JAMAICA – E selekshon di Kòrsou ku ta partisipando na e Kopa Karibe a sufri su di tres derota kontra di e ekipo di French Guiana. Ya na final di e promé mitar e selekshon di Kòrsou tabata atras 3-0. Den di e di dos mitar French Guiana ta añadí otro gol. Na di 84 minüt, Rihairo Meulens ta anotá pa Kòrsou i di e manera aki e partido ta finalisá na un skor di 4-1 pa French Guiana.
Ku e derota Kòrsou ta finalisá den bòm di Grupo A i no tin chèns mas pa klasifiká pa e CONCACAF Gold Cup na aña 2015. Pa Grupo A tantu Trinidad i Cuba ta pasa pa Gold Cup otro aña, miéntras ku den Grupo B ta Haiti i Jamaica. Ku e viktoria riba Kòrsou e ekipo di French Guiana a logra klasifiká komo e mihó di tres lugá i awor mester enfrentá Honduras den un partido di play-off, ku e ganadó avansando pa CONCACAF Gold Cup 2015.
Tabla di posishon final:
| Ekipo | WH | G | E | P | GF | GK | GD | Pt |
| Trinidad & Tobago | 3 | 2 | 1 | 0 | 7 | 4 | 3 | 7 |
| Cuba | 3 | 1 | 2 | 0 | 4 | 3 | 1 | 5 |
| French Guiana | 3 | 1 | 1 | 1 | 7 | 6 | 1 | 4 |
| Korsou | 3 | 0 | 0 | 3 | 5 | 10 | -4 | 0 |