WILLEMSTAD — Tampoko tabata Kenneth Pieter su intenshon pa reakshoná, pero ora a tuma nota di e komunikado di Febeko, mi pensa ku algun kos mester keda klara i pone den e konteksto korekto.
Direktiva di Febeko su reakshon riba árbitronan ta bisa ku: Deshonestidat di Kuerpo den Umpire no ta akseptabel, i ta splika ku Febeko ta lamentá i desaprobá e echo ku USAC a haña ta nesesario pa den públiko duna deklarashon engañoso hasiendo komosifuera ku ta Febeko su falta di no a notifiká umpayernan di kambionan ta sigui bisa ku mi persona Kenneth Pieter i Hensly Benito tabata na altura di kambionan ku kasi 5 aña pasa a keda fiha.
Ta bon pa menshoná ku solamente mi persona a duna deklarashon na dos media di prensa, kaminda mi a duna mi punto di bista riba lokual a sosodé e atardi ei na Parke Heintje Kool kaminda arbitrahe a apliká Tie- Breake rule for di lugá.
Den e splikashon aki mi persona niun momentu so a bisa ku Febeko no a notifiká umpayernan di aplikamentu si òf no di Tie- Break rule den Playoff. Lokual si mi persona a bisa tabata ku a deskonosé ku mester a apliká esaki si òf no, rekonosiendo ku a apliká esaki no na lugá. Tambe mi a deklará ku si kambio por a tuma talbes ku mi no ta na altura di dje komo ku mi no ta forma parti mas di e direktiva di Febeko, alabes mi a splika kon ta apliká e uso di e Tie- Break rule. Tambe mester bisa ku a pidi Febeko espasio pa sinta ku miembronan pa prepará pa playoff. Esaki no ta keda usa komo argumentu, arbitrahe a purba di mas mihó posibel hiba arbitrahe di un manera serio i korekto.
Despues di wega mi a keda aserka pa un dirigente di tim notifikando mi persona ku Timnan lo a tuma e desishon den Reunion General ku lo no usa Tie- Break rule den Playoff, kaminda mi a kontesta di no tabata na reunion general i ku no ta konosí p’ami ki desishon timnan a tuma den reunion General.
Klaro mi ta lamentá ku di parti di arbitrahe nos a apliká e regla for di lugá, i ku esaki di òf otro forma a kambia e kontinuashon di e wega. Tambe mi ta lamentá ku miembronan di direktiva di Febeko ku no sa ni tei na wega, pero e dia ei tabata tin 2 miembro direktiva di Febeko i dirigentenan di klup na wega a sinta den tribuna laga esaki tuma lugá.
Pa mi terminá e komunikado aki mi ta splika di a tuma retiro komo miembro di direktiva di USAC i ta papia riba responsabilidat di Kenneth Pieter. E motibu kual USAC a keda funda pe ta noble i ku mira riba desaroyo sano den arbitrahe, i ku bista riba e desaroyo sano pa e deporte, esaki no meresé un mancha. For di aki, mi ta gradisí ku a dunami espasio pa dje forma ei sirbi e deporte, i ta deseá tur klase di éksito ku kontinuashon di playoff.