Author: E. Evertsz

Posted on

Xaverianan ta dal Stakamahakchi 3-0 den semi final di klase maskulino superior

WILLEMSTAD — Den seri di semi final a kontinuá ayera tardi den Sala Errol Rooi ku weganan di klase superior i klase A.

Primeramente de  klase A Maskulino, e ekipo di Titus i Green Tigers a enfrentá otro  pa di tres bia den e seri aki i Titus ta derota GreenTigers ku skore di 2-1 (12-25,25-23,15-12) di e forma aki Titus ta pasa pa e seri final di klase A pa enfrentá Wata ku tin un par di dia wardando riba nan.
Den Femenino Superior, Shuatanari ta logra e di dos viktoria riba Hurricane e bia aki ku skore di 25-22,25,16 i 25-12  i ta pasa pa final kontra di Stakamahakchi ku a gana Watakeli ayera ku skore di 3-0  (25-19,26-24,2-17) Pues Staka i Shuata atrobe den e lucha pa e título máksimo di Kòrsou.
Den klase maskulino, Xaverianan a zona un kampanaso ora nan a dominá Stakamahakchi ku skore di 3-0. Quinten Anthony tabata e estrea di Xaverianen asera. Anthony a sobre sali tantu den defensa i atake pa e team di Suffisant. E seri aki ta empatá na 1 i e wega desisivo lo tuma lugá djárason awor.
Den e último wega di ayera, Watakeli a derota Green Tigers ku skore di 3-1 (25-15,25-18,22-25 i 25-20)  Watakeli di e forma aki ta gana e derecho pa hunga den e seri final wardando e seri di Staka/Xaverianen terminá. Djarason awor lo ta e próksimo fecha di Vòlibòl ku ta sigui hanja bon asistensia di públiko.
Posted on

Preparashonnan pa e final di Scotiabank Caribbean Cup i Gold Cup ta kontinuá

WILLEMSTAD — Manera ya ta konosí nos selekshon nashonal tin 2 evento grandi na kaminda. E promé lo ta nos partidonan den e buèlta final di e Scotiabank Caribbean Cup ku lo tuma lugá na Martinique di 22 pa 25 yüni 2017.

E paisnan ku ta den nos pul ta lo siguiente;

  1. Jamaica
  2. Martinique
  3. Kòrsou
  4. Frans Guyana

E promé partido lo ta dia 22 di yüni 6’or di atardi entre Jamaica i Frans Guyana miéntras e segundo partido lo ta 8or di anochi, kaminda nos selekshon nashonal lo enfrentá e ekipo anfitrion, Martinique.

Djis despues nos selekshon lo mester enfrentá Mexico, Jamaica i El Salvador ku ta e 3 pais nan ku huntu ku Kòrsou ta forma parti di grupo C di Gold Cup 2017.

E promé ronda di weganan lo tuma lugá den 9 stadion na 9 siudat di Merka di 7 pa 16 di yüli 2017 i esaki nan ta lo siguiente;

7 yüli, Grupo A – NY/NJ – Red Bull Arena (Harrison, NJ)
8 yüli, Grupo B – Nashville – Nissan Stadium (Nashville, TN)
9 yüli, Grupo C – San Diego – Qualcomm Stadium (San Diego, CA)
11 yüli, Grupo A – Houston – BBVA Compass Stadium (Houston, TX)
12 yüli, Grupo B – Tampa Bay – Raymond James Stadium (Tampa, FL)
13 yüli 13, Grupo C – Denver – Sports Authority Field (Denver, CO)
14 yüli 14, Grupo A – Dallas – Toyota Stadium (Frisco, TX)
15 yüli, Grupo B – Cleveland – FirstEnergy Stadium (Cleveland, OH)
16 yüli, Grupo C – San Antonio – Alamodome (San Antonio, TX)

Despues di e promé ronda ta sigui e partidonan di ‘knockout’ ku lo ta den 5 stadion den 5 siudat di Merka.

Kuart final,19 yüli; Philadelphia – Lincoln Financial Field (Philadelphia, PA)
Kuart final,20 yüli;  Phoenix – University of Phoenix Stadium (Glendale, AZ)
Semi final, 22 yüli; Dallas – AT&T Stadium (Arlington, TX)
Semi final, July 23 yüli; Los Angeles – Rose Bowl (Pasadena, CA)
Final, 26 yüli; Bay Area – Levi’s Stadium (Santa Clara, CA)

Skema di weganan Grupo C:

Fecha Tim di kas Bishitante Stadion Siudat
1 9 yüli 2017 Kòrsou Jamaica Qualcomm Stadium San Diego
2 Mexico El salvador
3 13 yüli 2017 El Salvador Kòrsou Sports Authority Field Denver
4 Mexico Jamaica
5 16 yüli 2017 Jamaica El Salvador Alamodome San Antonio
6 Kòrsou Mexico

Pues preparashonnan ta kontinuá e siman aki ku yegada di nos hungadónan residensá den eksterior pa djòin esnan lokal i sigui ku training nan pa e gran eventonan aki. Djarason, 22 di mart pa 8’or den Stadion Antoine Maduro nos selekshon lo enfrentá e selekshon di El Salvador den un partido amistoso. Despues di e partido aki nos lo tin diferente partido amistoso ku diferente pais pa sigui prepará pa e final di Scotiabank Caribbean Cup i Gold Cup 2017.

Nos muchanan ta konta ku sosten di hinter e pueblo di Kòrsou, djarason awor 22 di mart 8’or di anochi den Stadion Antoine Maduro! Sali ku bo bandera di Kòrsou, bo t-shirt, bo shal i bin apoyá nos hungadónan komo e number 12!

Posted on

Kòrsou lo topa selekshon di El Salvador den un partido di fogeo djárason

WILLEMSTAD — Komo preparashon pa e 2 eventonan grandinan aki ku nos selekshon tin na kaminda, di 20 pa 28 di mart próksimo, durante kalendario di FIFA, nos hungadónan residensia den eksterior lo bin Kòrsou pa huntu ku nos hungadónan lokal sigui ku e training nan pa e kompromiso nan aki.

Nos hungadó nan lo yega djaluna, dia 20 di mart 3or di atardi ku buelo di KLM, pa djárason 22 di mart 2017, nos selekshon nashonal lo enfrentá e selekshon di El Salvador den un wega di fogeo, 8’or di anochi den Stadion Antoine Maduro (SUBT).

E selekshon di El Salvador tambe lo yega Kòrsou djaluna 20 di mart, 12’or di mèrdia riba vuelo di Copa Airlines pa kuminsá ku preparashonnan pa e wega di djárason.

Karchinan pa e partido aki lo ta optenibel djaluna na FFK bou di ora di ofisina, Botika Mampuritu, Beep Beep i pòmp di gasolin Santa Maria.

Dia di wega karchinan lo ta optenibel na e lokèt nan di Stadion Antoine Maduro.

E partido ta kuminsá 8’or di anochi pero portanan ta habri for di 5’or di atardi, yega trempan pa evitá e trafiko!

E preisnan pa e diferente sekshonnan ta lo siguiente:

  • Sekshon A; Tribuna pariba di tribuna di honor ta Fl.50,-
  • Sekshon B; Tribuna patras di golnan na lado di Maripampoen ta Fl.25,-
  • Sekshon C; Tribuna patras di golnan na lado di Willemstad ta Fl.25,-
  • Sekshon D; Tribuna pabou di tribuna di honor ta Fl.15,-
  • Den e sekshon B i C (tribuna patras di golnan) mucha te ku 12 aña i 60+ ta paga Fl.15,-

E hungadónan di nos selekshon ku lo partisipá na e wega di fogeo aki ta lo siguiente;

  1. Eloy Room
  2. Reangelo Janga
  3. Jeremy de Nooijer
  4. Quintin Jacoba
  5. Doriano Kortstam
  6. Jurriën Gaari
  7. Rhu-Endly Martina
  8. Darryl Lachman
  9. Gillian Justiana
  10. Dustley Mulder
  11. Shanon Carmelia
  12. Ayrton Statie
  13. Michaël Maria
  14. Leandro Bacuna
  15. Germaine Agustien
  16. Brandley Kuwas
  17. Elson Hooi
  18. Jarchino Antonia
  19. Gino van Kessel
  20. Gevaro Nepomuceno
  21. Felitsiano Zschusschen
  22. Rowendy Sumter
  23. Jarzinho Pieter
  24. Ashar Bernardus
  25. Jimbertson Vapor
  26. Christopher Isenia

Miéntras e selekshon di El Salvador su hungadonan ta;

  1. Benji Villalobos
  2. Oscar Aroyo
  3. Bryan Tamacas
  4. Josué Santos
  5. Alexander Larin
  6. Andrés Flores
  7. Gerson Mayen
  8. Efrain Burgos
  9. Oscar Cerén
  10. Rodolfo Zelaya
  11. Irving Herrera
  12. Fernando Castillo
  13. Iván Mancía
  14. Roberto Domínguez
  15. Juan Barahona
  16. Henry Romero
  17. Herbert Sosa
  18. Bryan Landaverde
  19. Darwin Cerén
  20. Richard Menjivar
  21. Victor García
  22. Dennis Pineda
  23. Harold Alas

Un yamada ta bai na henter e pueblo di Kòrsou pa bin na bòshi, bin disfrutá di un tremendo partido! Sali ku bo bandera di Kòrsou, bo t-shirt, bo shal, bin apoyá i sostené nos hungadónan komo e number 12!

Posted on

Sta. Rosa Angels 1 ta sigui invikto den kampionato MCB bigleague/hubenil 2017

WILLEMSTAD — Wikènt tras di lomba tabata karga ku  Sòftbòl Bigleague/hubenil ku vários partido interesante. Weganan a tuma na Buenavista ballpark i tambe Muizenberg ballpark.

Djabièrnè 17 mart:

Kanga/Youngstars  ta gana di Buenavista/Pichingolo ku skor di 11 pa 5. Theexzainys Kirindongo a gana i miho na bate ta Faranalys Andrea di 2-1. Picher pèrdèdó tabata Trishanteley Alexandre i na bate Thailandra Gustina di 2-1.

Djasabra  18 mart:

Souax/Eagles 1 ta gana Souax/ Eagles 2 ku skor di 12 pa 0. Chrishantely Ogenia a gana i na bate Tyzany Raap di 2-2. Picher pèrdèdó a resultá Mahaniam Espinoza Garcia i na bate Sharminely Elisabeth di 1-1.

Seguidamente den e di 2 wega Souax/Eagles 1  ta bolbe gana di Souax/ Eagles 2 ku skor di 21 pa 2. Kiara Domacasse  a gana i mihó na bate  Tanisha Gil di 2-2. Picher pèrdèdó a resultá Christine Job.

Kanga/Youngstars  ta gana di Buenavista/Pichingolo ku skor di 12 pa 2. Theexzainys Kirindongo a gana i mihó na bate ta Faranalys Andrea di 3-3. Picher pèrdèdó tabata Dishanique Camelia i na bate Trishanteley Alexandre di 2-1. Den e siguiente wega Buenavista/Pichingolo ta gana di  Kanga/Youngstars ku skor di 13 pa 8. Picher ganador Trishanteley Alexandre i mihó bate a resultá Anais Piar di 3-2. Picher pèrdèdó a resultá Theexzainys Kirindongo i mihó bate Angelica Vilchez di 1-1.

Den último wega djasabra Starosa Angels 1 ta gana di  Starosa Angels 2  ku skor di 10 pa 1. Lyuska v/h Kruys a gana i mihó na bate Juavin Leonicia di 2-2. Picher pèrdèdó a resultá Ludnella Isenia i mihó na bate Danisha Salesia di 3-2.

Djadumingu  19 mart:

Starosa Angels 1 ta gana di Starosa Angels 2 ku skor di  7 pa 1. Jandely Ricardo a gana i mihó na bate Angelique Antonia di 4-3. Picher pèrdèdó Ludnella Isenia i mihó na bate Danisha Salesia di 3-2. Den e siguiente wega Starosa Angels 1 ta bolbe  gana di Starosa Angels 2 ku skor di 11 pa 2. Lyuska v/h Kruys a gana i mihó bate Kimberly Agard di 2-2. Picher pèrdèdó a resultá Quilin Curiel i mihó na bate Gabriela Helburg di 1-1.

Kanga/Youngstars  ta gana Souax/ Eagles 2 ku skor di 16 pa 0. Philles Girigorie a gana i mihó na bate Angelica Vilchez di 2-2. Picher pèrdèdó a resultá Mahanaim Espinoza Garcia. Seguidamente

 

Kanga/Youngstars  ta bolbe gana Souax/ Eagles 2 ku skor di 13 pa 3. Philles Girigorie ta gana i mihó na bate Theexzainys Kirindongo di 2-2. Picher pèrdèdó Mahanaim Espinoza Garcia i mihó na bate ta Mahanaim Espinoza Garcia di 2-1.

 

Den último wega djadumingu  Souax/ Eagles 1 ta gana Buenavista/Pichingolo ku skor di 9 pa 3. Tanisha Gil a gana i mihó na bate Tizainy Raap di 1-1. Picher pèrdèdó a resultá Trishanteley Alexandre i mihó na bate Dishanique Camelia di 2-1.

Posted on

Didi Gregorius ta bandoná selekshon di Reino pa motibu di leshon

MERKA — E batido designa di e selekshon di Reino kual ta Didi Gregorius a keda kita for di e roster di e selekshon di Reino pa motibu di leshon. Gregorius ku tabata tin un promedio di .348 durante e Klásiko Mundial di Beisbòl mester a bandoná e selekshon ku leshon na skouder.

Segun manager di New York Yankees Joe Girardi, Gregorius a keda diagnostiká ku un hematoma na altura di su skouder. Gregorius ya ta na kaminda pa e kampamentu di entrenamentu di New York Yankees na Florida pa mas evaluashon.

Awe 9’or di anochi ora lokal di Kòrsou e selekshon di Reino lo hunga semifinal di e Klásiko Mundial di Beisbòl den Dodger Stadium na Los Angeles. Pa e selekshon di Reino Rick van den Hurk lo habri e partido.

Miéntras tantu Kenley Jansen tambe ta huntu ku e selekshon di Reino. Ofisialmente Kenley ta riba e roster di e selekshon. Pa hasi lugá pa Kenley, Orlando Yntema a wòrdu kita.

Posted on

Réunion general a aprobá relato anual/finansiero di federashon di sòftbòl Kòrsou unánimemente

WILLEMSTAD — Ku hopi orguyo direktiva di CSB por mira un start 2017 ku éksito. Ja ta konosí ku e presidente aktual di CSB a gana e premio máksimo di dirigente atministrativo di aña 2016, danki na e trabou duru di konhunto ku tabatin último lunanan. Pero pa pone e chèri riba e bolo, reunion general djamars último unánimemente a aprobá e relato anual i tambe esun finansiero ku un “standing ovation” pa e presentashon di e relato aki.

Tabata un bon reunion ku a bai den un tremendo esfera kaminda ku presidente a duna un resúmen kon tur kos a bai i tambe duna e miembronan e bon notisia ku MCB lo ta “100” “100”ku CSB pa 2017 tambe. I ku MCB ta hopi kontentu kon kosnan a kana i spesialmente e presentashon di nos relato finansiero. Na final direktiva di CSB  a gradisí tur miembro i a deseá tur miembro éksito ku e preparashonnan pa e kampionato grandi pa ku lo kuminsá den luna di Mei.

Kampionato di Bigleague/hubenil:

Wikènt aki Softbol Bigleague/hubenil ta kontinuá ku vários partido interesante. Weganan lo tuma lugá na Buenavista ballpark i tambe Muizenberg ballpark:

  • Djabièrnè 17 mart 20:00 : Buenavista/Pichingolo vs Kanga/Youngstars na Buena vista BP
  • Djasabra  18 mart 10:00 : Souax/Eagles 1 vs Souax/ Eagles 2  na Muizenberg Bp
  • Djasabra  18 mart 12:00 : Souax/Eagles 2 vs Souax/ Eagles 1 na Muizenberg Bp
  • Djasabra  18 mart 14:00 : Buenavista/Pichingolo vs Kanga/Youngstars na Muizenberg Bp
  • Djasabra  18 mart 16:00 : Kanga/Youngstars  vs Buenavista/Pichingolo na Muizenberg Bp
  • Djasabra  18 mart 16:00 : Starosa Angels 1 vs Starosa Angels 2  na Buena vista BP
  • Djadumingu  19 mart 10:00 : Starosa Angels 1 vs Starosa Angels 2  na Muizenberg Bp
  • Djadumingu  19 mart 12:00 : Starosa Angels 2 vs Starosa Angels 1  na Muizenberg Bp
  • Djadumingu  19 mart 14:00 : Souax/ Eagles 2  vs Kanga/Youngstars    na Muizenberg Bp
  • Djadumingu  19 mart 16:00 : Kanga/Youngstars  vs Souax/ Eagles 2  na Muizenberg Bp
  • Djadumingu  19 mart 16:00 : Souax/ Eagles 1   vs Buenavista/Pichingolo na Buena vista BP
Posted on

Selekshon di Reino ta nòkout Cuba

HAPON — E selekshon di Reino a gana su último partido den e di dos buèlta di e Klásiko Mundial di Beisbòl derotando Cuba ku skor di 14-1. Tabata Wladimir Balentien ku tabata tin un dia grandi pa e selekshon di Reino. Balentien a bai di 4-3 ku dos honron i sinku kareda empuha.

Banda di tabata tin un tremendo partido kontra Cuba, Wladimir a keda skohe komo hungadó mas balioso di Grupo E. E pelotero Kurasoleño tabata tin un promedio di .615 ku tres honron i 10 kareda empuha.

Resúmen di e partido, kortesia di MLB.com

Den e partido kontra Cuba Yurendell de Caster i Kalian Sams tambe a konektá honron. de Caster den e partido a bai di 4-2 ku kuater kareda empuha. Miéntras ku Sams tambe a bai di 4-2 ku un kareda empuha.

Apesar di e viktoria e selekshon di Reino mester a warda riba resultado di e partido entre Israel i Hapon pa konfirmá nan pase pa semi-final di e Klásiko Mundial di Beisbòl. Ku e viktoria di Hapon riba Israel esaki a keda konfirmá i e selekshon di Reino lo hunga djaluna próksimo 9’or di anochi ora lokal di Kòrsou kontra e ganadó di Grupo F.

Den e partido di djaluna e ekipo di Reino lo konta ku adishon di un di e mihó closernan di Beisbol Liga Grandi. Durante e partido kontra Cuba, Hensley Meulens a risibí notisia ku Kenley Jansen por hunga ku e selekshon den e siguiente buèlta.

Pa e selekshon di Reino esaki ta e di dos biaha den e Klásiko Mundial ku nan ta yega semi-final. Na 2013 selekshon di Reino a kai kòrtiku kontra Repúblika Dominikana ku skor di 4-1 den semi-final.

Posted on

Diegomar Markwell ta habri awe pa Tim di Reino

HAPON — Despues di a kibra invikto di e tim di Israel, e Tim di Reino Hulandes ta den ful preparashon pa topa e siguiente kontrinkante. Djamars 14 di mart 2017, pa 11’or di anochi ora di Kòrsou, e Tim di Reino ta enfrentá e Cubanonan pa determiná si ta pasa pa semifinal.

Diegomar Markwell lo ta riba montikulo pa habri e partido di awe kontra Cuba.

E speransa di yega semifinal a keda bibu durante di e partido kontra di Israel paso e Tim di Reino a presta di forma impreshonante. E hungadónan guiá pa Hensley Meulens a hinka total 12 kareda i e kontrinkante a anotá solamente 2 kareda. Ku un bon bataso di Yurendell de Caster tantu Didi Gregorius komo Jonathan Schoop a anotá e promé dos karedanan. Didi Gregorius i e debutante Shawn Zarraga a bati doblete pa hinka tres di e kuater karedanan.

Den di kuater inning e skor a yega 10 pa 0 na man di bateo di Wladimir Balentien i un bataso kuadrangular di Didi Gregorius ku a sòru pa tres kareda. Al final, e Tim Oraño a logra 15 hit ku e protagonistanan Wladimir Balentien (4-3), Yurendell de Caster (5-3), Andrelton Simmons (5-3) i Didi Gregorius (3-2). Debí na e bateo fantástiko, e picher habridó Jair Jurrjens a haña tur trankilidat pa bira e promé picher ku a sera kuater inning pa e tim aki.

Awor tur konsentrashon ta riba preparashon pa e partido kontra di Cuba. Den e edishon anterior di World Baseball Classic (WBC), Tim di Reino a sa di gana Cuba i pone ku nan no a pasa pa semifinal. Den e promé buèlta di WBC e aña aki Cuba a forma parti di Grupo B den kual nan a pèrdè e promé partido kontra Hapon pero a gana di China i Oustralia. Despues e Cubanonan a pèrdè kontra Israel i tin un partido mas pendiente kontra Hapon promé ku topa Tim di Reino.

Miéntras tantu mènedjer Hensley Meulens ta duna e Tim di Reino un deskanso bon meresí. Meulens a duna di konosé ku: “Nos tabata asina kontentu ku e viktoria di e di dos partido kontra di Taiwan, esun ku nos a pasa pa e di dos buèlta kun’é. Por sierto e partido a kaba hopi lat i nos a disidí pa no hasi e seshon di batting practice e dia siguiente promé ku e partido kontra Israel. Siman pasá e hungadónan tabata kansá i ala bes emoshonal pa e partido kontra Israel.”

Meulens a sigui bisa ku: “Nos ta bai hasi kosnan diferente e biaha aki. E hungadónan ta haña un dia liber. Nos tin sigur dos siman ta traha duru sin dia liber. Deskanso ta mes un importante ku traha duru. E tim tin mester di deskansá i despues di tur e esfuersonan, nan tin derechi riba esaki pero nos no ta bai rilèks paso nos mester ta fuerte pa e partido kontra Cuba.”

Tambe Meulens a reflehá riba e kambionan di hungadó: “Mester tene kuenta ku situashon di kada hungadó i tin ora bo tin partidonan ‘do-or-die’ den kual bo mester usa bo intuishon. Den hasi esaki ta bini kambio den e aliniashon pa duna sierto hungadó mas espasio pa sinti konfortabel ku e line up. Tambe pa e otro hungadónan por haña un chèns. E kambio aki a resultá nos bon den e partido mas resien.”

Posted on

Resultado di Vòli

WILLEMSTAD — Xaverianen a bini desidido  i a empatá e seri  ora ku nan a derota Stakamahakchi den e di dos wega di play-off semi final. E wega a kuminsá ku un promé set ku a terminá 27-25 na fabor di Staka pero Xaverianen ta bin bek den e di dos set i ta gana esaki 25-18 i den di tres set nan a mantené e preshon riba nan kontrinkante i ta gana e set final 15-9 i ta forsa un wega desisivo djadumingu awor.
Den e otro banda di e semi final klase A Femenino. Shuatanari ta kaba ku tur speransa di Watakeli ora nan a gana ku skore di 2-0 (26-15, 25,15) Shutanari ta pasa pa e seri final di klase A pendiente di nan kontrinkante ku tin ku bira sea Xaverianen of Stakamahakchi.
Den klase A Maskulino tambe ta tin bon bataya ayera ora ku Titus ku ta dilanti den e seri a sufri un derota sensibel na man di e hóben ekipo di Green Tigers ku a empatá e seri i wega desisivo lo tuma lugá den fin di siman entrante skore final 2-1 (25-20,16-25 i 15-13 den e ultimo enkuentro di ayera, Wata ta pasa pa e seri final ku un viktoria fásil riba Xaverianen ku skore di 2-0 (25-5, 25-19).
E kampionato ta kontinuá djarason ku 2 wega  di semi final den klase superior. Shuatanari lo enfrentá Hurricane i Watakeli lo topa Green Tiges . Ámbos wega ta programa pa kuminsá 19:45.
Posted on

Jürgen Locadia i Patrick van Aanholt riba radar di Remko Bicentini

HULANDA — Otro siman e selekshon nashonal di Kòrsou lo tin un kampamentu di entrenamentu na Kòrsou. Komo parti di e kampamentu aki e selekshon di Kòrsou lo hunga un partido di fogeo kontra El Salvador.

Tras di kortina trabounan ta sigui i segun informashonnan, direktor tékniko di e selekshon di Kòrsou Remko Bicentini ketu bai ta buskando refuerso pa e selekshon. Jürgen Locadia di PSV i Patrick van Aanholt di Crystal Palace ta entre e hungadónan ku ta riba radar di Bicentini.

Den un deklarashon na De Gelderlander, Bicentini a bisa ku ámbos hungadó por spera un invitashon di selekshon di Kòrsou den e dianan ku ta bini. Mas aleu Bicentini a bisa ku tambe e tin bista riba Guyon Fernandez i Gervane Kastanneer di ADO Den Haag.

Facebook Twitter Instagram Youtube
© 2024 Deporte Awe. Tur derechi reservá. Diseñá pa E² Media