BEISBÒL: Breve Deporte Awe #13

Resultado nan di Spring Training ayera:

Atlanta Braves a pèrdè di Detroit Tigers ku skor di 5-2
Andrelton Simmons no a hunga den e partido aki

Texas Rangers a derota Kansas City Royals ku skor di 11-7
Jurickson Profar tabata batido designa den e partido aki i den tres turno na bate a konektá un hit, empuha un kareda i anotá otro

Arizona Diamondbacks a derota Chicago Cubs ku skor di 5-2
Didi Gregorius tabata shortstop den e partido aki i a konektá un hit den kuater turno na bate

Cleveland Indians a derota Cincinnati Reds ku skor di 12-3
Roger Bernadina a hunga left field den e partido aki i a konektá un tripel den dos turno na bate i anotá un kareda

Partido nan di Spring Training pa awe:

Breve:

E ekipo di Baltimore Orioles tabata tin dos partido kaminda e pelotero nan di e ekipo a hunga kontra otro den e asina yama ‘intrasquad’. Den tur dos e partido nan aki Jonathan Schoop a konektá honron. E honron konektá pa Schoop den e partido di ayera tabata un bataso pa left-center field kontra pitcher Bud Norris.

Segun informashon nan e ekipo di Arizona Diamondbacks ta para habri pa dil un shortstop. E ekipo di Arizona Diamondbacks ta karga ku shortstop. Aktualmente, Didi Gregorius i Chris Owings ta den bataya pa wak ken ta keda ku e ekipo den Liga Grandi despues di Spring Training. Tambe e ekipo ta disponé di Cliff Pennington i e prospekto Nick Ahmed. Segun e general manager, Kevin Towers, e ekipo ta dispuesto pa dil un shortstop pa un kècher prospekto. Un di e kosnan ku mas e ekipo mester di dje awor aki ta un kècher, segun Kevin Towers.

Pitcher di Los Angeles Dodgers, Zack Greinke mester a bandoná e partido di Spring Training kontra Arizona Diamondbacks despues di solamente kuater lansamentu. Segun e pitcher, e la sinti algu na su batata di pia. “Mi a sinti algu manera un kram ku mi a yega di haña den pasado. Normalmente mi ta kana un tiki anto e ta bai, pero e biaha aki e la keda,” Gerinke a bisa. E pitcher ta spera ku no ta nada serio.

Segun èks-pitcher di New York Yankees, Mariano Rivera, e no a spera ku Derek Jeter lo retirá despues di e temporada aki. E relevista ku a retirá temporada pasa a bisa ku e no a mira e kos aki ta bin. “Ami a kere sigur ku nan tin ku kita e uniform for di su kurpa pa e stop di hunga. Pero mi tabata robes, e kos aki ta un sorpresa pa mi,” Mariano Rivera a bisa. Jeter no a konektá hit den dos turno na bate den su debut di Spring Training ayera.

New York Mets a duna di konosé awe ku un MRI hasi na skouder di pitcher, Jon Niese no a mustra nada grave. E pitcher a bandoná Spring Training algun dia pasa pa regresá New York i hasi e MRI. Segun e manager di e ekipo, Terry Collins, den par di dia e pitcher lo ta bon atrobe.

Si manager di Texas Rangers, Ron Washington mantené su idea di lineup pa temporada regular, e ekipo di Texas Rangers lo tin pelotero di shete diferente pais riba lineup pa e promé partido di temporada regular. Siman pasa Ron Washington a bisa ku e tin e siguiente lineup den mente:

Tambe Texas Rangers tin e closer Joakim Soria di Mexico i outfielder Jim Adduci di Canada.

E komishonado di beisbòl Profeshonal Hapones a bisa ku Hapon ta preparando pa manda su selekshon nashonal Merka pa hunga kontra estrea nan di Liga Grandi na novèmber próksimo. Segun e komishonado esaki lo bai ta un oportunidat pa e Hapones nan midi forsa ku e estrea nan di Liga Grandi.