WILLEMSTAD — Djadumingu, 12 di febrüari 2017, nos selekshon U-17 a sali rumbo pa Sürnam, riba un invitashon di Sürnam, pa partisipá na un torneo amistoso di 12 pa 19 di febrüari. E torneo aki ta parti di e preparashonnan pa e último buèlta di e weganan di kualifikashon pa mundial di FIFA U-17 ku lo tuma lugá na Panama den luna di aprel 2017.
E paisnan ku lo partisipá na e torneo aki ta; FC Twente, FC Utrecht, Sürnam i Kòrsou.
Skema di weganan:
| Fecha | Orario | Tim di kas | Bishitante | Lugá | |
| 1 | 13 feb 17 | 16:30 PM | Kòrsou | FC Twente | Essed Stadion
(Sürnam) |
| 2 | 18:30 PM | Sürnam | FC Utrecht | ||
| 3 | 15 feb 17 | 16:30 PM | FC Twente | FC Utrecht | |
| 4 | 18:30 PM | Sürnam | Kòrsou | ||
| 5 | 17 feb 17 | 16:30 PM | Kòrsou | FC Utrecht | |
| 6 | 18:30 PM | Sürnam | FC Twente |
Nos selekshon nashonal di U-17 ta konsistí di un grupo di 19 hungadó ku ta wòrdu dirigí pa Sr. Ludwig Alberto ku ta e direktor tékniko di e selekshon aki i Sr. Reynold Mercera ku ta e asistente di e direktor tékniko. Tambe ta biaha huntu ku e selekshon Sr. Roderick Roojer ku ta entrenadó di físiko i esun enkargá ku materialnan di nos selekshon, un masahista kual ta Sr. Clinton Leocadia i e hefe di delegashon ku ta Sr. Hubert Isenia, miembro di direktiva di FFK.
Nos selekshon ta konsistí di e siguiente hungadónan;
- Kevin Juliana
- Danel Rosa
- Quinton Burk
- Alexander Suart
- Quintin Rustveld
- Roderick Bolijn
- Sellfrine Pieters
- Jared Tyrol
- Rogier Bazoer
- Richajier Oleana
- Jonathan Libiana
- Jordy Eleonora
- Luchently Vrutaal
- Daveraux Cicilia
- Brayan Albertus
- Sharrion Pietersz
- Rogediën Kannegieter
- Dichani Nicia
- Adriell Evertsz
FFK i MCB kier a deseá nos selekshon di U-17 tur klase di éksito i tin sigur ku nan lo sa di hasi un bon trabou na Sürnam durante e partidonan amistoso aki komo preparashon pa e último buèlta di e weganan di kualifikashon pa mundial di FIFA U-17.