Category: Beisbòl

Breve:

• E ekipo di Beisbòl Profeshonal na Nicaragua, Gigantes de Rivas a añadí e pelotero yu di Kòrsou Yurendell de Caster na nan roster. Yurendell no ta un deskonosí den beisbòl na Nicaragua. Durante e temporada 2012-2013 ku e ekipo di Tigres de Chinandega, Yurendell a logra gana e premio di tripel korona ku un promedio di .416, 13 honron i 56 kareda empuha .

• E pelotero, Giancarlo Stanton a yega na un akuerdo ku e ekipo di Miami Marlins. Ta trata aki di un dil di 13 ana pa 325 mion dòler. Stanton di 25 aña di edat, a gana e premio di Silver Slugger, tambe e premio Hank Aaron i a sali dos den votashon pa premio di Hungadó-Mas-Balioso den Liga Nashonal.

• E ekipo di Atlanta Braves huntu ku St. Louis Cardinals a anunsiá ku nan a hasi un kambio ku kuater pelotero involukrá. E ekipo di Atlanta a manda Jason Heyward i Jordan Walden pa St. Louis Cardinals, miéntras ku e ekipo di Atlanta a risibí pichernan, Shelby Miller i Tyrell Jenkins.

Japan All Star Series

• Ayera:MLB All Stars a derota Hapon ku skor di 6-1
  Esaki tabata e promé viktoria den e seri pa e selekshon di Liga Grandi

Kampionato Mundial di Beisbòl U21 na Taiwan

• Djasabra, 15 di November 2014:Italia a derota Hulanda ku skor di 4-3
  Di e manera aki e selekshon Hulandes ta finalisá e torneo na di 9 lugá. E ekipo di kas, Chinese Taipei a sali kampion despues di a derota Hapon ku skor di 9-0. Sur Korea a bai ku medaya di bròns derotando Nicaragua ku skor di 10-4

Kampionato Mundial di Beisbòl U21 na Taiwan

• Hulanda a derota Nueva Zelandia ku skor di 9-5
  Cezan Rafeala a konektá 2 hit den 3 turno na bate ku 1 kareda anotá i 2 kareda empuha

Breve:

• Di e kuater ekiponan ku a kòmbersá ku agentenan di Pablo Sandoval e siman aki tur kos ta indiká ku ta sea Boston Red Sox of San Francisco Giants lo bai risibí servisionan di e pelotero. Segun informashonnan e pelotero ta inklinando mas na e banda di San Francisco aktualmente. Esaki a pone ku mes ora Boston Red Sox a manda David ‘Big Papi’ Ortiz bai papia ku Sandoval pa trata di kite for di San Francisco. Boston ta tratando pa haña Pablo bin bishitá Boston otro siman.

• Segun informashonnan, e ekipo di Miami Marlins ta den kòmbersashon ku Giancarlo Stanton pa un posibel ekstenshon di kontrakt. Stanton di 25 aña di edat ta bou di kontrol di Marlins te ku aña 2016. Pero aparentemente Miami Marlins ke keda ku e pelotero sigur un otro 10 pa 12 aña pa un salario di mas ku 300 mion dòler.

Hungadó Mas Balioso

• Liga Merikano

  Ganado: Mike Trout di Los Angeles Angels

  Promé finalista: Victor Martinez di Detroit Tigers

• Liga Nashonal

  Ganado: Clayton Kershaw Los Angeles Dodgers

  Promé finalista: Giancarlo Stanton di Miami Marlins

Japan All Star Series

• Ayera: 

  MLB All Stars a pèrdè di e selekshon di Hapon ku skor di 2-0

• Awe:

  Selekshon di Hapon kontra MLB All Stars

Kampionato Mundial di Beisbòl U21 na Taiwan

• Hulanda a derota Mexico ku skor di 7-2
  Cezan Rafaela a konektá un doblete den 4 turno na bate ku 3 kareda empuhe. Kirvin Moesquit a bai di 5-2 ku 2 kareda anotá i un base roba. Kevin Moesquit a konektá un doblete den 5 turno na bate ku 2 kareda empuha.

Breve:

• E ekipo di Los Angeles Dodgers a anunsiá ku nan a firma e pelotero yu di Kòrsou, Jerson Dometilia. E pelotero di 16 aña a keda kategorisá pa e ekipo komo un kècher i/of infielder.

• E ekipo di Detroit Tigers a yega na un akuerdo ku Victor Martinez. E batido designa a bai di akuerdo ku un kontrakt di kuater aña pa 68 mion dòler. Martinez ku ta un finalista pa e premio di Hungadó Mas Balioso a bati pa un promedio di .335 ku 32 honron i 103 kareda empuha durante e temporada tras di lomba.

Premio Cy Young (Miho Picher)

• Liga Merikano 

  Corey Kluber di Cleveland Indians

• Liga Nashonal 

  Clayton Kershaw di Los Angeles Dodgers

Japan All Star Series

• Ayera:

  MLB All Stars ta derota selekshon di Hanshin Tigers i Yomiuri Giants ku skor di 8-7

• Awe:

  MLB All Stars kontra selekshon di Hapon

Kampionato Mundial di Beisbòl U21 na Taiwan

• Awe no tin partido. Hulanda ta hunga mañan kontra Mexico

Breve:

• E kanal di televishon deportivo ESPN a skohe Andrelton Simmons komo e mihó hungadó defensivo di temporada 2014. Na 2013 tambe ESPN a skohe Simmons kome e mihó hungadó defensivo den Liga Grandi. Andrelton a risibí 35 punto despues di e votashon, miéntras ku su kompañero di ekipo Jason Heyward a finalisá na di dos lugá ku 29 punto. Banda di e rekonosementu aki, Andrelton a keda premia tambe ku su di dos Wante di Oro i tambe Fielding Bible Award.

• Un di e ekiponan ku a mustra interes den hasi un kambio ku Arizona Diamondbacks pa Mariekson ‘Didi’ Gregorius un biaha mas ta New York Mets. Pero segun informashonnan, Arizona ta poniendo un preis altu pa Didi. Segun e gerente general di Diamondbacks Dave Stewart, e ekipo no tin pensa di laga e pelotero bai pa dòria dos plaka. E ekipo ta interesá den primordialmente pichernan hoben prospekto Iino e veteranonan ku Mets ta ofresiendo.

• Segun informashonnan, Boston Red Sox ta tur tur tras di Pablo Sandoval. E ekipo tabata tin un sita ku agente di e pelotero e siman aki i segun e gerente general di e ekipo kòmbersashonnan a kana den un bon direkshon. Apesar di esaki e gerente general no ta spera ku nada lo pasa e siman aki. Mas aleu, e ekipo ta kere ku lo dura un tempu promé ku nan yega na un akuerdo. E ekipo ta spera di sigui kòmbersá ku e agentenan di e pelotero den simannan ku ta bin.

Premio Manager di Aña

• Liga Merikano

  Buck Showwalter di Baltimore Orioles

• Liga Nashonal

  Matt Williams di Washington Nationals

• Awe na Hapon tin e promé partido entre MLB All Stars i e selekshon di Hapon

• Kampionato Mundial di Beisbòl U21 na Chinese Taipei (Taiwan)

Djamars, November 11, 2014

 Hulanda ta pèrdè di Venezuela ku skor di 6-3

Ku e derota aki e selekshon Hulandes ta pasa pa e buèlta di pèrdèdó kaminda nan lo hunga pa un puesto entre di 7 te ku di 11 lugá

• Segun informashonnan, Mariekson ‘Didi’ Gregorius di Arizona Diamondbacks ta e pelotero mas popular aktualmente pa loke ta trata un posibel kambio. Den pasado ya diferente ekipo a mustra interes den un posibel kambio pa Didi pero nunka esaki no a kristalisá. Awor aki na e reunionnan di e diferente Gerente Generalnan hopi ekipo ta mustrando interes den un posibel kambio pa Gregorius.

• Segun Gerente General di Texas Rangers, Jon Daniels ta bai bira difísil pa e ekipo hasi un kambio di un shortstop of un segunda base pa motibu di e leshon di Jurickson Profar. E gerente general ta atmití ku e ekipo tin demasiado hungadó di kuadro, pero nan no por hasi masha kos te ora nan ta sigur di Jurickson su salu.

• Premio Nobato di Aña

Liga Nashonal

Jacob deGrom di New York Mets

Liga Merikano

Jose Abreu di Chicago White Sox

Kampionato Mundial di Beisbòl U21 na Chinese Taipei (Taiwan)

• Djasabra, November 08, 2014
  Hulanda a pèrdè di Australia ku skor di 10-1

• Djadumingu, November 09, 2014
  Hapon a derota Hulanda ku skor di 7-2

• Djaluna, November 10, 2014
  Nicaragua a gana Hulanda ku skor di 6-4
  Dudley Leonora a bai di 5-2 ku 1 kareda anotá i otro empuha
  Cezan Rafaela a bai di 4-2

Breve:

• Pablo Sandoval lo kòmbersá ku kuater ekipo di Liga Grandi e siman aki. E tersera base tin un sita ku San Francisco Giants, Toronto Blue Jays, Chicago White Sox i Boston Red Sox. For di siman pasa, Sandoval a rechasá e oferta di un aña pa 15,3 mion dòler di San Francisco Giants. Segun informashonnan, Sandoval ta interesá den un kontrakt di 6 aña pa MAS di 100 mion dòler.

• Segun informashonnan, e ekipo di Los Angeles Dodgers ta purbando na sali for di tres di su outfieldernan. Esakinan ta Matt Kemp, Carl Crawford i Andre Either. Aparentemente e ekipo ke purba kòrta un tiki den su payroll, ku ultimo añanan tabata esun mas altu den Liga Grandi.

• Despues ku e mihó hungadónan defensivo a keda premia, ayera a toka turno pa premia e mihó hungadónan ofensivo. Esakinan a keda honra ku e premio di ‘Silver Slugger’.

Liga Merikano

Posishon	Ganado	Ekipo
1B	Jose Abreu	Chicago White Sox	.317, 36 HR, 107 RBI
2B	Jose Altuve	Houston Astros	.341, 7 HR, 59 RBI, 56 SB
3B	Adrian Beltre	Texas Rangers	.324, 19 HR, 77 RBI
SS	Alexei Ramirez	Chicago White Sox	.273, 15 HR, 74 RBI, 21 SB
OF	Jose Bautista	Toronto Blue Jays	.286, 35 HR, 103 RBI, 104 BB
OF	Michael Brantley	Cleveland Indians	.327, 20 HR, 97 RBI, 23 SB
OF	Mike Trout	L.A. Angels	.287, 36 HR, 111 RBI, 83 BB
C	Yan Gomes	Cleveland Indians	.278, 21 HR, 74 RBI
DH	Victor Martinez	Detroit Tigers	.335, 32, HR, 103 RBI, 70 BB

 

Liga Nashonal

Posishon	Ganado	Ekipo
1B	Adrian Gonzalez	L.A. Dodgers	.276, 27 HR, 116 RBI
2B	Neil Walker	Pittsburgh Pirates	.271, 23 HR, 76 RBI
3B	Anthony Rendon	Washington Nationals	.287, 21 HR, 83 RBI
SS	Ian Desmond	Washington Nationals	.255, 24 HR, 91 RBI, 24 SB
OF	Andrew McCutchen	Pittsburgh Pirates	.314, 25 HR, 83 RBI, 84 BB
OF	Giancarlo Stanton	Miami Marlins	.288, 37 HR, 105 RBI, 94 BB
OF	Justin Upton	Atlanta Braves	.270, 29 HR, 102 RBI
C	Buster Posey	San Francisco Giants	.311, 22 HR, 89 RBI
P	Madison Bumgarner	San Francisco Giants	.258, 4 HR, 15 RBI, .286 OBP

• Segun korant The Miami Herald, Alex Rodriguez a konfesá na e Agensia Anti-Droga Merikano (DEA) ku e la usa supstansia pa mehorá su prestashon. Segun e korant, Rodriguez a bisa ku e la paga e doño di Biogenesis, Anthony Bosch pa krema di testosterona, bals ku testosterona i inyekshon ku hormona di kresementu humano (HGH).

• Pablo Sandoval di San Francisco Giants a rechasá e oferta di e ekipo di 1 aña pa $15,3 mion dòler. Segun Sandoval, e ta interesá den un kontrakt di durashon mas largu.