Author: E. Evertsz

E derecho di voto ta un derecho sagrado ku kada suidadano mester hasi bon uso di dje pa eligí su representantenan den nos parlamentu. Konseho Supremo Elektoral banda di organisá e elekshon, na un forma konfiabel i transparente, tin tambe e tarea pa stimulá mas tantu hende, ku derecho di voto, pa hasi bon uso di nan derecho.

Pa e motibu aki Konseho Supremo Elektoral di Kòrsou a kuminsá ku un kampaña pa stimulá pueblo pa bai vota.  Un i tur por tuma nota di e mensahenan den medionan di komunikashon pa enkurashá i rekordá e votadó pa bai vota.

Banda di esaki lo rekordá e votadó riba tur lokual bo mester pa bo por efektuá bo voto korekto.  Ta pone atenshon tambe riba e loke nan no mester i por hasi na momentu di efektuá bo voto.

Presidente di Konseho Supremo Elektoral, sr. Geomaly Martes a bisa: “ Nos ta drentando e rekta final rumbo pa elekshon pa representantenan den Parlamentu di Kòrsou djabièrnè dia 19 di òktober próksimo.  Un di e tareanan di Konseho Supremo Elektoral ta pa stimulá nos pueblo pa hasi bon uso di su derecho di voto. Nos ke rekordá e votadó tambe riba loke ta nesesario pa e por vota i depositá un voto válido.  Por último nos ta hasi uso di e oportunidat pa un biaha mas deskonsehá akshonnan ku no ta ser permití na momentu di vota.”

Konseho Supremo Elektoral Kòrsou anteriormente a lansa su website www.kse.cw i a repartí un foyeto ku informashon balioso tokante votashon.  Bal bishita e website òf konsulta e foyeto pa tuma nota di tur informashon relevante.  E kampaña pa motivá e votadó lo konsentrá den korant, radio i televishon.

Tuma bon nota di e mensahenan di e kampaña aki, hasi bo eskoho pa e kandidato ku bo ta sostené i Sali bo kas bai vota dia 19 di òktober próksimo.

Tin rumornan persistente den nos komunidat ku un òf mas partido politiko ta, of ke bai, paga hende pa vota riba nan. Ministerio Pùbliko ke korda komunidat ku votashon ta un derechi sagrado ku ta tuma luga den tur sekresia. Esun ku ta trata na soborná of di un otro manera trata na influensiá un persona su votashon, ta kore e riesgo di un kastigu di prison di máksimalmente dos aña i/òf un multa di e di 4 kategoria (Naf. 25.000). E mesun kastigu ta na vigor dado kaso un persona tuma un regalu of ta akseptá di ta ser soborná.

Artíkulo 2:44 di nos Kodigo Penal Nobo ta bisa tekstualmente:

1. Hij die bij gelegenheid van een krachtens wettelijk voorschrift uitgeschreven verkiezing door gift of belofte iemand omkoopt om zijn of eens anders kiesrecht hetzij niet, hetzij op bepaalde wijze uit te oefenen, wordt gestraft met gevangenisstraf van ten hoogste twee jaren of geldboete van de vierde categorie.

2. Met ten hoogste dezelfde straf wordt gestraft de kiezer of de gemachtigde van een kiezer die zich door gift of belofte tot een of ander laat omkopen.

Komplisidat na e hecho di soborno di un votadó tambe ta kastigabel pa lei. Den e kaso aki Ministerio Pùbliko ta bai hasi uso di artíkulo 1:124:

Als medeplichtigen aan een misdrijf worden gestraft:

a. zij die opzettelijk behulpzaam zijn bij het plegen van het misdrijf;

b. zij die opzettelijk gelegenheid, middelen of inlichtingen verschaffen tot het plegen van het misdrijf.