Selekshon nashonal di dama ta rumbo pa Haiti

WILLEMSTAD — Despues ku nos selekshon nashonal di dama U-20 a logra klasifiká pa e segundo buèlta di e Woman’s U-20 Cup Tournament, awor ta toka turno na nos selekshon nashonal di dama U-17 pa saka kara di Kòrsou den e promé rònt di e weganan tantu pa kualifikashon pa mundial di dama U-17 ku ta tuma lugá na Jordania na 2016 komo pa e weganan di kualifikashon di CONCACAF ku ta tuma lugá na Grenada na 2016.

Despues di dianan di trainingnan intensivo i un temporada di preparashon, awe, djaluna 13 di yüli 10:00AM nos selekshon nashonal di dama U-17 a biaha pa Haiti pa asina kumpli ku nan kompromisonan den e promé buèlta di e CFU Woman’s U-17 Cup Tournament ku ta tuma lugá di 13 pa 20 di yüli binidero.

Nos pul ta konsistí di e siguiente paisnan; Dominica, Bermuda, Haiti i Kòrsou.

Skema di weganan: 

Nos selekshon nashonal di dama U-17 ta konsistí di un grupo di 18 hungadó ku ta wòrdu dirigí pa Sr. Rudsel Monte ku ta e direktor tékniko di e selekshon aki i Sr. Andreas Aitatus ku ta e asistente di e direktor tékniko.

Tambe ta biaha huntu ku e selekshon Sra. Nadine Carolina ku ta esun enkargá ku e materialnan di e selekshon, un masahista kual ta Sra. Laicam How, un lider ku ta Sra. Lorraine Louisa i e hefe di delegashon ku ta Sr. Harry Davelaar, miembro di direktiva di FFK.

Nos selekshon ta konsistí di e siguiente hungadónan: 

1. Diante Scheepers
2. Kadisha Martina
3. Jerusha Martina
4. Rudienne Ramazan
5. Lindsey Hart
6. Yasmin Levens
7. Shade Desir
8. Lauryn Richardson
9. Riesmarley Tokaay
10. Tanisha Nicolaas
11. Evy Huikens
12. Jathsury Rosa
13. Sjulienne Martina
14. Natasha Cadeau
15. Jerona Rifaela
16. Sharientely Francisca
17. Tihainy Nicolaas
18. Rishanty Meyers