E. Evertsz, redaktor pa Deporte Awe | Page 11 of 225

Siklo nobo di lèsnan di landamentu na Pisina Bennie Leito

WILLEMSTAD — Despues ku resientemente nos a kuminsá ku lèsnan di landamentu na Pisina Enith Brigitha, SDK, awor ta toka turno na Pisina Bennie Leito unda ku lèsnan lo ranka sali dia 1 di yüni próksimo.

Lèsnan ta dos biaha pa siman, i tin 3 posibilidat di dia pa por asistí, kuanan ta djaluna i djaweps, djamars i djabièrnè i tambe djasabra i djadumingu. Edat mínimo pa por partisipá ta 5 aña.

Lèsnan ta kosta únikamente fl. 60,- pa mucha i fl. 70,- pa adulto pa dos biaha pa siman pa luna, mas fl. 15,-pa èksamen. Pa mas informashon i/òf inskripshon, por tene kontakto ku Pisina Bennie Leito na 462-6719 òf 512-174 entre 7.30 pa 12.00 i 13.30 pa 17.00. Tambe por inskribí via di Facebook, www.facebook.com/DeporteKorsou, òf website www.fddk.cw.

RESULTADO DI KOMPETENSIA PRE-SELEKSHON PA NACAC AGE-GROUP CHAMPIONSHIP NA TRINIDAD

WILLEMSTAD– Nos muchanan a demostra nan tremendo potential durante di otro kompetensia di atletismo ku a tuma lugá durante di e fin di siman tras di lomba. E enkuentro aki tabata pa determiná primeramente ken lo bira e mihó nan di Kòrsou pa bai representa nos bandera durante e kampeonato di NACAC Age Group Championship ku lo tuma lugá dianan 17 i 18 di yüni na Trinidad. Banda e esaki e kompetensia a sirbi pa saka e mihó altletnan ku lo por kompetí den kampeonato lokal di atletismo riba dianan 24 i 25 di yüni proksimo

E kompetensia a desaroyá di forma tremendo i e publiko presente por a disfruta di atletismo di kalidat. Nos atletanan a marka diferente resultado impreshonante, kaminda e atleta Matthew Kurt Sophia (14) di e ekipo di The Glory Runner ta pone un marka nashonal nobo di 11.57 sec. riba 80 meter ku obstakulo. Kurt sigur ta un di nos gran talentonan ku Kòrsou i mundu henter lo por sigui tende di dje.

Awor e preparashon di nos atletanan pre-selekta lo mass intensivo pa asina pa nos atletanan ta mihó prepara pa saka kara di nos dushi Kòrsou.

Athunto e resultado di e mihonan den kada kategoria.

Event # 1 GIRLS 7-8 U-9 CAC Quadrathon

Names Bib# Age Team Points

1 Balentien, Keona 368 8 TNR 1081pts

2 Martis, Tahirah 334 8 EAG 1068pts

3 Merencia, Raymelienne 274 8 TRU 1045pts

Event # 6 BOYS 7-8 U-9 CAC Quadrathon

Names Bib# Age Team Points

1 Rijke, Davey-Jay 283 7 TRU 1496pts

2 Abath, Giovany 337 8 SPA 1264pts

3 Barbara, Jayvean 345 7 SPA 1220pts

Event # 11 GIRLS 9-10 U-11 CAC Quadrathon

Names Bib# Age Team Points

1 Lemmens, Zaila 199 10 TNR 1828pts

2 Franse, Zsa-zsa 198 9 TNR 1688pts

3 Lacroes, Deyoni 147 10 EAG 1612pts

Event # 16 BOYS 9-10 U-11 CAC Quadrathon

Names Bib# Age Team Points

1 Antonia, Aryan 42 9 OLY 1667pts

2 Fahnbulleh, Adama 241 10 TRU 1650pts

3 Alfonso, Maxim 41 10 OLY 1483pts

Event # 21 GIRLS 11-12 U-13 CAC Pentathlon

Names Bib# Age Team Points

1 Isabella, Mehaydi 255 11 TRU 2192pts

2 Casper, Mariendely 223 12 TRU 2097pts

3 Mathilda, Joella 269 11 TRU 1923pts

Event # 27 BOYS 11-12 U-13 CAC Pentathlon

Names Bib# Age Team Points

1 Daal, Rhytemsley 228 12 TRU 2631pts

2 Ignecia, Rodiensly 254 12 TRU 2588pts

3 Faneyte, Savir 243 12 TRU 2527pts

Event # 33 GIRLS 13-14 U-15 CAC Heptathlon

Names Bib# Age Team Points

1 Mercera, Vanessa 273 13 TRU 3751pts

2 Diaoen, Liana 47 13 OLY 3519pts

3 Benita, Joanna 83 14 SPA 3499pts

Event # 41 BOYS 13-14 U-15 CAC Heptathlon

Names Bib# Age Team Points

1 Sophia, Matthew Kurt 190 14 TGR 4678pts

2 de Pool, Quinton 101 14 SPA 4109pts

3 Daal, Dayveno 227 13 TRU 3893pts

Eagles Softex, Pichingolo Nissan i Suffisant Eagles ku bon start den Liga CSB/MCB

WILLEMSTAD — Djabièrnè Liga CSB/MCB a start ku kampionato 2017 ku hopi ánimo apesar di e kontra tiemponan ku tabatin promé ku e seremonia. Pero esei no a deskurashá e tim dinámiko di CSB ku a perseverá ku tòg djabièrnè nos por a haña 1 partido den e sekshon femenino. Total CSB tabatin un kantidat rèkert di 12 partido den promé wikènt di sòftbòl. Durante e wikènt aki tabata Eagles Softex, Pichingolo Nissan i Suffisant Eagles ku a sobresalí ganando tur 2 wega ku nan a hunga.

Resultadonan Femenino klase A:

Dreamgirls Mangusa 16 vs Pichingolo Nissan 6
Youngstars 13 vs Souax Gilsport 5
St Rosa Angels Vanddis 17 vs FNPY 3

Resultadonan Maskulino :

Suffisant Eagles 13 vs Harlem Power 5 – Picher ganador Farley Lard, miho bate Rupert Ustasia di 3-3
Suffisant Eagles 18 vs The Giant 5 – Picher ganador Shahairi Ustasia

Resultado Femenino Klase AA:

Starosa Angels Vanddis 14 vs Demolition 4– Picher ganador Dianne Rosa, miho bate Jandely Ricardo di 3-2
Pichingolo Nissan 1 vs Soto CMTC 0– Picher ganador Arnalda Margarita, miho bate Michenou Marselia i Genevieve Hariquez di 2-1
Eagles Softex 4 vs Strosa Angels Vanddis 2– Picher ganador Shurdenay Obispo, miho bate Solange Soliana di 4-2
Demolition 7 vs Nos tei Curacao office Supply 5 – Picher ganador Lisandra Ursulita, miho bate Ashantely Giterson di 3-2
Pichingolo Nissan 15 vs Demolition 3– Picher Ganador Arnalda Margarita, miho na bate Ciroenda Peloz, Julise Coffie i Chantal Nepunucemo di 2-2
Eagles Softex 11 vs Soto CMTC 1 – Picher ganador Yetsely Helmijr, miho na bate Tanisha Gil di 3-2
St.Rosa Angels Vanddis 15 vs Nos tei Curacao Office Supply 1- Picher ganador Diane Rosa, miho bate Jandely Ricardo di 3-3

Yurendell de Caster ta reforsá Algodoneros de San Luis na Mexico

MEXICO — E ekipo di Algodoneros de San Luis a reforsá nan roster ku atkisishon di e pelotero yu di Kòrsou, Yurendell de Caster. E ekipo ku ta forma parti di “Liga Norte de Mexico” a anunsia esaki.

De Caster a terminá e Klásiko Mundial di Beisbòl sin un kontrakt den man pero su prestashon den e Klasiko opviamente a yuda haña un ekipo. Den sinku partido den e Klasiko Mundial di Beisbol Yurendell a logra un promedio di .353 ku un honron i seis kareda empuha.

Swim Club Orca Curaçao a finalisá na di dos lugá den Landamentu Sinkronisá

WILLEMSTAD — E fin di siman tras di lomba aki tabata unu hopi eksitoso pa e atletanan di Swim Club Orca Curaçao, Nan a partisipá na un kompetensia organisá pa Federashon Aqatiko Kòrsou (F.A.K.) ku a hiba di nòmber, “Beginners Stars 2017 Synchronized Swimming Championship”, ku a tuma lugá na e pisina na Rust & Burgh. Orca a partisipá ku 4 atleta, 3 mucha muhé i PA PROME BIA DEN E HISTORIA DI KORSOU 1 mucha hòmber. Ku aplouso i gritunan di alegria e públiko presente a risibí Eran van Dijk ora e la hasi su promé presentashon! Tambe a partisipá pa Orca Amara Rojas, Yamilex Thomasia i Indra van Dijk.

Tur mucha a hasi nan esfuerso máksimo i a duna presentashon na nivel. Hopi great pa mira kon e muchanan ku no tin hopi tempu ta práktika e deporte di landamentu Sinkronisá ta hasi máksimo esfuerso pa duna un bon prestashon!

E klup di Sword Fish a sa di gana “overall”, Orca a sali na di dos lugá i Typhoon a sali na di tres lugá.

Resultado pa loke ta trata e muchanan di Orca individual ta:

Eran van Dijk a gana 3 medaya di oro,
Indra van Dijk a gana 1 medaya di oro, 1 medaya di plata i 1 medaya di bròns
Amara Rojas a gana 1 medaya di plata i 1 medaya di bròns
Yamilex Thomasia a gana 1 medaya di bròns

Coach Daniela Diaz, coach Stacey Portillo i direktiva di Orca ta hopi satisfecho pa loke ta e prestashon di nan atletanan.

Selekshon nashonal U-17 ku un partido ganá i un pèrdí aya na Panama

PANAMA — Manera ya ta konosí, nos selekshon nashonal U-17 a sali Kòrsou rumbo pa Panama, 20 di aprel último pa representá nos dushi isla durante e delaster buèlta di e weganan di kualifikashon pa mundial di FIFA U-17.

Durante nos promé enkuentro kontra di e ekipo di Haiti nos a sali viktorioso i a sa di gana nan ku e skor di 1 pa 0. E úniko gol di e enkuentro aki a keda anotá pa Nathan Bernadina. Awe durante nos segundo enkuentro kontra Honduras nos selekshon a kai vensí ku e skor di 3-0.Nos siguiente kompromiso lo ta dia 27 di aprel, 20:30 pm kontra e ekipo amfritrion, Panama i riba e mesun fecha aki Honduras lo enfrentá Haiti.

Resultado di e partidonan anterior;

	Fecha	Tim A	Tim B	Resultadonan	Lugá
1	21 aprel 17	Kòrsou	Haiti	1-0	Estadio Maracana (Panama)
2		Panama	Honduras	4-2
3	24 aprel 17	Honduras	Kòrsou	3-0
4		Panama	Haiti	0-0

Dia nan promé, 3 i 5 di mei lo tuma lugá e partidonan pa semifinal den Estadio Maracana, miéntras e gran final lo tuma lugá dia 7 di mei pa 3’or di atardi den Estadio Rommel Fernandez.

Fecha Adishonal pa Benta di Karchi Flow Carifta Games 2017

WILLEMSTAD — Manera ta konosí, Kòrsou ta organisadó di e Flow Carifta Games 2017. E evento di atletismo mas grandi di Caribe, ku ta tuma lugá di dia 15 pa 17 di aprel 2017 próksimo.

Mirando e interes kresiente pa kompra di karchi, a disidí ku lo brinda e oportunidat na pueblo di Kòrsou, pa kumpra karchi djabièrnè awor 14 di aprel (Djabièrnè Santu) tambe. Esaki lo ta posibel únikamente na SDK, i e orario ku por hasi esaki ta entre 10’or di mainta pa 3’or di atardi. E preisnan ta varia entre 9 i 20 florin, i kòrda tambe ku den e sekshonnan general, tur mucha bou di 13 aña ta drenta grátis, basta nan ta kompañá pa un adulto.

Durante e dianan aki por sigui kumpra karchi normalmente na e puntonan di benta ku ta “24 uur uit de muur”, “Mensing’s Caminada” i “Samsom”. Na SDK tambe bo por kumpra karchi den oranan di ofisina na e lokètnan usual di SDK. Tuma bon nota ku despues di ora di ofisina tambe bo por kumpra bo karchi na SDK, pero lo bo mester hasi esaki na e bar ku ta situá den e patio di SDK.

Nos atletanan ta konta ku e sosten di nos kada un, manera un bon yu di Kòrsou.

‘Kickoff’ Flow Carifta Games 2017

WILLEMSTAD — Manera ta konosí, Kòrsou ta organisadó di e Flow Carifta Games 2017. E evento di atletismo mas grandi di Caribe, ku ta tuma lugá di dia 15 pa 17 di aprel 2017 próksimo.

Durante fin di siman último, djasabra pa ta mas eksakto, e komishon organisadó (StOA) di e Carifta Games 2017 di forma ofisial a organisá un tremendo ‘’Kickoff’, kual a duna inisio di forma ofisial na e siman di aktividatnan pa loke ta Carifta Games 2017. Un kantidat di invitado tabata presente den stadion Ergilio Hato na SDK, pa a presensia e aktividat aki. E aktividat a kuminsá ku e parti di kantamentu di nos himno nashonal kompañá pa e hisamentu di nos bandera. Seguidamente e presidente di e komishon organisadó ku ta Sr Igor Cijntje a hiba palabra na tur presente i a sigui un kantidat di aktividat programa riba e dia aki. Presidente di CAB, Sr Willem Cordilia, a hiba su disertashon na esnan presente i a gradisí tur esnan enbolbí den e realisashon di e gran evento aki. Tabata interesante tambe pa a duna rekonosementu na e diferente patrosinadornan ku a kontribuí en grandi pa e aktividat aki por a tuma lugá.

Nos minister di enseñansa Sra Maurina-Esprit-Maduro tambe a hiba palabra durante di e aktividat aki rekordando su periodo komo atleta. Un parti sumamente emotivo i importante tabata e huramentashon di e atletanan. E atletanan Kamese Halstead i Jaden Bernabela tabata esnan ku a huramentá na nòmber di e atletanan i despues a sigui e parti di entrega di e bandera di Kòrsou ku e delegashon lo kana kuné durante e desfile di apertura. Esaki a keda entregá di parti minister di enseñansa Sra Maurina-Esprit-Maduro na e atletanan Kamese Halstead i Jaden Bernabela. A hasi uzo tambe di e aktividat aki pa e fundashon StOA firma un akuerdo ku e Fundashon FDDK. Tabata Sr. Thakai Doran (FDDK) huntu ku Sr. Igor Cijntje (StOA) ku a firma e akuerdo aki. Despues di e parti ofisial tur esnan presente por a disfrutá un ratu ameno ku otro i por a tuma nota tambe di e reparashonnan i ahustenan ku a keda apliká na stadion Ergilio Hato. Pues ofisialmente nos a drenta e siman krusial i awor ta toka turno na e pueblo di Kòrsou ku mester sostené i apoyá nos atletanan durante e dianan 15, 16 i 17 di aprel próksimo.

Nos ke rekordá un i tur ku por kumpra karchi na e puntonan di benta ku ta “24 uur uit de muur”, “Mensing’s Caminada” i “Samsom”. Na SDK tambe por kumpra karchi den oranan di ofisina na e parti kaminda e bar ta situá.

E preisnan ta varia entre 9 i 20 florin, kaminda mucha bou di 13 aña por drenta grátis, basta nan ta kompaña pa un adulto.

Nos atletanan ta konta ku e sosten di nos kada un, manera un bon yu di Kòrsou.

Tur wega di Bigleague/hubenil MCB di djasabra 8 april ta wordu pospone

WILLEMSTAD — En konekshon ku e entiero di sr. Julio Helburg, direktiva di CSB a disidí di kanselá tur partido di djasabra 8 aprel i nos a reprogramá e weganan aki riba un otro fecha. Nos lo kontinuá ku partidonan riba djabièrnè 7 di aprel i djadumingu 9 aprel.

Djabièrnè 7 aprel 19:00 : Buenavista/Pichingolo vs Starosa Angels 2 na Buenavista BP
Djabièrnè 7 aprel 21:00 : Starosa Angels 1 vs Souax/Eagles 2 na Buenavista BP
Djadumingu 9 april 10:00 : Starosa Angels 2 vs Kanga/Youngstars na Ricardo Elhage BP
Djadumingu 9 april 12:00 : Kanga/Youngstars vs Starosa Angels 2 na Ricardo Elhage BP
Djadumingu 9 april 14:00 : Souax/Eagles 1 vs Buenavista/Pichingolo na Ricardo Elhage BP
Djadumingu 9 april 16:00 : Buenavista/Pichingolo vs Souax/Eagles 1 na Ricardo Elhage BP

Tur fanátiko ta kordialmente invitá pa bin presensia e partidonan aki. Keda pendiente tambe ku nos homerune derby i tambe all-star game di kampionato Big/hubenil ku lo tuma lugá otro siman djaweps.

April 5, 2017April 5, 2017

Jair Jurrjens riba roster di Oklahoma City Dodgers

MERKA — Manera ta konosí despues di e Klásiko Mundial di Beisbòl e picher yu di Kòrsou Jair Jurrjens a yega na un akuerdo ku e ekipo di Los Angeles Dodgers. E picher di 31 aña tabata agente liber i a hasi uso di e Klásiko di Beisbòl pa pone su nòmber bek riba mapa di ekiponan Amerikano.

For di promé ku e Klásiko Jurrjens tabata tin interes di algun ekipo. Kansas City Royals tabata un di e ekiponan kaminda e picher yu di Korsou a tira pa su skoutnan. Sin embargo, nada no a sali for di e oportunidat aki. Tabata despues di e Klásiko di Beisbòl ku Jurrjens a sinta ku Los Angeles Dodgers i a yega na un akuerdo ku nan.

Ofisialmente Jair a keda pone riba e roster di Oklahoma City Dodgers. Esaki ta e ekipo di tripel A di e organisashon di Dodgers.

Peloteronan profeshonal ayera:

Segun informashonnan, Didi Gregorius a kuminsá tira bek. Aktualmente e pelotero di New York Yankees ta riba lista di hungadó inkapasitá pa 10 dia bayendo bek na 30 di mart. Didi e leshoná den un partido di fogeo kontra Arizona Diamondbacks den luna di mart último durante di e Klásiko Mundial di Beisbòl.

Andrelton Simmons a bai di 4-1 ku dos kareda a anotá pa Los Angeles Angels den Liga Grandi. Simmons tin un promedio di .286.

Wladimir Balentien a bai di 2-1 ku su promé honron di temporada i un base por bola. Balentien a keda ekspulsá for di e partido aki despues di un forsageo. E pelotero di Kòrsou a keda multa na un suma di 200,000 Yen ($1800). Sin emabrgo e no a risibí suspenshon.