dos partido. Den e promé partido tabata Centro Dominguito ku a topa ku Scherpenheuvel. Akinan tabata Centro Dominguito ku ta mantené nan rèkert perfekto derotando Scherpenheuvel ku skor di 2-0. Pa Dominguito e golnan a keda anotá pa, Shairon Bernardus i Stallone Isenia.
Den e di dos partido di djasabra tabata Victory Boys ku a enfrentá Sithoc. Akinan tabata Victory Boys ku ta haña e tres puntonan despues di a derota Sithoc ku skor di 1-0. E úniko gol di Victory Boys a keda anotá pa Norman Hoyer.
Riba djadumingu tambe tabata tin dos partido den Liga MCB. Den e promé partido di djadumingu tabata Jong Holland ku a enfrentá Jong Colombia. Akinan tabata Jong Holland ku a derota Jong Colombia ku skor di 2-1. Pa Jong Holland e golnan a keda anotá pa Dannick Koeiman i Gerffert Koster. Miéntras ku e gol di Jong Colombia a keda anotá pa Ericson Zimmerman.
Den e di dos partido di djadumingu tabata UNDEBA ku a enfrentá e ekipo di SUBT. Akinan tabata UNDEBA ku a bai ku e tres puntonan, derotando SUBT ku skor di 2-1. E golnan di UNDEBA a keda anotá pa Alejandro Martinez i Ruensley Lueteria. E úniko di SUBT a keda anotá pa Richeny Felicia.
Tabla di Posishon:
| Ekipo | H | G | E | P | GF | GK | GD | Pt. | |
| 1 | C. Dominguito | 11 | 11 | 0 | 0 | 26 | 6 | 20 | 33 |
| 2 | Jong Holland | 11 | 7 | 3 | 1 | 20 | 9 | 11 | 24 |
| 3 | CSD Barber | 11 | 7 | 2 | 2 | 37 | 14 | 23 | 23 |
| 4 | Victory Boys | 11 | 6 | 2 | 3 | 18 | 10 | 8 | 20 |
| 5 | Undeba | 11 | 4 | 4 | 3 | 18 | 15 | 3 | 16 |
| 6 | Hub. Fortuna | 11 | 2 | 4 | 5 | 11 | 14 | -3 | 10 |
| 7 | Scherpenheuvel | 11 | 1 | 5 | 5 | 10 | 18 | -8 | 8 |
| 8 | Subt | 11 | 2 | 2 | 7 | 16 | 25 | -9 | 8 |
| 9 | Jong Colombia | 11 | 2 | 1 | 8 | 12 | 32 | -20 | 7 |
| 10 | FC Sithoc | 11 | 1 | 1 | 9 | 7 | 32 | -25 | 4 |