WILLEMSTAD — E ekipo di beisbòl di Brigham Young University, BYU Cougars, prosedente di Utah, Estádos Unídos lo ta di bishita na Kòrsou di 23 pa 27 di novèmber próksimo. E ekipo aki lo midi forsa ku e selekshon di Kòrsou durante un serie di tres enkuentro. E partidonan entre BYU Cougars i selekshon di Kòrsou lo tuma lugá riba:
- Djaweps, 24 di novèmber pa 20:00 na Tio Dauo Ballpark.
- Djabièrnè, 25 di novèmber pa 20:00 na Tio Dauo Ballpark.
- Djasabra, 26 di novèmber pa 17:30 na Tio Dauo Ballpark.
E partido di djaweps i esun di djabièrnè lo tin un límite di tempu di 3 ora. Pa loke ta e partido di djasabra ta asina ku e límite di tempu lo ta di 2 ora i mei. Den kaso di empate na e momentu di e límite di tempu, lo apliká e asina yamá ‘tie break rule’.
Entrada general lo ta 5 florin. Mucha bou di 15 aña i personanan ariba di 60 aña ta paga 2 florin.
E selekshon di FEBEKO lo ta bou di enkargo di Mompie van Gurp i Johnny Balentina.