E. Evertsz, redaktor pa Deporte Awe

April 4, 2017April 11, 2017

Wladimir Balentien ekspulsá for di partido ayera

HAPON — Wladimir Balentien a keda ekspulsá for di e partido aki despues ku a surgi un forsageo entre e pelotero di Kòrsou i koach di Hanshin Tigers Akihiro Yano. Esaki a sosodé den di sinku entrada na momentu ku e bankinan a bira bashí despues ku picher di Hanshin Tigers a dal pelotero di Tokyo Yakult Swallows ku bala.

E ekipo di Tokyo Yakult Swallows a gana e partido ku skor di 3-1. Wladimir a konektá su promé honron di temporada den e partido. E pelotero a bai di 2-1 ku un kareda anotá i otro empuha den e partido.

 Promé honron di temporada di Wladimir Balentien

Despues di e partido Balentien a deklará riba red sosial, ‘ku henter e asuntu ta kuestion di protehe su kompañero di ekipo, pero e ke pidi su diskulpa na tur su fanátikonan i muchanan pa e insidente ku a tuma lugá.’

 Forsageo entre 'Coco' i koach di Hanshin Tigers

Ámbos e ekipo lo enfrentá otro pa dos partido mas e siman aki. Miéntras tantu tin ku warda wak si ‘Coco’ lo risibí kastigu di e Liga di Beisbòl Profeshonal Hapones.

Den Liga Grandi ayera:

Andrelton Simmons a bai di 3-1 ku un base por bola pa Los Angeles Angels.

Jonathan Schoop a bai di 4-0 pa Baltimore Orioles.

Jurickson Profar tambe a bai di 4-0 pa Texas Rangers.

Xander Bogaerts a bai di 4-3 ku dos base roba pa Boston Red Sox.

April 3, 2017

Watakeli Kampion di Kòrsou

WILLEMSTAD — Watakeli Building Depot ta gana di Xaverianen 3-0 i ta bira Kampion di klase Superior di Volibol Maskulino. E wega tabata di un nivel altu i ámbos ekipo a bringa kada punto pero tabata Watakeli enkabesá pa Gibi Paulina ku a sobre sali den atake ku a sa di bai ku e viktoria. Asina aki Watakeli ta konkista e título bek despues di un aña. Parsial (25-19,25-20,25-23) Den otro enkuentro di ayera, Titus ta empatá e seri kontra di Wata na 1 kada banda i a forsa un wega desisivo djadumingu otro siman. Titus a hunga un wega hopi efektivo i a logra di para e racha ganadó di Wata. Ku skore di 22-25,23-25, 25,14,25-16,15-12. Pues desishon den klase Maskulino A tei kai otro siman.. Den e partido di klase Femenino Superior , Shuatanari ta derota Stakamahakchi i di e forma aki nan ta forsa un wega desisivo otro siman. Shuatanari ku tabata lomba kantu di muraya a hunga un bon partido i a probe ya di e fayonan den defensa di Staka pa bai ke viktoria(25-22,25-18,25-27,13-25,15-6)Pues Volibol tin su kampion i sub kampion den klase A Femenino i klase Maskulino superior sperando riba Femenino superior i Maskulino A.

April 3, 2017

Mundu di Sòftbòl i mundu deportivo ta di luto ku pèrdida di Julio Hellburg

WILLEMSTAD — Direktiva di federashon di Sòftbòl di Kòrsou ku hopi dolor a tuma nota di e pèrdida grandi di Sr. Julio Hellburg. Un hòmber ku no mester di introdukshon kiko e la nifiká pa Sòftbòl lokal i tambe internashonal. Direktiva di CSB a risibí vários mensahe di Kondolensia di vários pais den e region aki, manera Chile, Argentina, Peru, Aruba, Colombia i tambe personahenan importante di Consursa ku ta e federashon madre di Sòftbòl den Sur Amérika i bisindario. Nan tur a nominá Julio Hellburg komo un Baluarte i un eminensia pa Sòftbòl riba plano Internashonal.

Di parti direktiva di CSB i tambe henter e famia di sòftbòl engeneraal nos kondolensia i forsa na famia di sr. Julio Hellburg.

April 3, 2017

Kanga/Youngstars ta sorprendé Eagles/Souax den kampeonato big league/hubenil patrosina pa MCB

WILLEMSTAD — Wikènt tras di lomba Kanga/Youngstars ta sorprendé Eagles 1/Souax den un wega hopi emoshonante. Despues di tabata pèrdí 3 pa 1 Kanga/Youngstars ta raly ku 3 kareda den e último inning lagando Eagles/Softex den tereno ku skor di 4 pa 3. Angelica Vilchez a gana i mihó bate a resultá Andrea di 2-2. Picher pèrdèdó a resultá Tanisha Gil i na bate Tizony Raap di 2-2.

Otro resultadonan di wikènt:

Starosa Angels 1 a gana Souax/Eagles 2 ku skor di 16 pa 1

Starosa Angels 1 a gana Souax/Eagles 1 ku skor di 11 pa 5

Starosa Angels 1 a gana Souax/Eagles 1 ku skor di 11 pa 2

Starosa Angels 2 a gana Souax/Eagles 2 ku skor di 23 pa 1

Starosa Angels 2 a gana Souax/Eagles 2 ku skor di 12 pa 1

Buenavista/Pichingolo a gana Souax/Eagles 2 ku skor di 17 pa 4

Buenavista/Pichingolo a gana Souax/Eagles 2 ku skor di 13 pa 3

Souax/Eagles 1 a gana Kanga/Youngstars ku skor di 10 pa 1

CSB a introdusí hungadó i picher di luna durante kampeonato hubenil/Bigleague. Picher di luna di Mart a resultá Lyuska v/h Kruys ku a gana 7 di e 10 weganan pa St.Rosa Angels 1 den luna di Mart. I hungadó di luna a resultá Anais Piar ku a bati 14 hit den 10 wega pa Buenavista/Pichingolo.

Standing kampionato Bigleague/hubenil MCB

	Gana	Perdi
1. Starosa/Starosa Angels 1	13	0
2. Souax/Eagles 1	7	5
3. Starosa/Starosa Angels 2	6	5
4. Kanga/Youngstars	5	6
5. Buenavista/Pichingolo	5	7
6. Souax/Eagles 2	0	8

March 30, 2017

Kampionato Big League / Hubenil MCB ta siguí wikènt aki na Buena Vista BP i Muizenberg BP

WILLEMSTAD — Wikènt aki Softbol Big League / Hubenil ta kontinuá ku vários partido interesante na Buena Vista Ballpark i Muizenberg Ballpark.

Djabièrnè 31 mart 20:00 : Starosa Angels 1 vs Souax/Eagles 2 na Buenavista BP

Djasabra 1 april 10:00 : Souax/Eagles 1 vs Starosa Angels 1 na Muizenberg BP

Djasabra 1 april 12:00 : Souax/Eagles 1 vs Starosa Angels 1 na Muizenberg BP

Djasabra 1 april 14:00 : Souax/Eagles 2 vs Starosa Angels 2 na Muizenberg BP

Djasabra 1 april 16:00 : Souax/Eagles 2 vs Starosa Angels 2 na Muizenberg BP

Djadumingu 2 april 10:00 : Buenavista/Pichingolo vs Souax/Eagles 2 na Buenavista BP

Djadumingu 2 april 12:00 : Buenavista/Pichingolo vs Souax/Eagles 2 na Buenavista BP

Djadumingu 2 april 14:00 : Souax/Eagles 1 vs Kanga/Youngstars na Buenavista BP

Djadumingu 2 april 16:00 : Souax/Eagles 1 vs Kanga/Youngstars na Buenavista BP

Standing kampionato Big League / Hubenil MCB:

	Gana	Perdi
1. Starosa/Starosa Angels 1	10	0
2. Souax/Eagles 1	6	2
3. Kanga/Youngstars	4	5
4. Starosa/Starosa Angels 2	4	5
5. Buenavista/Pichingolo	3	7
6. Souax/Eagles 2	0	8

March 27, 2017

Resultado Torneo di Pinpon ‘Parts for You’

WILLEMSTAD — Djamars último Federashon Tènis di Mesa Kòrsou tabatin su torneo anual ku ta Parts for You ku e aña a keda dediká na sr. Oscar van der Biest. Tabata un torneo pa kabayero individual i ku ta valido pa ranking.

Tabatin 19 inskripshon i e skema di wega tabata basá riba dal saka afó.

E persona Oscar van der Biest, na kende e torneo aki a ser dediká ne, ta un ex-hungadó, pero ku komo arbitrahe a hasi su mes internashonalmente konosí. Oscar a èmpaya kasi rònt mundo si chèk unda tur e la bai komo èmpayer: diferente pais suramerikano, amerika sentral, US-open, China i difirente paisnan europeo.

E tempu aya den dekada 80 i 90 nos kuerpo di èmpayer tabat masha pidí rònt mundu pa nos nivel di aplika regla i tambe multi lenguista ku nos ta. Awendia Oscar ta un di nos miembronan di honor.

Pa loke ta e torneo su desaroyo i final e la bai komo lo siguiente. E prome sorpresa den e desaroyo, kaminda eliminashonnan tabata tuma luga, tabata e derota fulminante di Jaysron Mathilda na man di e veteranisimo Jacinto Zimmerman. Pero den e siguiente buelta si Jacinto ta bin pèrde kontra Giancarlo da Costa. Di otro banda e grandinan otro a keda a sigi lucha ku otro kaminda ta bin resulta den final e kampeon nashonal di Kòrsou Michael Dalnoot kontra esun ku a sali pone e prome torneo e aña aki riba su nòmber, esta Dimitri Leon. Despues di a kai atras 0-1 kontra Dimitri, Michael ta bòns fuerte bèk i ta gana konvinsentemente di Dimitri 4-1 i asina posishona su mes di imediato na di 2 luga riba e ranking tras di Dimitri. Despues entrega di trofeo a keda hasí pa un ruman di Oscar ku no por tabata tey pa motibu di kebrante di salud.

E proksimo torneo lo ta un ku no ta valido pa ranking i ku ta pa nos hungadonan 50+. Esaki lo ta riba e fecha di 30 di Mart 2017.

March 27, 2017

Kampeonato Beisbòl Dòbel ta bai kuminsá

WILLEMSTAD — E kampeonato di beisbòl dòbel A, manera a keda palabrá anteriormente, ta kuminsá riba 8 di aprel próksimo.

E kampeonato lo ta di tres buèlta. Esaki debí na e echo ku selekshon di FEBEKO ta bai tin dos kompromiso e aña aki. Ta trata di World Port Tourmenent (den luna di yüli)i Klasifikatoria pa Juegos Centro Americano y del Caribe (den luna di sèptèmber).

Dianan di wega lo ta riba djamars, djaweps, djasabra i djadumingu. Dianan djaluna, djárason ta keda reservá pa entrenamentu di selekshon.

E fecha riba kua ta hasi sorteo pa finalisá/ofisialisá e schedule ta riba 27 di mart próksimo na Tio Dauo Balpark. Esaki pa 20:30.

March 27, 2017

Preselekshon di Kòrsou pa World Port Tournament 2017

WILLEMSTAD — Ta asina ku FEBEKO a risibí invitashon pa partisipá na e di 16 edishon di World Port Tournement. E torneo ta tuma lugá kada dos aña. Esun di e aña aki ta tuma lugá di 1 pa 9 di yüli na Rotterdam. FEBEKO a aseptá e invitashon.

Promé training lo ta riba djarason 27 di mart próksimo, di 8’or pa 10’or anochi na Tio Dauo Ballpark.

E siguiente peloteronan a keda konvoká pa FEBEKO:

	Nòmber	Fam	Ekipo
Picher
1	Ruderly	Manuel	Wild Cats
2	Sidney	Antonia	Wild Cats
3	Carrol	Servania	Wild Cats
4	Kennimar	Martina	Wild Cats
5	Rodienne	Albertus	Sta. Maria Pirates
6	Antersijn	Sherwenne	Sta. Maria Pirates
7	Balentina	Johnathan	Sta. Maria Pirates
8	Claysandy	Henriquez	Sta. Maria Pirates
9	Johan	Rifaela	Sta. Maria Pirates
10	Shurandy	Valeriano	Sta. Maria Pirates
11	Jacques	Sambo	Sta. Maria Pirates
12	Ramses	Jamanika	Sta. Rosa Indians
13	Hershelon	Juliana	Sta. Rosa Indians
14	Raydel	Isabella	Royal Scorpions ‘Mr. Baseball’
15	Gavenee	Virginie	Royal Scorpions ‘Mr. Baseball’
16	Evenon	Martis	Sta. Maria Pirates

Infielders
1	Shurendell	Mujica	Wild Cats
2	Raywendly	Van Gurp	Wild Cats
3	Johannes	Gregorius	Sta. Maria Pirates
4	Jurgen	Statie	Sta. Maria Pirates
5	Rudmaicheal	Brandao	Sta. Rosa Indians
6	Sorick	Liberia	Sta. Rosa Indians
7	Ryan	Ilario	Royal Scorpions ‘Mr. Baseball’
8	Bertrand	Peters	Sta. Rosa Indians
9	Alexander	Rodriquez	Sta. Maria Pirates
10	Edinho	Meyer	Royal Scorpions ‘Mr. Baseball’
11	Andley	Simmons	Royal Scorpions ‘Mr. Baseball’
12	Hendrik	Jehgveni	Wild Cats

Outfielders
1	Raysheron	Michel	Wild Cats
2	Reyhan	Fecunda	Wild Cats
3	Rojean	Cleofa	Wild Cats
4	Levi	Carolus	Wild Cats
5	Dennis	Gustina	Sta. Maria Pirates
6	Luis	Veloz	Sta. Maria Pirates
7	Jonathan	Martijn	Sta. Maria Pirates
8	Curtel	Doran	Sta. Maria Pirates
9	Roderick	Bernadina	Royal Scorpions

Catchers
1	Ulrich	Snijders	Sta. Maria Pirates
2	Reangelo	Beaumont	Wild Cats
3	Sevard	Seferina	Sta. Maria Pirates
4	Ildion	Martina	Sta.Rosa Indians
5	Issachar	Pereira	Royal Scorpions

Manager
1	Raymond	van Gurp	Sta. Maria Pirates

March 27, 2017

Fréderic Simonis Kampion Infantil di Ahedres 2017 den kategoria U12

WILLEMSTAD — Resientemente FEDAKO (Federashon di Ahedres Kòrsou) a tene su kampionato infantil di ahedres 2017 den e kategoria U12. Na e kampionato di ahedres U12 ku a tuma luga e aña aki na Sentro di Bario Janwe, ta tin no menos ku 17 partisipante.

Manera tabata di spera atrobe e faboritonan den e kategoria di U12 lo tabata e dos rivalnan Fréderic Simonis kende tin 9 aña di edat i Aviandrie Kastablank kende tin 10 aña. E dos hungadornan aki ya a demonstra na diferente okashon ku nan ta relativamente fuerte pa nan edat.

Durante nan enkuentro tur dos a desaroya nan piesanan rapido i hasi rokada pa proteha nan rey. Sinembargo Fréderic ta tuma inisiativa i lansa un atake ku ta fòrsa Aviandrie drenta den un posishon di defensa. Despues di poko insistensia, Fréderic ta logra kaba e wega ku un bunita kombinashon ku a kondusi na skakmat.

Fréderic Simonis ta logra kaba e kampionato den forma invikto komo kampion nashonal kategoria U12 ku 5 punto for di 5 wega. Na di dos luga a finalisa Aviandrie Kastablank ku 4 punto i na di tres luga a termina Xavier Werleman ku 4 punto for di 5 wega. Mas a leu FEDAKo a parti premionan di motivashon na entre otro Gilian Justiana i Jorgino Quirindongo.

Por konsidera e kampeonato U12 aki un bon preparashon i motivashon pa Fréderic Simonis kende lo partisipa pronto na Carifta su kampionatonan hubenil di ahedres ku lo tuma luga den siudat di Kingston na Jamaica di 14 pa 17 di aprel proksimo. Fréderic Simonis lo biaha huntu ku 4 otro ahedresista hubenil di Kòrsou ku FEDAKO a selekta i lo kompeti den e kategoria U12. FEDAKO ta spera ku Fréderic logra un bon prestashon durante su prome enkuentro internashonal i ku tur e miembronan di nos selekshon tambe presta bon i saka kara di nos pais.

March 27, 2017

Tremendo ambiente den liga MCB bigleague/hubenil 2017 wikènt tras di lomba

WILLEMSTAD — Wikènt tras di lomba tabata karga ku Sòftbòl Bigleague/hubenil ku vários partido interesante. Weganan a tuma na Buenavista ballpark i tambe Muizenberg ballpark:

Djabièrnè 24 mart:

Starosa Angels 1 ta gana Kanga/Youngstars ku skor di 8 pa 0. Lyuska Van ‘t Kruis a gana i miho na bate ta Surivienska Wawoe di 3-3. Picher pèrdèdó tabata Philles Girigorie i na bate Genesis Schaarbaai di 3-3.

Djasabra 25 mart:

Souax/Eagles 1 ta gana di Starosa Angels 2 ku skor di 13 pa 10. Tanisha Gil a gana i na bate Ivaniela Belfor di 3-2. Picher pèrdèdó a resultá Ludnella Isenia i na bate Angeline Rosalina di 4-3.

Seguidamente den e di 2 wega Souax/Eagles 1 ta bolbe gana di Starosa Angels 2 ku skor di 7 pa 3. Crhisiantely Ogenia a gana i mihó na bate Ivaniela Belfor di 2-2. Picher pèrdèdó a resultá Quilin Curiel i na bate Angeline Rosalina di 2-1.

Starosa Angels 1 ta gana di Buenavista/Pichingolo ku skor di 15 pa 0 . Lyuska Van ‘t Kruis a gana i mihó na bate ta Angelique Antonia di 2-1. Picher pèrdèdó tabata Trishanteley Alexander i na bate Anais Piar di 2-1.

Den último wega djasabra Starosa Angels 1 ta gana di Buenavista/Pichingolo ku skor di 14-4. Lyuska v/h Kruys a gana i mihó na bate Jandely Ricardo di 3-2. Picher pèrdèdó a resultá Dishanique Camelia i mihó na bate Stepharny Smith di 2-1.

Djadumingu 26 mart:

Starosa Angels 1 ta gana di Kanga/Youngstars ku skor di 12 pa 0. Lyuska Van ‘t Kruis a gana i mihó na bate Lyuska Van ‘t Kruis di 3-3. Picher pèrdèdó Vilchez i mihó na bate Angelica Vilchez di 1-1. Den e siguiente wega Starosa Angels 1 ta bolbe gana Kanga/Youngstars ku skor di 9 pa 1. Jandely Ricardo a gana i mihó bate Angelique Antonia di 2-2. Picher pèrdèdó a resultá Theexzainys Kirindongo i mihó na bate Theexzainys Kirindongo di 1-1.

Buenavista/Pichingolo ta gana Starosa Angels 2 ku skor di 9 pa 8. Trishantely Alexander a gana i mihó na bate Anais Piar di 4-3. Picher pèrdèdó a resultá Quilin Quriel i miho na bate Gabriela Hellburg di 3-3. Den e sigiente wega Starosa Angels 2 ta gana di Buenavista/Pichingolo ku skor di 8 pa 7. Ludnella Isenia a gana i miho bate a resulta Angeline Rosalina di 4-3. Picher perdedo a resulta D’yshanique Camelia i na bate Anais Piar di 3-3.