Category: Beisbòl

Resultadonan di Spring Training ayera:

• Detroit Tigers a derota Baltimore Orioles ku skor di 5-4
  Jonathan Schoop no a mira akshon den e partido aki

• New York Mets a gana Atlanta Braves ku skor di 8-2
  Andrelton Simmons no a hunga den e partido aki

• Philadelphia Phillies a derota New York Yankees ku skor di 3-1
  Didi Gregorius no a konektá hit den un turno na bate, ku un base por bola

• Toronto Blue Jays a gana Pittsburgh Pirates ku skor di 4-1

• Chicago White Sox a derota Los Angeles Dodgers ku skor di 6-4

• Cincinnati Reds a pèrdè di Cleveland Indians ku skor di 4-2

• Kansas City Royals a gana Texas Rangers ku skor di 13-2

• Oakland Athletics a derota San Francisco Giants ku skor di 9-2

• San Diego Padres a pèrdè di Seattle Mariners 4-3 den 10 entrada

• Arizona Diamondbacks a gana Colorado Rockies ku skor di 6-2
  Roger Bernadina no a konektá hit den 3 turno na bate ku 1 kareda empuha. Jair Jurrjens no a picha den e partido aki

Partidonan di Spring Training awe:

• Atlanta Braves kontra Detroit Tigers

• Baltimore Orioles kontra Tampa Bay Rays

• New York Yankees kontra Pittsburgh Pirates

• Philadelphia Phillies kontra Houston Astros

• Louis Cardinals kontra Miami Marlins

• Chicago Cubs kontra San Francisco Giants

• Cleveland Indians kontra Cincinnati Reds

• Los Angeles Dodgers kontra Chicago White Sox

• Milwaukee Brewers kontra Los Angeles Angels

• Oakland Athletics kontra Chicago Cubs

• San Diego Padres kontra Seattle Mariners

• Texas Rangers kontra Kansas City Royals

• Colorado Rockies kontra Arizona Diamondbacks

• New York Mets kontra Washington Nationals

• Boston Red Sox kontra Minnesota Twins

Breve:

• Tin informashonnan konsistente di diferente fuente den e ultimo dianan ku e ekipo di Texas Rangers ta kana ku e idea pa kambia e pelotero di Korsou Jurickson Profar. Segun informashonnan e ekipo ta pensa riba kambia Jurickson ku New York Mets pa e picher habridó Dillon Gee. Rangers den pasado ya tabata tin interes den e picher Dillon Gee, pero e interes aki a baha un poko na momentu ku Texas a atkirí Yovani Gallardo. Segun un fuente, awor ku Profar ta bai pèrdè su di dos temporada konsekutivo e posishon di segunda base lo bai pa Rougned Odor i esaki ta pone ku Texas ya no tin mester di Profar i ta pensa pa kambi’e.

• Wladimir Balentien a kuminsá entrená ayera na e fasilidatnan di ehersisio di Tokyo Yakult Swallows. Tin e posibilidat ku pa otro siman Wladimir lo kuminsá hunga den algun partido. Ainda Wladimir no por kore duru i tabata tin algun seshon di fildeo suave. Na Hapon tambe nan ta den Spring Training meskos ku den Liga Grandi.

Resultadonan di Spring Training ayera:

• Baltimore Orioles a pèrdè di Detroit Tigers ku skor di 15-2
  Jonathan Schoop no a konektá hit den tres turno na bate den e partido aki

• New York Yankees a empatá ku Philadelphia Phillies ku skor di 5 kareda
  Didi Gregorius no a hunga den e partido aki

• Pittsburgh Pirates a derota Toronto Blue Jays ku skor di 8-7

• Cleveland Indians a pèrdè di Cincinnati Reds ku skor di 10-0

• San Francisco Giants a pèrdè di Oakland Athletics ku skor di 9-4

Partidonan di Spring Training pa awe:

• Detroit Tigers kontra Baltimore Orioles

• New York Mets kontra Atlanta Braves

• Philadelphia Phillies kontra New York Yankees

• Toronto Blue Jays kontra Pittsburgh Pirates

• Chicago White Sox kontra Los Angeles Dodgers

• Cincinnati Reds kontra Cleveland Indians

• Kansas City Royals kontra Texas Rangers

• Oakland Athletics kontra San Francisco Giants

• San Diego Padres kontra Seattle Mariners

• Arizona Diamondbacks kontra Colorado Rockies

Partidonan di Spring Training pa awe:

• Baltimore Orioles kontra Detroit Tigers
• New York Yankees kontra Philadelphia Phillies
• Pittsburgh Pirates kontra Toronto Blue Jays
• Cleveland Indians kontra Cincinnati Reds
• San Francisco Giants kontra Oakland Athletics

Breve:

• Segun informashonnan, Andrelton Simmons ta kompletamente rekuperá di e leshon ku e tabata tin na su apdómen. Apesar di esaki e ekipo di Atlanta Braves ta bai ta kouteloso ku e pelotero i probablemente Simmons lo no hunga te ku otro siman.

• Wladimir ‘Coco’ Balentien a yega ayera Hapon huntu ku su kasa i su yu muhé. Segun Wladimir, e ta bai konsentrá awor aki 100 porshento riba rekuperashon en bes di wòrdu usa komo pinch hitter den e partidonan di entrenamentu. Segun e dòkter di Wladimir e pelotero lo ta kla pa hunga atrobe den luna di aprel of mei. Sin embargo Wladimir mes no ta kere ku lo dura asina tantu pa e regresá.

• Alex Rodriguez no a biaha ku e ekipo di New York Yankees ku lo hunga awe kontra Philadelphia Phillies. E pelotero a keda Tampa despues ku e dirigente Joe Girardi no a selekshon’e pa e promé partido di Spring Training. Girardi lo hasi uso di Rodriguez den e partido di djárason.

• E ekipo di Washington Nationals a anunsiá ku nan a yega na un akuerdo di Liga Menor ku invitashon pa Spring Training ku Tony Gwynn Jr. Gwynn Jr. temporada pasa tabata ku e ekipo di Philadelphia Phillies kaminda e la logra un promedio di .152 den 80 partido.

• Jon Lester lo picha e promé partido di temporada regular pa Chicago Cubs dia 5 di aprel próksimo kontra St. Louis Cardinals segun e manager di e ekipo, Joe Maddon. Lester a kaba di firma un akuerdo di seis aña pa 155 mion dòler ku e ekipo di Cubs na desèmber ultimo. Temporada pasa e picher a pasa ku e ekiponan di Boston Red Sox i Oakland Athletics i a logra un rèkert di 16-11 den 32 partido ku un efektividat di 2.46.

• Manera ta konosí tin sigur un ekipo di e Liga di Beisbòl Profeshonal Mehikano ku ta interesá den Andruw Jones. Segun informashonnan, e ekipo di Leones de Yucatán na Mehiko ta interesá den e servisionan di e pelotero yu di Kòrsou. Den e reunionnan di presidentenan di ekiponan di e Liga di Beisbòl Mehikano, e presidente di e ekipo Erick Arellano Hernández a pidi derechi pa negosiá ku Andruw Jones. Andruw den pasado a bisa ku e ta interesá di regresá Liga Grandi pues no ta konosí ainda si e ta interesá den Beisbòl Profeshonal Mehikano. E pelotero mester biaha e siman aki pa Hapon kaminda lo e uni huntu ku e selekshon di Tur-Strea oropeo ku lo hunga dos partido di ekshibishon kontra e selekshon di Hapon.

• E ekipo di Texas Rangers a anunsiá ku nan a yega na un akuerdo di un aña ku 16 pelotero . Entre e 16 nan ta figura Jurickson Profar ku lo pasa e temporada 2015 riba lista di hungadó inkapasitá. Jurickson a keda opera siman pasa na su skouder pa drecha un sker ku e pelotero tabata tin den su múskulonan di skouder.

• E ekipo di Atlanta Braves a duna di konosé ku outfielder, Melvin Upton Jr. (mihó konosí komo B.J. Upton) lo pèrdè Spring Training i posiblemente e komienso di temporada regular. Esaki pa motibu di un leshon na pia di e pelotero. Upton siman pasa a anunsiá ku e no ke wòrdu yama mas na su beinam B.J. pero ke pa yam’e na su nòmber mes ku ta Melvin.

• Riba e promé dia ku e ekipo kompletu di Atlanta Braves a kuminsá ku nan praktikanan, Andrelton Simmons a aserka e manager di e ekipo Fredi Gonzalez pa informá ku e ta sintiendo un tiki doló den su muskulonan di barika. Segun Simmons, e la kuminsá sinti e doló for di dos siman pasa durante un praktiká di bateo. Despues e doló a bin bek algun dia pasa ora Andrelton a bai kontinuá ku su preparashonnan di pre-temporada. E ekipo di Atlanta mes ora a prohibí Andrelton di bati, kore i tira. E úniko kos ku e ekipo a laga Andrelton hasi tabata fildia. Segun Andrelton, e ta spera ku pa otro siman e ta haña lus bèrdè pa praktiká ku e ekipo sin restrikshon.
• E ekipo di Milwaukee Brewers a yega na un akuerdo di dos aña pa 13 mion dòler ku e relevista Francisco Rodriguez. E ekipo di Miami Marlins tambe tabata interesá den e pelotero, pero e ekipo a ofresé e picher 10 mion dòler pa dos aña. Rodriguez temporada pasa ku e ekipo di Milwaukee Brewers a salba 44 partido ku un efektividat di 3.04 den 69 partido.
• Toronto Blue Jays a yega na un akuerdo di Liga Menor ku invitashon pa Spring Training ku picher Johan Santana. Temporada pasa e pelotero di 35 aña e purba di hasi un comeback den Liga Grandi ku Baltimore Orioles pero no a logra esaki despues di a leshoná i mester a pèrdè e restu di e temporada. Santana a picha den algun partido di e Liga Invernal di Beisbòl na Venezuela. New York Yankees i San Diego Padres tambe tabata tin bista riba Santana.

• Banda di e ekiponan di Liga Grandi ku a mustra interes den Andruw Jones awor tin sigur un ekipo pafó di Merka ku tambe ta interesá den e pelotero. Segun informashonnan, tin un ekipo di e Liga di Beisbòl Profeshonal Mehikano ku a pidi permit pa negosiá ku e pelotero. Andruw lo biaha otro siman pa Hapon kaminda lo e uni huntu ku e selekshon di Tur-Strea oropeo pa hunga dos partido di ekshibishon kontra e selekshon di Hapon.

• E pelotero di Los Angeles Angels, Josh Hamilton tabata tin un reunion ku ofisialnan di Major League Baseball riba un asuntu disiplinario. Gerente General di e ekipo Jerry Dipoto a konfirmá ku Hamilton ta na New York pero no kier a duna informashon riba e motibu. Segun informashonnan, Hamilton ku na aña 2004 te ku 2006 a keda suspendé for di beisbòl pa abusu di kokaina i alcohol a haña un rekaida. Aparentemente Hamilton a konfesá di tabata envolví den uso eksesivo di kokaina algun luna pasa. E ekipo debe Hamilton 23 mion dòler e temporada aki i un otro 60 mion pa temporada 2016 i 2017. Sin embargo, e pelotero no ta keda paga pa tempu pèrdí pa motibu di suspenshon.

• E ekipo di Baltimore Orioles a anunsiá ku nan a yega na un akuerdo di un aña pa 2,4 mion dòler ku infielder Everth Cabrera. Parti di e dil ta inkluí un opshon di Liga Menor pa e pelotero, segun e ekipo Cabrera lo haña tur oportunidat pa keda ariba ku e ekipo despues di Spring Training. Temporada pasa ku San Diego Padres e pelotero tabata tin un promedio di .232 ku 3 honron i 20 kareda empuha.

• Prospekto kubano, Yoan Moncada a yega ayera na e kampamentu di entrenamentu di Boston Red Sox. Akinan e pelotero lo tin ku hasi e promé parti di su eksámen fisko. Mas den fin di siman e pelotero lo biaha pa Boston kaminda lo e kompletá e eksámen físiko i su kontrakt ku e ekipo.

• Mariano Rivera ta bek ku e ekipo di New York Yankees durante di e pre-temporada pero a biaha aki komo instruktor di picheo. Mariano tin plania pa keda e próksimo 10 dianan na e kampamentu di entrenamentu di Yankees.

• E selekshon oropeo ku lo hunga dos partido di ekshibishon kontra e selekshon di Hapon dia 10 i 11 di mart próksimo lo biaha dia 3 di mart próksimo pa Hapon i lo ta na Hapon dia 4 di mart. Tur e peloteronan lo biaha huntu, ku eksepshon di peloteronan ku ta biaha for di Merka, Repúblika Dominikana i Venezuela. Promé ku e dos partidonan kontra e selekshon hapones, e ekipo di Tur-Strea Oropeo lo hunga un wega di praktika dia 8 di mart kontra e ekipo di Liga Menor di Yomiuri Giants. E selekshon di Tur-Strea oropeo ta konta ku seis pelotero di Kòrsou kual ta: Andruw Jones, Yurendell de Caster, Curt Smith, Dashenko Ricardo, Shairon Martis i Diegomar Markwell.

• Wladimir Balentien lo no forma parti di e selekshon di Tur-Strea oropeo pa motibu ku e no ta kompletamente rekuperá ainda di e operashon ku e la hasi aña pasa na su pia. Sin embargo, Wladimir ta plania pa yega Hapon di 2 di mart próksimo. Ta spera ku e pelotero lo keda añadí riba e roster aktivo di Tokyo Yakult Swallows den komienso di aprel.

• Detroit Tigers a yega na un akuerdo di un aña ku picher Joba Chamberlain. Chamberlain lo risibí un salario di 1 mion dòler mas 500 mil dòler di insentivo basa riba e kantidat di aparishon ku e pelotero hasi. E ekipo di Los Angeles Dodgers tambe tabata tras di e pelotero aki despues ku a bira konosí ku Kenley Jansen lo pèrdè entre ocho pa 12 siman. Temporada pasa ku e ekipo di Detroit Tigers, Chamberlain a drenta den 69 partido i tabata tin un efektividat di 3.57 ku dos partido salba.

• E picher as di St. Louis Cardinals, Adam Wainwright mester a bandoná e kampamentu di entrenamentu di Cardinals na Florida. Wainwright lo biaha bek pa St. Louis unda dòkternan di e ekipo lo chek e picher despues ku e la sinti doló den su apdómen. Segun e picher e ta sinti mas mihó kada dia pasa pero ke chek ku un spesialista pa hasi mas klaridat riba e asuntu.

• Chicago Cubs a anunsiá ku nan a kontratá Manny Ramirez komo konsehero di bateo pa e ekipo. Den 2014, Ramirez tabata entrenadó i pelotero pa e organisashon di Chicago Cubs den tripel A. Segun e ekipo Ramirez lo bai traha ku e peloteronan di Liga Menor i Liga Grandi riba e fundamentonan di bateo i aspektonan mental. Tambe e ekipo a añadí Kevin Youkilis komo konsehero part-time di scouting i desaroyo di peloteronan.

•  MLB.com a hinka un lista den otro di loke nan ta kere ta e 10 ekiponan ku mihó ‘farm-system’ aktualmente den Liga Grandi. Segun MLB. com Minnesota Twins tin e miho ‘farm-system’ aktualmente.

1.  Minnesota Twins
2.  Chicago Cubs
3.  Pittsburgh Pirates
4.  Los Angeles Dodgers
5.  Colorado Rockies
6.  Texas Rangers
7.  Houston Astros
8.  Toronto Blue Jays
9.  New York Mets
10. Washington Nationals

• E ekipo di Texas Rangers a anunsiá ku Jurickson Profar a keda opera ayera na su skouder drechi na Trinity Surgery Center na Arlington, Texas. Durante di e operashon, dòkter di e ekipo Dr. Keith Meister a drecha un sker ku e pelotero tabata den su múskulonan di skouder. Segun e dòkter e operashon a bai a bai bon i no tabata tin nada adishonal ku mester a keda opera den e skouder di Jurickson. E ekipo a duna di konosé ku Jurickson lo kuminsá un programa di rehabilitashon den e próksimo dianan pero lo no hunga beisbòl durante e temporada 2015.

• Tambe Texas Rangers a anunsiá ku nan lo keda ku e pelotero Adian Beltre pa e temporada 2016 tambe. Segun e ekipo, Beltre lo risibí un salario di 16 mion dòler den 2015 i 18 mion dòler durante e temporada di 2016. Beltre temporada pasa tabata tin un promedio di .324 ku 19 honron i 77 kareda empuha den 148 partido temporada pasa.

• E èks-pelotero di San Diego Padres den Liga Menor, Rodney Daal a yega na un akuerdo ku e ekipo di Evansville Otters den e liga di beisbòl profeshonal independiente. Aktualmente Daal tin un suspenshon di 100 partido pa uso di supstansiá prohibí. E suspenshon ta drenta na vigor na momentu ku e pelotero firma ku un organisashon di Liga Grandi. Temporada pasa Daal a hunga solamente 12 partido, esaki pa motibu di leshon i tambe un suspenshon di 50 partido. Den e 12 partidonan aki e pelotero a logra un promedio di .214 ku 2 honron i 6 kareda empuha.

• E ekipo di Boston Red Sox a yega na un akuerdo ku e kubano Yoan Moncada. Segun informashonnan, Moncada lo risibí un bono pa firma di 31,5 mion dòler. Moncada ku ta un infielder, switch-hitter di 19 anja ta un dje prospektonan internashonal mas buska den historia resien. Ekspertonan ta bisa ku e pelotero ta un ‘5-tool player’ i skoutnan ta kere ku e lo por desaroyá den un pelotero similar na Robinson Cano. Distinto na e otro peloteronan kubano ku a keda firma anteriormente nan ta kere ku Moncada tin ku hunga sigur un pa dos temporada den Liga Menor promé. E ekipo di New York Yankees ku tambe tabata tras di e pelotero a ofresé un bono di 25 mion dòler ku e posibilidat di subi te ku 27 mion dòler. Los Angeles Dodgers tambe tabata tras di e pelotero i tabata dispuesto na paga te ku 35 mion dòler, pero e ekipo tabata ke pa Moncada warda te 2 di yüli próksimo pa firma.

• E manager di Atlanta Braves ya a anunsiá ken lo ta e picher ku lo habri e promé wega di temporada regular pa e ekipo. Segun Fredi Gonzalez, si tur kos bai bon , Julio Teheran lo habri e promé wega di temporada pa e ekipo. Temporada pasa Teheran tabata tin un rèkert di 14-13 ku un efektividat di 2.89 den 33 salida.

• E ekipo di Los Angeles Dodgers a yega na un akuerdo di un aña ku picher Brandon Beachy. Beachy tabata den e ekipo di Atlanta Braves promé ku nan a lag’e liber. E pelotero a pèrdè e ultimo dos temporadanan pa motibu di dos operashon Tommy John. E temporada aki tambe e pelotero lo kuminsá riba lista di hungadó inkapasitá miéntras e ta rekuperá di e operashon.

• Segun informashonnan, tur kos ta bayendo bon te ainda ku Masahiro Tanaka. Ayera e picher a picha 34 bala den su di dos seshon di bullpen den e pre-temporada. Segun e picher, tur kos ta bon te ainda. Lo ke tabata mas importante pa Tanaka tabata ku e abilidat pa picha un tiki mas duru ku e biaha anterior.

• Segun picher di New York Yankees, CC Sabathia e ta sinti su mes muchu mas mihó awor ku e la oumentá di peso. Sabathia a yega spring training pisando 305 liber. Segun e picher e ta sinti’e un tiki mas fuerte awor, e ta sinti su pianan mas sólido i por pusha ku mas forsa for di montikulo. Sabathia ke mantené su mes entre 295 pa 305 liber durante di e temporada. Mas aleu e picher a bisa ku e dòkternan di e ekipo i e trainernan ta di akuerdo ku e peso aki.