Category: Beisbòl

WILLEMSTAD – Stadion Johnny Vrutaal henter fin di siman tras di lomba tabata anfitrion pa tur wega di divishon Junior di kampionato MCB-RBI 2015. Un total di 8 wega a tuma lugá riba djasabra i djadumingu. Despues di dos siman di kompetensia djabièrnè awor lo bai tin e gran apertura di MCB RBI 2015 pa ta tu divishon Junior komo Senior.

Resultadonan:

Den e promé wega di dia, e ekipo di Sta. Maria Pirates a logra un viktoria di 7-2 riba Brievengat Orioles. Pa Pirates 7 kareda 7 hit i 2 eror. Picher ganador tabata Tilsaimy Melfor i e mes a bai di 3-2. Pa Orioles 2 kareda 1 hit 1 eror. Picher perdedor Quincy Philipsgous i Kevin Susana a bai di 3-1.

Van Engelen Giants gana di Marchena Reds 12-2. Pa Van Engelen 12 kareda 10 hit i 1 eror. Picher ganador tabata Jerick Mathilda i Arguently Bonefacia a bai di 3-2. Pa Reds 2 kareda 2 hit i 6 eror. Picher pèrdèdó tabata Frensly Leito i Danyani Newton a bai di 2-1.

E wega di entre Jandoret Braves i Montaña Abou Rangers a keda empatá 6-6. Pa Braves 6 kareda 9 hit i 2 eror. E mihó bateador tabata Daniel i Lourens ku a bai di 3-2. Pa Rangers 6 kareda 5 hit 2 eror. Mihó bateador tabata Maidrickson Brunken di 1-1.

Den e mihó wega di djasabra, Sta. Rosa Indians a laga Trai Seru Dodgers den tereno 3-2. Pa Sta. Rosa 3 kareda 6 hit i 2 eror. Picher ganador tabata Siamani Boekhoudt i e mes a bai di 2-2 huntu ku Jaeir Jansen tambe di 2-2. Pa Dodgers 2 kareda 4 hit i 0 eror. Picher pèrdèdó tabata Richgelon Juliana i vários bateador a bai di 2-1.

Den promé wega djadumingu Sta. Maria Pirates a gana di Marchena Reds 10-2 den un wega unda tres picher a kombiná pa tira un ‘no hitter’. Pa Pirates, 10 kareda 7 hit i 1 eror. Picher ganador tabata Shaquir Petronella i mihó bateadornan tabata Daal i Kook ámbos di 3-2. Pa Reds, 2 kareda 0 hit i 4 eror. Picher pèrdèdó tabata Garrich Phelipa.

Den e di dos wega Van Engelen Giants a logra mantené nan mes invikto ku un viktoria di 5-2 riba Montaña Abou Rangers. Pa Rangers 2 kareda 3 hit i 2 eror. Picher pèrdèdó tabata Ruendly Carolina i mihó bateador tabata Brunken i Apostel ku a bai di 1-1 kada unu. Pitcher ganador pa Giants tabata Ruwensly Bonifacio i mihó bateador Arguently Bonefacia di 2-2.

Sta. Rosa Indians a logra un viktoria di 14-1 riba Jandoret Braves. Indians tampoko no a konosé un derota ainda den e aktual temporada pero si un empatá i esei ta pone nan tras di Van Engelen Giants. E dos ekiponan aki lo topa otro den un wega kayente djabièrnè den wega di apertura di MCB-RBI 2015 pa 7:30 pm na Tio Daou Ballpark. Pa Indians 1 kareda 6 hit i 4 eror. Picher pèrdèdó tabata Denverick Martinus i tabatin vários bateador ku a bai di 2-1. Pa Indians 14 kareda 11 hit i 3 eror. Picher ganador tabata Lousandry Henriette i mihó bateador Baranco di 2-2 i Koeiman di 4-3.

Finalmente, Trai Seru Dodgers a logra un viktoria di 5-3 riba Brievengat. Pa Dodgers 5 kareda 8 hit i 2 eror. Picher ganador tabata Yarden Lionarons i mihó bateador tabata Bentura i Jansen ámbos di 2-2. Pa Orioles 3 kareda 5 hit i 2 eror. Picher pèrdèdó tabata Halim Rosalina i mihó bateador Nathan Lopez di 2-2.

Apertura di MCB-RBI manera a indiká kaba lo ta djabièrnè awor kuminsando 6or di atardi na Tio Ballpark sigui pa un wega entre e úniko dos ekiponan ku te ainda no a konosé derota den e aktual kampionato, Sta. Rosa Indians i Van Engelen Giants. Un wega ku sigur lo bira interesante.

Pa haña un relato mas amplio i tambe sifranan di e weganan por bai riba rbicuracao.com i tambe Facebook. Kòrda ku semper por sigui e weganan bibu na kas riba kòmpiuter, laptop òf telefon via di gamechanger.com. Djis buska rbi curacao junior i por selektá bo ekipo faborito. Tur esaki ta posibel danki na e patrosinio di MCB i Refineria Isla.

WILLEMSTAD – E kampionato di MCB-RBI 2015 por wak atras riba e promé fin di siman kompleto di akshon eksitoso den e kategoria Junior (13-15 aña). Ku un bon públiko presente tantu djabièrnè, djasabra na Tio Daou komo djadumingu na Stadion di Rif por bisa RBI ta enbèrdat bek.

Djabièrnè anochi, Chris Koeiman tabata dominante tantu ku su bate komo su picheo pa guia Sta. Rosa Indians na un viktoria di 3-1 riba Sta. Maria Pirates. Pa Pirates 1 kareda, 6 hit i 2 eror. Picher perdedor tabata Tilsaimy Melfor i vários bateador a bai di 2-1. Pa Sta. Rosa 3 kareda, 2 hit i 2 eror. Picher ganador tabata Chris Koeiman i e mes a bai di 3-1 ku un honron den tereno.

Den e promé wega di djasabra, e ekipo di Trai Seru Dodgers tabata muchu fuerte pa e ekipo di Jandoret Braves ganando ku in skor di 22-2 den tres ining pa medio di asina yama ‘blackout’. Pa Jandoret 2 kareda, 0 hit i 4 eror. Pitcher perdedor tabata Jonathan Ferreira. Pa Trai Seru Dodgers, 22 kareda, 18 hit i 4 eror. Pitcher ganador tabata Yarden Lionarons ku no a permití hit den e wega aki. Dayten Biegel a konekta 3 hit i empuhá 4 kareda pa Dodgers.

Despues a sigui e wega entre Sta. Rosa Indians i Marchena Reds ku a bin kaba den un empate di 10-10 riba e fecha nashonal di 10-10. Pa Sta. Rosa 10 kareda, 8 hit i 3 eror. Chris Koeiman a konektá un mas honron den tereno i Hermain Habat tabatin un honron pa empatá e wega na 10 den nan último turno na bate di su ekipo. Pa Reds, 10 kareda, 3 hit 3 eror. Frensley Leito a bai di 2-01 na bate.

Por ultimo Sta. Maria Pirates a logra nan promé viktoria di e kampionato nobo aki ganando di Montaña Abou Rangers ku skor di 15-8. Pa Montaña Abou 8 kareda, 5 hit i 2 eror. Kevin Cicilia a resultá e picher perdedor i Etmond Jops a bai di 2-2 na bate. Pa Sta. Maria Pirates 15 kareda 7 hit i no a kometé eror, Hooi i Daal a bai di 2-2.

Djadumingu e ekipo di Marchena Reds tambe a logra nan promé viktoria ganando di Brievengat Orioles ku skor di 6-5. Pa Reds, 6 kareda 5 hit i 4 eror. Tarich Campagnard a konekta dos triple den e wega aki. Pa Orioles, 5 kareda 5 hit i no a kometé eror. Pitcher Halim Rosalina a resulta e perdedor i Jurvensly Tokaay a bai di 2-2.

Por último tabata e ekipo di Montaña Abou Rangers ku tambe a haña number di kas ku un viktoria di 9-2 riba Trai Seru Dodgers. Ruendly Carolina tabata instrumental den e viktoria aki pa su ekipo tantu na plato komo riba montikulo. Pa Trai Seru Dodgers 2 kareda 6 hit 3 eror. Pitcher pèrdèdó tabata Shane Quant i varis bateador a bai di 2-1. Pa Rangers, 9 kareda 11 hit i 1 eror. Pitcher ganador tabata Carolina i e mes tabata mihó na bate di 4-3.

Pa haña un relato mas amplio i tambe sifranan di e weganan por bai riba rbicuracao.com i tambe Facebook. Kòrda ku semper por sigui e weganan bibu na kas riba kòmpiuter, laptop òf telefon via di gamechanger.com. Djis buska rbi curacao junior i por selektá bo ekipo faborito. Tur esaki ta posibel danki na e patrosinio di MCB i Refineria Isla.