Category: Beisbòl

Posted on

Kampeonato Liga Aqualectra Klase A

WILLEMSTAD — Kampeonato Klase A, manera palabra, ta kuminsá awor ku kampeonato liga Hubenil ta yegando na su final. E kampeonato ta kuminsá riba djabièrnè di 30 di òktober próksimo ku e partido entre e kampeon i sup-kampeon di 2014:

  • Curaçao Yankees OBM i Marchena Braves.

Lo tin un seremonia di apertura simpel ku lo kuminsá 19:00 ora.

E kampeonato di Klase A ta karga e nòmber LIGA AQUALECTRA KLASE A 2015. E Kampeonato lo konosé un promé etapa di 2 buèlta den kua kada ekipo lo hunga 10 partido. E kampeonato regular lo konosé un total di 45 partido i ta dura 5 siman. Dianan di wega ta djamars, djarason, djaweps, djasabra (3 partido) i djadumingu (3 partido). Total 9 wega pa siman. E partidonan a tuma lugá den dos parke: Stadion Johnny Vrutaal (djaluna, djamars i djaweps) I Parke Tata Beaumont (djasabra i djadumingu). Ekiponan partisipante ta:

  • BBC Curaçao Yankees;
  • BBC Groot Kwartier Stars;
  • BBC Marchena Braves;
  • BBC Santa Maria Pirates;
  • BBC Santa Rosa Indians; i
  • BBC Blue Hawks.
Posted on

Kòrsou su Peloteronan Profeshonal #1-200

Resultadonan di Beisbòl Liga Grandi ayera:

Seri Mundial

  • New York Mets a pèrdè di Kansas City Royals ku skor di 7-1 (Kansas ta ariba den e seri 2-0)

Beisbòl Profeshonal Hapones Nippon ayera:

  • Tokyo Yakult Swallows a pèrdè di Softbank Hawks ku skor di 6-4 (Softbank ta ariba den e seri 3-1)
    Wladimir Balentien a konektá 2 hit den 4 turno na bate pa Swallows

Beisbòl Invernal na Mexico ayera:

  • Roger Bernadina no a konektá hit den 4 turno na bate ku pa Yaquis de Obregon. Roger tin un promedio di .188

Beisbòl Arizona Fall League ayera:

  • Jurickson Profar a konektá 1 doblete den 3 turno na bate ku 2 kareda empuha pa Surprise Saguaros. Jurickson tin un promedio di .400

Breve:

  • Xander Bogaerts a keda nombra pa Sporting News den su ekipo di Tur-Strea na e posishon di shortstop. Xander di 23 aña a finalisá temporada 2105 ku un promedio di .320. E pelotero a risibí e distinshon riba Carlos Correa di Houston Astros i Jose Iglesias di Detroit Tigers.
Posted on

Kòrsou su Peloteronan Profeshonal #1-199

Resultadonan di Beisbòl Liga Grandi ayera:

Seri Mundial

  • New York Mets a pèrdè di Kansas City Royals ku skor di 5-4 den 14 entrada (Kansas ta ariba den e seri ku skor di 1-0)

Partidonan di Beisbòl Liga Grandi awe:

Seri Mundial

  • New York Mets kontra Kansas City Royals

Beisbòl Profeshonal Hapones Nippon ayera:

  • Tokyo Yakult Swallows a derota Softbank Hawks ku skor di 8-4 (Softbank ta ariba den e seri 2-1)
    Wladimir Balentien no a konektá hit den 3 turno na bate pa Swallows

 Beisbòl Invernal na Mexico ayera:

  • Roger Bernadina a konektá 1 hit den 2 turno na bate ku 1 kareda anotá i otro empuha pa Yaquis de Obregon. Roger tin un promedio di .214

Beisbòl Arizona Fall League ayera:

  • Jurickson Profar no a hunga ayera pa Surprise Saguaros
Posted on

MCB-RBI 2015: Sta. Rosa Indians a tuma poseshon di promé lugá den Junior

WILLEMSTAD – Despues di e kolorido apertura ofisial djabièrnè último di MCB RBI 2015 tabatin un skema ful di wega djasabra i djadumingu na Tio Daou Ballpark. Sin duda e ekipo di Sta. Rosa Indians a konsolidá su mes na promé lugá den e aktual kampionato ku dos viktoria mas den fin di siman tras di lomba. Primeramente, Indians a gana Van Engelen Giants ku skor di 5-2 tras di pitcheo i bateo un biaha mas di Chris Koeiman. No solamente el a resultá e picher ganador pero a konektá un honron, su di tres temporada. Pa Giants, Jerrick Mathilda a resultá picher pèrdèdó i e mes a bai di 1-1 na bate. E di dos viktoria di Indians a bin kontra di Montaña Abou Rangers ganando ku skor di ?6-4. Picher ganador tabata Siamani Boekhoudt miéntras ku Jaeir Janzen a bai di 2-2. Pa Rangers picher pèrdèdó tabata Kevin Cecilia miéntras ku Ruendly Carolina a bai di 3-3 na bate.

Den otro resultadonan djasabra; 

Van Engelen Giants a logra bòns bek mesora di nan promé derota djabièrnè ganando di Sta. Maria Pirates ku skor di 6-2. Picher ganador tabata Crisitien Josefina i e mes a bai di 2-2. Picher pèrdèdó tabata Giovanne Basilia i Steven Zimmerman a bai di 2-2 pa Pirates. Trai Seru Dodgers a logra un viktoria di 13-2 riba Marchena Reds. Picher ganador tabata Ceddanne Rafaela i Richgelon Juliana a bai di 2-2. Picher pèrdèdó tabata Frensley Leito i mihó bateador pa Reds tabata Kevin Leander di 3-2. E ekipo di Brievengat Orioles a logra nan promé viktoria di temporada ganando di Jandoret Braves ku skor di 12-5. Picher ganador tabata Quenci Philipsgous i mihó bateador tabata Gregory Alexander di 2-2. Picher pèrdèdó pa Braves tabata Denverick Martinus i mihó bateador Keiji Lourens di 2-2.

Djadumingu mainta e ekipo di Jandoret Braves tambe a logra nan promé viktoria di temporada ganando di Marchena Reds ku skor di 7-6. Picher ganador tabata Jhonattan Ferreira, Eljian Martina a bai di 3-2 na bate. Picher pèrdèdó tabata Kevin Leander i mihó bateador pa Braves tabata Gharrich Phelipa di 2-2. Seguidamente Trai Seru Dodgers a gana di Sta. Maria Pirates 9-5. Picher ganador tabata Raylison Bentura i mihó bate tabata Richgelon Juliana di 2-2. Picher pèrdèdó pa Pirates tabata Denzel Gregg miéntras ku Nazir Rog a bai di 2-2. Finalmente den e último wega di dia Montaña Abou Rangers a gana di Brievengat Orioles ku skor di 6-4. Picher ganador tabata Maidrickson Brunken i tabatin vários bateador ku a bai di 2-1. Picher pèrdèdó pa Orioles tabata Halim Rosalina i Gabriel van Lierop a bai di 1-1.

Djadumingu e Komishon di RBI 2015 a tuma un momentu pa duna Chairon Isenia un rekonosementu komo esun ku tabata e inisiador di RBI aki na Kòrsou. Miembro di e Komishon, Dennis Dambruck, a entreg’é un kamiseta di unifòrm di RBI 2015.

Pa haña un relato mas amplio i tambe sifranan di e weganan por bai riba rbicuracao.com i tambe Facebook. Kòrda ku semper por sigui e weganan bibu na kas riba kòmpiuter, laptop òf telefon via di gamechanger.com. Djis buska rbi curacao junior i por selektá bo ekipo faborito. Tur esaki ta posibel danki na e patrosinio di MCB i Refineria Isla.

Posted on

Kòrsou su Peloteronan Profeshonal #1-198

Partidonan di Beisbòl Liga Grandi awe:

Seri Mundial

  • New York Mets kontra Kansas City Royals

Beisbòl Arizona Fall League ayera:

  • Jurickson Profar a konektá 2 hit for di kua 1 doblete i 1 tripel den 5 turno na bate ku 3 kareda anotá pa Surprise Saguaros. Jurickson tin un promedio di .412
Posted on

Kòrsou su Peloteronan Profeshonal #1-197

Beisbòl Invernal na Mexico ayera:

  • Roger Bernadina a konektá 1 hit den 3 turno na bate ku 1 kareda anotá pa Yaquis de Obregon. Roger tin un promedio di .192

Resultado Beisbòl Profeshonal Hapones Nippon:

  • Fukuoka SoftBank Hawks a derota Tokyo Yakult Swallows ku skor di 4-0 (Hawks ta ariba den e seri 2-0)
    Wladimir Balentien no a konektá hit den 3 turno na bate pa Tokyo Yakult Swallows
Posted on

Jurickson Profar ku honron den Arzizona Fall League ayera

TEXAS — E ekipo di Texas Rangers a anunsiá ayera ku nan a aktivá Jurickson Profar for di e lista di hungadó inkapasitá di 60 dia. Profar a hunga mes ora ayera den Arizona Fall League ku e ekipo di Surprise Saguaros den Scottsdale Stadium kontra Scorpions.

Den e partido aki Jurickson a konektá dos hit for di kua un doblete i un honron miéntras ku e la empuha unu di sinku turno na bate.

Profar di 22 aña, despues di a opera su skouder riba 23 di febrüari a pasa e temporada 2015 kompletu riba lista di hungadó inkapasitá. Na final di e temporada di Liga Menor, Jurickson a hunga 12 partido riba asignashon ku e ekipo di Hickory (A) i Frisco (AA). Akinan e shortstop di Kòrsou a sirbi eksklusivamente komo batido designa i a logra un promedio kombiná di .256 ku un honron, dos doblete i seis kareda empuha. Tambe Jurickson a partisipá huntu ku e ekipo di Liga Instrukshonal.

Posted on

Kòrsou su Peloteronan Profeshonal #1-196

Partidonan di Beisbòl Liga Grandi awe:

Seri di Kampionnan Liga Amerikano

  • Toronto Blue Jays kontra Kansas City Royals (Kansas ta lidera e seri 3-2)

Beisbòl Invernal na Mexico ayera:

  • Roger Bernadina a konektá 1 honron ku 2 kareda anota i 1 empuha den 4 turno na bate pa Yaquis de Obregon. Roger tin un promedio di .250

Beisbòl Arizona Fall League ayera:

  • Jurickson Profar a konektá 2 hit for di kua 1 doblete i 1 honron ku 2 kareda anotá i 1 empuha den 5 turno na bate pa Surprise Saguaros. Jurickson tin un promedio di .400
Posted on

Kòrsou su Peloteronan Profeshonal #1-195

Resultadonan di Beisbòl Liga Grandi ayera:

Seri di Kampionnan Liga Amerikano

  • Kansas City Royals a pèrdè di Toronto Blue Jays ku skor di 7-1(Kansas ta lidera e seri 3-2)

Seri di Kampionnan Liga Nashonal

  • New York Mets a derota Chicago Cubs ku skor di 8-3(New York ta gana e seri 4-0)

Beisbòl Invernal na Mexico

  • Roger Bernadina a konektá 1 hit den 3 turno na bate ku 1 base por bola pa Yaquis de Obregon. Roger tin un promedio di .250
Posted on

Kòrsou su Peloteronan Profeshonal #1-194

Resultadonan di Beisbòl Liga Grandi ayera: 

Seri di Kampionnan Liga Amerikano

  • Kansas City Royals a gana Toronto Blue Jays ku skor di 14-

Seri di Kampionnan Liga Nashonal

  • New York Mets a derota Chicago Cubs ku skor di 5-2

Partido di Beisbòl Liga Grandi awe:  

Seri di Kampionnan Liga Amerikano

  • Kansas City Royals kontra Toronto Blue Jays (Kansas ta lidera e seri 3-1)

Seri di Kampionnan Liga Nashonal

  • New York Mets kontra Chicago Cubs (New York ta lidera e seri 3-0)

Beisbòl Invernal na Mexico

  • Roger Bernadina no a konektá hit den 2 turno na bate ku 3 base por bola, 1 kareda anotá i 2 base roba pa Yaquis de Obregon. Roger tin un promedio di .222
Facebook Twitter Instagram Youtube
© 2024 Deporte Awe. Tur derechi reservá. Diseñá pa E² Media