WILLEMSTAD — Marvis Martina i Riley ‘Ipo’ Martina, duo ku ta para na kabes di e Fundashon Nos Tey pa Yuda, ta invitá tur amante di karaoke i bon ambiente pa un anochi di kompetensia di kanto di karaoke na klup Shell.
Esaki lo tuma djasabra anochi 9 di sèptèmber. Kosnan lo kuminsá for di 8’or di anochi. Entrada lo ta nafl.15,- pa persona. Esnan ku bin lo por gosa di e kanto di 21 partisipante i un show bon hinka den otro. E aktividat ta un fundraising p’e Fundashon por haña medionan finansiero pa nan aktividatnan den deporte (sòftbòl fast pitch) i den bario.
Ipo ku ta konosí den mundu di karnaval i kultura pa su tantísimo biahanan ku e korona komo Prins of Pancho di karnaval, I Marvis, ku ta bon konosí den Sta. Rosa i bisindario pa su aktividatnan den bario na bienestar di hóben, ta pidi un i tur pa bin pa huntu apoyá Edseline Martis, Milgard Michael, Chantal Justiana, Edwin Everts, Vera Bito, Maribel Martina, Harold Diels, Arline Hooi, Sharine Floris, Diana Romano, Echeline Pieter, Amarylis Adamus, Hortencia Gaari, Edison Maduro, Rignald Martina, Nancy Ogenia, Maritsa Isenia i Arline Hooi, den nan kanto i presentashon.
Bin i kooperá ku e fundraising mañan djasabra anochi aya na klup di Shell.