WILLEMSTAD — E selekshon Nashonal di Futbòl di Kòrsou a kuminsá ku su preparashonnan pa e di dos buèlta di Kopa Karibe. Den e di dos buèlta e selekshon di Kòrsou lo enfrentá e selekshon di Guyana i tambe e selekshon di U.S. Virgin Islands. E enkuentronan lo tuma lugá dia promé di yüni i shete di yüni den Stadion Ergilio Hato na Kòrsou.
En konekshon ku e partidonan di e di dos buèlta di Kopa Karibe e selekshon di Kòrsou lo hunga un partido di fogeo kontra R.K.V.V. Westlandia. E partido aki lo tuma lugá djabièrnè 20 mei pa 8’or anochi den stadion di Excelsior Massluis na Hulanda.
Segun informashonnan ya e hungadónan a keda konvoká i basikamente e selekshon a keda mes un kos ku den promé buèlta ku eksepshon di tres kambio. Informashonnan ku nos a risibi ta bisa ku ni Luidjino Hoyer, Evron Pisas tampoko Doriano Kortstam no a keda konvoká. Mientras ku Elson Hooi i Aytron Statie ta regresá den e selekshon.
E hungadónan ku a keda konvoká ta lo siguiente:
- Eloy Room
- Rowendy Sumter
- Jarzinho Pieter
- Germaine Agustien
- Jarchino Antonia
- Leandro Bacuna
- Shanon Carmelia
- Rangelo Janga
- Gillian Justiana
- Gino van Kessel
- Darryl Lachman
- Gianluca Maria
- Micheal Maria
- Rhu-Endly Martina
- Vidarrell Merencia
- Dustley Mulder
- Gevaro Nepomuceno
- Jeremy de Nooijer
- Jason Wall
- Felitciano Zschusschen
- Elson Hooi
- Aytron Statie