Author: E. Evertsz

Despues ku Churandy no a partisipá awe mas den e semifinal di 200m, e desishon a kai ku Churandy lo no partisipá tampoko den 4x100m estafèt. Despues di un chekeo médiko a sali na kla ku Churandy tin un leshon na su “lies” i na su “buikspier” i pa e motibu aki mester retirá for di e kompetensia. Esaki tin komo konsekuensia ku Brian Mariano lo partisipá komo úniko yu di Kòrsou den 4x100m estafèt.

Despues di a logra pasa pa e semifinal di 200m tòg Churandy no a kore esaki. Deporte Awe! ta kere ku probablemente ta pa motibu di un leshon na Churandy su rudia drechi, pero esaki no ta konfirmá ainda. Esaki ta trese ku n’e ku kasi sigur Churandy lo no kore 4x100m estafèt tampoko i asina aki ta konkluí su partisipashon na mundial di atletismo. Manera Deporte Awe! haña mas detaye di kiko a pasa ku Churandy nos lo relatá esaki.

Awe Churandy Martina a kore su promé kareda riba e distansia di 200m den e kompetensia mundial di atletismo na Daegu, Sur Korea. Den e kareda aki Churandy a sali na di sinku lugá ku tempu di 20.70 sekònde. Esaki a trese ku n’e ku Churandy no a klasifiká outomátikamente pa semifinal pero mester a warda tur kareda kaba pa wak si e ta den e tòp tres pèrdèdó nan ku mihó tempu. Den esaki Churandy a lugá di ta nèt e tres pèrdèdó ku mihó I asina pasa pa semifinal. E kareda aki lo tuma lugá awe mainta 2 di sèptèmber alrededor di 6:55am (orario lokal di Kòrsou).

Position	Lane	Bib	Athlete	Country	Mark		React
1	7	588	Usain Bolt	JAM	20.30 Q		0.314
2	1	157	Michael Mathieu	BAH	20.46 Q		0.238
3	2	294	Pavel Maslák	CZE	20.63 Q	(PB)	0.173
4	6	448	Christian Malcolm	GBR	20.66 q		0.238
5	3	783	Churandy Martina	NED	20.70 q		0.212
6	4	216	Bryan Barnett	CAN	20.75		0.254
7	5	1009	Emmanuel Callender	TRI	20.97		0.242

Despues di a kore semifinal di 100m ku un teip na su rudia drechi, Churandy no ta sigur si e lo kore 200m. Riba e sistema di komunikashon sosial Twitter, Churandy a bisa: “Masha danki pa bosnan soport’é, awor ban wak si mi por kore 200m, si no ta asina ta te otro aña atrobe. Dios bendishoná bosnan.” Esaki ta nifiká ku si Churandy no por kore 200m tampoko lo e por kore 4x100m estafèt. Den e kaso ku yega asina leu Brian Mariano lo ta e úniko yu di Kòrsou ku lo tin ku partisipá ainda den e kompetensia aki. Brian ta plania pa partisipá huntu ku Churandy den 4x100m estafèt.

Den e semifinal na Daegu, Sur Korea e promé dos nan di kada kareda ta klasifiká outomátikamente pa final. Si esaki no ta e kos bo mester ta den e dos nan ku mihó tempu i ku no a klasifiká outomátikamente pa bo pasa pa final. Esaki ta mustra fásil den sierto sentido i lo bo kere ku fásilmente Churandy lo logra pasa pa final. Pero e kompetensia tabata hopi fuerte i Churandy a logra sali na puesto seis den su kareda ku tempu di 10.29 sekònde. Opviamente ku e resultado aki e no a logra ta den e dos nan ku mihó tempu ku no a klasifiká outomátikamente. Esaki no ta e final pa Churandy den e kampionato mundial di atletismo teniendo na kuenta ku e tin ku partisipá ainda den 200m i 4x100m estafèt. E resultado final di e kareda di semifinal di Churandy ta lo siguiente:

Heat 3

28 August 2011 – 18:46

Wind: -0.8 m/s