Liga MCB Kaya 6 ta kuminsá djabièrnè

WILLEMSTAD – Awor si e ora 0 ta yegando! Despues di tur e kompromisonan ku e diferente selekshon nan ta tin pa presentá Kòrsou den e torneo nan internashonal, tur kos ta kla pa Liga MCB promé Divishon ranka sali e wikènt aki. Despues ku e 10 ekiponan di Liga MCB promé divishon a hunga 2 buèlta, 18 wega i diferente wikènt kontra otro e 6 ekiponan ku a klasifiká pa e buèlta di 6 ya ta konosí. E 6 ekiponan aki ta; Centro Barber, Centro Dominguito, Undeba, Jong Holland, SUBT i Victory Boys. Ademas di esei, tambe a bira konosí ku Centro Barber a resultá e ekipo ku a titulá su mes kampion di nos kampionato regular ku un total di 39 punto.

Awor ku e buèlta di 6 ta bai kuminsá tur punto ta bai kita i tur ekipo ta bai kuminsá na 0. P’esei mes e 6 ekiponan aki tin ku bai traha duru pa asina nan sigui pa e buèlta di 4 i pasa pa e gran final di Liga MCB Promé Divishon ku ta planiá pa tuma lugá den kuminsamentu di dezèmber.

MCB i FFK kier a invitá hinter e pueblo di Kòrsou pa bin presensia e partidonan aki paso kos ta birando kayente. Entrada general pa e weganan di Liga MCB promé divishon su buèlta di 6 ta fl.7.50 pa hende grandi i fl.2.50 pa mucha ku 60+. Preisnan pa e buèlta di 4 ta fl.10,- pa hende grandi i fl.2.50 pa mucha ku 60+ i pa e gran final e preis lo ta fl. 12.50 pa hende grandi i mucha ku 60+ ta paga fl.5,-

Tur wikènt bo tin un kompromiso ku FFK i Liga MCB, sali bin disfrutá ku bo famia i presensia tremendo partidonan di futbòl rumbo pa e gran final.

Skema di partido playoff Liga MCB: