Category: Atletismo

Posted on

Liemarvin Bonevacia ku tempu rèkert ta klasifiká pa Kampionato Oropeo Indoor

MERKA — Liemarvin Bonevacia a logra otro rèkert Hulandes den wikènt tras di lomba na e Boston University John Thomas Terrier Invitational. Akinan riba 400 meter indoor, Liemarvin a logra un tempu di 46.46 sekònde. Ku esaki Liemarvin tin awor tantu e rèkert Hulandes di 400 meter indoor i esun outdoor riba su nòmber.

E tempu di 46.46 sekònde tabata sufisiente tambe pa Liemarvin klasifiká pa e kompetensia oropeo di atletismo indoor na Praag den luna di mart próksimo. Siman pasa Brian Mariano tambe a logra su klasifikashon pa e kompetensia aki riba 60 meter.

Posted on

Brian Mariano ta klasifiká pa Kampionato Oropeo

APPELDOORN — Den wikènt tras di lomba e temporada 2015 di kompetensia indoor a kuminsá na Hulanda ku e karedanan di Zwolse Atletiek Verening PEC. Akinan mes ora atleta Brian Mariano a logra kore e tempu nesesario pa klasifiká riba 60m pa e Kampionato Oropeo Indoor na Praga, Repúblika Cheko.

Brian den e promé buèlta di e kompetensia a kore un tempu di 6.72 sekònde. Mas despues den e final Mariano a sali na promé lugá koriendo un tempu di 6.64 sekònde. Manera ya menshoná e tempu aki ta bon pa Brian klasifiká pa e Kampionato Oropeo Indoor ku lo tuma lugá na Praga den luna di mart próksimo.

Den un entrevista ku e revista Hulandes Atletiek Week Brian a bisa di ta sorprendé pa su prestashon. “Mi tin hopi preokupashon aktualmente”, Brian a bisa Atletiek Week. Segun e atleta, e ta en búskeda di un kas i tambe un trabou. “Mainta trempan mi ta na uitzendbureau, pero pa trahadó nan den konstrukshon no tin masha kos”, Brian a terminá bisando.

Posted on

Atletiek Vereniging Sparta ta presenta? konsierto: “Christmas on Track & Field Concert ” PART 2

WILLEMSTAD — Den afan pa sigui traha na bienestar di e atletanan ho?ben miembro di Atletiek Vereniging Sparta (AV Sparta), dia 9 di dese?mber pro?ksimo, AV Sparta ta organisa? e konsierto “Christmas on Track & Field Concert” Part 2. Dos ora di konsierto bon balansa ku kansionnan bunita di Pasku skohe spesialmente pa entretene? tur ku ta kontribui? na nos atletanan ho?ben. E konsierto ta tuma luga? riba Freewinds di 8or pa 10or anochi.

Por subi abordo for mitar di 8 pa asina tur kos kana zeta.

E konsierto ta konta ku artistanan lokal manera Rebecca Benschop (Ganado? Kanto pa Ko?rsou 2014) , Liesje Lispier i Reinier Lijfrock (artistanan lokal ku no mester di introdukshon) i “guest star” di e anochi Urvin Jano tur e artistanan di taya aki a pone nan mes disponibel pa kontribui? ku e atletanan di AV Sparta. Ta un konsierto u?niko kaminda Freewinds band ta bai kompan?a? nos artistanan lokal e anochi ei.

Ekspektativanan ta grandi pa ku e konsierto “Christmas on Track & Field”Part2 ya ku no ta tur ora bo por han?a un konsierto di Pasku di e taya aki ku nos artistanan mes ku ta aporta? na un bon kousa.

Direktiva di AV Sparta ta invita? pueblo di Ko?rsou pa duna un man na un atleta dor di kumpra un karchi pa solamente 50 florin i disfruta? di un konsierto u?niko riba Freewinds den nos bunita i u?niko haf di Ko?rsou.

Kada karchi kumpra pa e konsierto aki ta bai pa yuda drecha ve?lt di entrenamentu i material pa por sigui entrena? e ho?bennan aki di AV Sparta i tambe aporta? na partisipashon di e atletanan di AV Sparta na un “trainings camp” kombina? ku un kompetensia na Merka na yu?ni 2015.

Karchinan ta optenibel seka tur atleta di AV Sparta.
Pa mas informashon relashona? ku e Proyekto di AV SParta i/o pa hasi un donashon o?f kumpra karchi pa e konsierto, por tuma kontakto ku sr. Raymond Jansen na telefon 5402414 o?f por hasi un depo?sito riba number di kuenta Giro 114422 Atletiek Vereninging Sparta ku e spesifikashon donashon “Proyekto: Lend a Hand for a Young Athlete”

Posted on

Churandy Martina di 4 di Europa riba 200m

ZURICH – Churandy Martina ta finalisá na di kuater lugá den 200 meter na Zurich, Suisa. Churandy a kore un tempu di 20.37 sekònde. Churandy a bai pa un medaya pero lastimamente no a logra esaki. Den un deklarashon Churandy a bisa: “Bo no por ta rabia ora ku bo no logra ku bo tabata ke pero bo no a traha duru pe.” Refiriendo akinan na e echo ku e no a train e temporada aki pa kore 200 meter pa motibu di leshon i apesar di esaki a logra su mihó tempu di temporada. Adam Gemili di Gran Britannia ta gana e kareda I bira e kampion Europeo nobo ku un tempu di 19.98 sekònde.

Final 200 meter

Posted on

Churandy Martina den final di 200 meter na Zurich awe

ZURICH – Despues di no a logra yega final den e evento di 100 meter, Churandy Martina ta logra pasa pa final den e evento di 200 meter. Churandy a pasa ku fasilidat den e serinan di 200 meter previo di e final.

Den e promé seri Churandy a kore un tempu di 20.60 sekònde i finalisá na di tres lugá. Despues den e semifinal Churandy a drecha su tempu i yega na di dos lugá ku un tempu di 20.40 sekònde. Ku esaki Churandy a logra e pase pa final i lo defendé su título di kampion Europeo riba 200 meter awe tardi 15:49 ora lokal di Kòrsou.

Den un deklarashon Churandy a bisa: “Ma hasi loke mi tabata tin ku hasi. Ma kore e bògt bon i e ultimo parti tambe ma ranka bon. Tur hende ta bon, pero awe mi ta bai pa ta riba e podio.”

Entrevista ku Churandy Martina despues di semifinal 200 meter

Promé seri di 200 meter

 

Semifinal 200 meter (ambos seri)

Posted on

Churandy Martina tampoko Liemarvin Bonevacia ta pasa pa final

WILLEMSTAD – Despues di a kuminsá e kampionato di atletismo na Zurich, Suiza, ni Liemarvin Bonevacia tampoko Churandy Martina no a logra yega final. Ambos a partisipá ayera den e semifinal di nan respektivo evento sin éksito.

Liemarvin a bai atras den su tempu riba 400m kompará ku e dia anterior. Den su seri Liemarvin a yega na di sinku lugá ku un tempu di 46.38 sekònde. Liemarvin lo tuma un pause i ku tur probabilidat lo mira akshon atrobe den wikènt ora tin e relevo 4x400m.

Meskos ku Liemarvin, Churandy tambe a bai atras den su tempu. Pa Churandy tabata aun mes desepshonante teniendo na kuenta ku e la kore un tempu di 10.34 sekònde i tabata tin mester solamente un tempu bou di 10.30 sekònde pa pasa pa e final. Den su kareda riba 100m Churandy e finalisá na di kuater lugá ku e tempu ya menshoná di 10.34 sekònde. Segun Churandy, e la slip den e salida i no por a rekuperá di esei, pero ta kosnan ku por pasa. Churandy lo partisipá den dos evento mes, esta esun di 200m ku ta kuminsá awe i tambe relevo 4x100m den wikent proksimo.

Semifinal 400m di Liemarvin Bonevacia

Semifinal 100m di Churandy Martina

Posted on

Liemarvin Bonevacia i Churandy Martina ta pasa pa semifinal

ZURICH – E kampionato Europeo di atletismo a ranka sali ayera i riba mesun dia tantu Liemarvin Bonevacia komo Churandy Martina a kompetí. Ku un  tempu di 45.65 sekònde Liemarvin a sali na di dos lugá den su seri di 400m. Esaki tabata sufisiente pa pone Liemarvin den e semifinal awe mèrdia. Liemarvin su tempu tabata e di kuater mihó tempu ku e keda registrá ayera riba 400m.

Churandy Martina a kore e distansia di 100m ayera. Akinan, Churandy a logra yega na di dos lugá den su seri ku un tempu di 10.31 sekònde. Esaki tambe tabata sufisiente pa pone Churandy den e semifinal awe mèrdia. Pa Churandy su tempu tabata e di nuebe mihó tempu ku a keda registrá ayera riba 100m.

Ainda e federashon di atletismo Hulandes no a duna di konosé e kuater koredónan ku lo forma parti di nan ekiponan di relevo. Pero e ekipo di 4x100m ta konta ku seis atleta tentativo for di kua Churandy Martina i Hensley Paulina. Den e ekipo di relevo 4x400m tin sinku atleta for di kua Liemarvin Bonevacia, Terrence Agard i Obed Martis.

E kompetensianan di relevo lo tuma lugá djasabra i djadumingu próksimo.

Kareda di 400m Liemarvin Bonevacia

Kareda di 100m Churandy Martina

Entrevista ku Churandy Martina despues di a kore 100m

Posted on

Kuater velosista Kurasoleño den pre-selekshon di atletismo Hulandes

PAPENDAL – E asosiashon di Atletismo Hulandes a anunsiá ku nan a kuminsá ku preparashonnan pa nan ekiponan di relevo 4×100 i 4×400 meter ku mira pa e kampionato Europeo di Atletismo i tambe e kampionato Mundial di Relevo.

Komo preparashon pa e kampionato Mundial di Relevo na Bahamas, dia 24 i 25 di mei próksimo, shete velosista a sali pa kampamentu di entrenamentu na Daytona Beach, Florida awe. Un siman despues e velosistanan ta biaha pa Clermont, Florida kaminda Churandy Martina ta residensia.

E selekshon tentativo pa relevo 4×100 maskulino ta konsistí di: Churandy Martina, Brian Mariano, Liemarvin Bonevacia, Hensley Paulina, Jerrel Feller, Joren Tromp, Giovanni Codrington, Wouter Brus i Patrick van Luijk.

Liemarvin Bonevacia ta forma parti tambe di e pre-selekshon di relevo 4×400 meter.

Posted on

Brian Mariano i Hensley Paulina; dos i tres den Kampionato Hulandes Indoor

APELDOORN, HULANDA – Brian Mariano i Hensley Paulina a finalisá na di dos i di tres lugá den e kampionato Hulandes di atletismo indoor. Den wikènt tras di lomba a tuma lugá e ‘Nederlandse Kampioenschappen Indooratletiek’ na Omnisport Apeldoorn kaminda tantu Brian Mariano komo Hensley Paulina a partisipá den e evento di 60m indoor.

Den e final Brian Mariano a hasi tur esfuerso pa bira kampion Hulandes pa di sinku biaha pero net no a logra esaki. Mariano a kore un tempu di 6.78 sekònde den final, ku tabata bon pa di dos lugá. Giovanni Codrington a yega dilanti di Brian na prome luga ku un tempu di 6.76 sekònde. Hensley Paulina a finalisá na di tres lugá  ku un tempu di 6.86 sekònde.

E evento aki tabata un ultimo oportunidat pa e atletanan logra nan klasifikashon pa e Kampionato Mundial di Indoor na Sopot, Polonia. Lástima mente, niun di e dos atletanan no a logra e tempu límite di 6.65 sekònde pa asina klasifiká pa e mundial na mart próksimo.

Posted on

Brian Mariano i Hensley Paulina ku otro intento riba klasifikashon pa Mundial Indoor

GENT, BELGIKA – Brian Mariano i Hensley Paulina tabata tin otro intento pa klasifiká pa e Mundial di atletismo indoor na Sopot, Polonia den wikènt tras di lomba. Ambos atleta ta purbando pa yega Mundial den e evento di 60m indoor.

Lastimá mente, ku niun di e dos atleta nan Kurasoleño no a logra kore e tempu di 6.65 sekònde of mihó pa klasifiká pa e mundial.

Den e evento di Flanders Indoor na Bèlgika, Brian Mariano a kore den e promé buèlta klasifikatorio. Aki nan e atleta a kore un tempu di 6.81 sekònde ku tabata bon pa di kuater lugá. Ku e tempu aki Mariano tabata hopi serka pa klasifiká pa e final pero e atleta Belga, Robin Vanderbemden a klasifiká riba Brian pa e final.

Den e di dos buèlta klasifikatorio, Hensley Paulina a kore. Aki nan e atleta a kore un tempu di 6.87 sekònde ku e pone a atleta finalisá na di shete lugá.

Brian a drecha su tempu konsiderablemente kompará ku e 6.93 sekònde ku e la kore siman pasa na Fransia. Hensley di otro banda no a kore su mihó tempu, mirando ku siman pasa e la kore un tempu di 6.82 sekònde na Amsterdam siman pasa.

E atleta nan tin te ku 24 di febrüari próksimo pa registrá e tempu di 6.65 sekònde of miho pa klasifiká pa e mundial di indoor.

Facebook Twitter Instagram Youtube
© 2024 Deporte Awe. Tur derechi reservá. Diseñá pa E² Media