WILLEMSTAD (FFK) — Preparashonnan ta den ful swing pa e promé wega den e segundo buèlta di e weganan pa eliminatorio pa mundial Rusia 2018 kaminda nos selekshon nashonal lo enfrentá Cuba dia 10 di yüni benidero, 8or di anochi den Stadion Egilio Hato (SDK). E segundo partido lo tuma lugá aya na Cuba den stadion Pedro Marrero pa 4or di atardi dia 14 di yüni próksimo.
Pa e gran enkuentro aki no selekshon nashonal ta konta ku algun hungadó di Hulanda ku lo bin djòin esnan di Kòrsou pa asina entrenamentu nan sigui aki na Kòrsou komo preparashon pa e tremendo partido di 10 di yüni benidero. Awe, promé di yüni nos hungadónan di Hulanda lo yega Kòrsou alrededor di mitar di 2 di mèrdia ku buelo di KLM. Nos selekshon lo hospedá na Blue Bay Resort i hinter e siman nan lo ta den training nan intensivo en espera pa dia 10 di yüni.
E hungadónan ku lo yega Kòrsou mañan ta lo siguiente:
- Germaine Agustien
- Roly Bonevacia
- Shanon Carmelia
- Elson Hooi
- Gino van Kessel
- Darryl Lachman
- Gianlucca Maria
- Michaël Maria
- Rhu-Endly Martina
- Quinten Martinus
- Shelton Martis
- Vidarell Merencia
- Rihairo Meulens
- Dustly Mulder
- Gevaro Nepomuceno
- Jeremy de Nooijer
- Zeus de la Paz
- Prince Rajcomar
- Jonathan Richard
- Eloy Room
- Charlton Vicento
- Jason Wall
- Felitciano Zschusschen
Ayera den ora nan di mainta parti di nos staf ya a yega Kòrsou pa prepará nos hungadónan. Ta trata di: Ettiene Stomp (entrenadó di kiper), Mirano Carrilho (entrenadó físiko) i Carlo Tosti (fysio).
Karchinan ya ta na benta i e preisnan pa karchi pa e diferente sekshonnan ta lo siguiente:
- VIP ta kosta Naf. 250,- (inkluso konsumo)
- Bou di tribuna kubri ta Naf. 55,-
- Bou di tribuna kubri parti Festival Center ta Naf. 40,-
- Tribuna no kubri ta Naf. 30,-
- Den e sekshon di tribuna no kubri mucha te ku 12 aña i 60+ ta paga Naf. 15.-
Karchinan ta optenibel na FFK bou di ora di ofisina, na Pòmp di gasolin Sta Maria, Botika Mampuritu, Beep Beep i na tur filial di Cpost International N.V. Tambe por kumpra bo karchi online riba www.righttothedoor.com.
E flanelnan di selekshon nashonal a yega bèk i ta na benta na balor si fl.35. Despues ku e promé zending a kaba, e di 2 a yega ku diseño i kolo nobo pa un i tur por pasa kumpra di nan.
E flanelnan di nos selekshon ta optenibel na FFK, bou di ora di ofisina, na Fiesta Paradise, Pomp di gasolin Sta Maria i tambe na Beep Beep.
E flaneln nan ta kuminsá na size S i ta yega te na 3 XL. Tambe tin size pa mucha manera size 8, 10, 12, 14 i 16. KORDA KU NO POR ‘SWIPE’ NA FFK!