WILLEMSTAD — Federashon di Futbòl Kòrsou (FFK) i nos selekshon nashonal di futbòl bou di guia di Patrick Kluivert ta yama danki na pueblo di Kòrsou i prinsipalmente na tur e fanátikonan ku a asistí na nos promé kompromiso di e di 2 buèlta di Scotiabank Caribbean Cup kontra Guyana Inglés di djarason último. Un danki spesial tambe ta bai na tur medio di komunikashon pa nan kobertura durante e partido aki, danki na tur spònser, instansianan i un i tur ku a kolaborá pa e promé partido aki tuma lugá kaminda nos selekshon a enfrentá Guyana Inglés i a sa di gana ku e skor di 5-2 ku golnan anotá pa Felitciano Zschusschen (3x) i Gino van Kessel (2x).
Den kuadro di e preparashonnan aki, djasabra dia 4 di yüni lo bai tin un partido amistoso entre nos selekshon nashonal dirigí pa Sr. Patrick Kluivert i un selekshon formá pa hungadónan áktivo di Liga MCB Promé Divishon dirigí pa Sr. Norman ‘Nooi’ Girigorie. E partido aki lo kuminsá 8or di anochi den Stadion Ergilio Hato.
Promé ku e enkuentro aki lo bai tin un partido entre nos selekshon U-17 i e ekipo kampion di kampionato hubenil U-20, Victory Boys pa mitar di 6 di atardi.
Preis pa e partido amisto aki lo ta fl.10 general miéntras mucha te ku 12 aña ku 60+ ta kosta fl.5,-. Karchi pa e partido aki lo ta na benta na lokètnan di Stadion Ergilio Hato for di mitar di 5 di atardi i porta nan tambe lo habri for di mitar di 5 di atardi.
E hungadónan ku a keda invitá pa e selekshon di Liga MCB ta lo siguiente:
- Raymar Revierre (Vesta)
- Kevin Kort (SUBT)
- Jahir Valerius (Victory Boys)
- Bryan Bakboord (Victory Boys)
- Cedrickson Antonio (Victory Boys)
- Isaï Marselia (eks Jong Holland)
- Norvianel Naar (Jong Colombia)
- Rubiensly Heriquez (Undeba)
- Ishuar Martina (Hubentut Fortuna)
- Jestle Malacia (SUBT)
- Bryan Roosje(Scherpenheuvel)
- Kurstin De Mei (Centro Barber)
- Soranley Thomsjansen (Centro Barber)
- Faron Troeman (Centro Barber)
- Jimberson Vapor (Centro Barber)
- Dean Lourensz (Centro Barber)
- Mirco Colina Jr. (Centro Barber)
- Gerion Alberto (Centro Barber)
- Christopher Isenia (Centro Barber)
- Jurensley Martina (Centro Barber)
- Deannejive Willems (Centro Barber)
- Tyronne Maria (Vesta)
- Ivanny Calvenhoven (Centro Dominguito)
- Ashar Bernardus (Centro Dominguito)
- Gedeon Poppen (Centro Dominguito)
Un yamada ta bai na hinter e pueblo di Kòrsou pa asistí na e tremendo partido amistoso entre nos selekshon nashonal dirgí pa Sr. Patrick Kluivert i un selekshon formá ku hungadónan di Liga MCB promé Divishon dirigí pa Sr. Norman ‘Nooi’ Girigorie.