WILLEMSTAD — Den e klase A Maskulino. Stakamahakchi a bataya fuerte kontra di Green Tigers pero e Tiger nan a pone òrdu i a gana Staka 2-0 (25-22 ,25-20).
Den klase Superior Femenino, e rivalnan di e era moderno Stakamahakchi i Shuatanari a topa otro den un wega dramátiko. Shutanari ta sali gana e promé sèt 25-15 pero Staka ta bin bèk i kue e di 2 i di 3 sèt 26-24 i 25-21. Ora tur hende a kere ku Staka tin tur kos bou di kontrol, e mucha nan di Henry Delfina a kambia nan strategia i bai ku e di 4 sèt ku skore di 35-33 un skore ku ta papia pa su mes.
E fanatikonan a lanta para pa wak e sèt final i e lucha tabata formal i tabata Shuatanari ku a skore e punto final pa bai ku e viktoria i e euforia tabata kompletu pa e tim di spònser pa Laboratio de Medicos
E kampionato ta kontinuá djadumingu awor ku un seri di wega super interesante kuminsando for di 15.30 den Sala Errol Rooi.