Category: Beisbòl

Posted on

Andrelton Simmons ku otro premio mas

MERKA – Despues di a risibí Wante di Oro i ‘Fielding Bible Award’, Andrelton Simmons ta siguí haña premio pa su prestashon defensivo durante di e temporada 2014. Ayera e kompania di material deportivo Wilson a anunsiá ku nan a skohe Andrelton Simmons komo e mihó shortstop defensivo pa e aña 2014. Ku esaki Andrelton awor ta añadí e premio di ‘Wilson Defensive Player of The Year Award” na su premionan di pa temporada 2014. Similar na e Wante di Oro i e ‘Fielding Bible Award’, esaki ta bira e di dos aña konsekutivo ku Andrelton ta gana e premio di Hungadó Defensivo di Ana Wilson.

Ainda Andrelton ta pendiente pa e premio di Wante di Platina. Esaki lo keda anunsiá, djabièrnè, 7 di novèmber durante di e ‘Gold Glove Award Ceremony’ na Plaza Hotel New York.

E peloteronan ku a risibí e 2014 Wilson Defensive Player of The Year Award ta:

(P) Johnny Cueto – Cincinnati Reds

(C) Russell Martin – Pittsburgh Pirates

(1B) Adrian Gonzalez – Los Angeles Dodgers

(2B) Ian Kinsler – Detroit Tigers

(3B) Juan Uribe – Los Angeles Dodgers

(SS) Andrelton Simmons – Atlanta Braves

(LF) Alex Gordon – Kansas City Royals

(CF) Lorenzo Cain – Kansas City Royals

(RF) Jason Heyward – Atlanta Braves

Posted on

Breve Deporte Awe #184

Breve:

  • Ku Seri Mundial tras di lomba ta yega e momentu pa otorgá premionan individual na e diferente peloteronan. Ayera a anunsia a ganadonan di Wante di Oro i otro siman tin un kantidat di premio ku lo keda otorga. Sigiuentemente e ganadonan di Wante di Oro i tambe e fecha i e diferente finalistanan pa e otro premionan ku lo keda otorgá otro siman.

Ganadónan di premio Wante di Oro:

Posishon Liga Merikano Liga Nashonal
Picher Dallas Keuchel, Houston Astros Zack Greinke, Los Angles Dodgers
Kecher Salvador Perez, Kansas City Royals Yadier Molina, St. Louis Cardinals
Primera Base Eric Hosmer, Kansas City Royals Adrian Gonzalez, Los Angeles Dodgers
Segunda Base Dustin Pedroia, Boston Red Sox DJ LeMahieu, Colorado Rockies
Shortstop J.J. Hardy, Baltimore Orioles Andrelton Simmons, Atlanta Braves
Tersera Base Kyle Seager, Seattle Mariners Nolan Arenado, Colorado Rockies
Left Field Alex Gordon, Kansas City Royals Christian Yelich, Miami Marlins
Center Field Adam Jones, Baltimore Orioles Juan Lagares, New York Mets
Right Field Nick Markakis, Baltimore Orioles Jason Heyward, Atlanta Braves

 

Nobato di Ana:

10 di November 2014

Liga Nashonal

Jacob deGrom, New York Mets

Billy Hamilton, Cincinnati Reds

Kolten Wong, St. Louis Cardinals

 

Liga Merikano

Jose Abreu, Chicago White Sox

Dellin Betances, New York Yankees

Matt Shoemaker, Los Angeles Angels

 

Manager di Ana:

11 di November 2014

Liga Nashonal

Bruce Bochy, San Francisco Giants

Clint Hurdle, Pittsburgh Pirates

Matt Williams, Washington Nationals

 

Liga Merikano

Mike Scioscia, Los Angeles Angels

Buck Showalter, Baltimore Orioles

Ned Yost, Kansas City Royals

 

Cy Young Award (mihó picher):

12 di November 2014

Liga Nashonal

Johnny Cueto, Cincinnati Reds

Clayton Kershaw, Los Angeles Dodgers

Adam Wainwright, St. Louis Cardinals

 

Liga Merikano

Felix Hernandez, Seattle Mariners

Corey Kluber, Cleveland Indians

Chris Sale, Chicago White Sox

 

Hungadó Mas Balioso:

13 di November 2014

Liga Nashonal

Clayton Kershaw, Los Angeles Dodgers

Andrew McCuthchen, Pittsburgh Pirates

Giancarlo Stanton, Miami Marlins

 

Liga Merikano

Michael Brantley, Cleveland Indians

Victor Martinez, Detroit Tigers

Mike Trout, Los Angeles Angels

Posted on

Andrelton Simmons ta gana su di dos Wante di Oro

MERKA – Pa di dos aña konsekutivo Andrelton Simmons ta gana e Wante di Oro den Liga Nashonal. Simmons di e manera aki ta bira e promé pelotero di Atlanta Braves ku ta gana Wante di Oro konsekutivamente despues ku Andruw Jones a gana su di 10 konsekutivo na aña 2007. Simmons di 25 aña di edat ta wòrdu konsiderá un di mihó shortstopnan defensivo aktualmente.

Ku e premio di Wante di Oro, Andrelton ta keda nominá tambe pa e premio di Wante di Platina. E premio aki tambe e pelotero a gana temporada pasa. Kontrali na e premio di Wante di Oro ku a keda selekshoná pa koach i managernan den Liga Grandi, fanátikonan por vota pa e premio di Wante di Platina na www.platinumglove.rawlings.com. E votashon pa e Wante di Platina ta sera awe nochi, 9’or ora lokal di Kòrsou. Riba djabièrnè, 7 di novèmber lo partisipá e ganadónan di e Wante di Platina.

E Wante di Oro ta e di dos premio ku Andrelton ta gana pa su prestashon defensivo e temporada aki. Siman pasa Simmons a keda honra ku e ‘Fielding Bible Award’.

Posted on

Breve Deporte Awe #183

Breve:

  • 12 pelotero agente liber a risibí di nan respektivo ekipo un ‘Qualifying Offer’ ku ta bon pa un aña na $15,3 mion dòler. E 12 peloteronan ku a risibí e oferta aki ta:

Max Scherzer (Detroit Tigers)

Victor Martinez (Detroit Tigers)

David Robertson (New York Yankees)

Melky Cabrera (Toronto Blue Jays)

James Shields (Kansas City Royals)

Hanley Ramirez (Los Angeles Dodgers)

Pablo Sandoval (San Francisco Giants)

Nelson Cruz (Baltimore Orioles)

Russell Martin (Pittsburgh Pirates)

Francisco Liriano (Pittsburgh Pirates)

Michael Cuddyer (Colorado Rockies)

Ervin Santana (Atlanta Braves)

E peloteronan aki tin un siman pa disidí si nan ta aseptá e oferta di un aña pa $15,3 mion dòler of si nan ta bai buska un mihó dil riba merkado liber

 

  • Picher di Philadelphia Phillies, A.J. Burnett a rechasá su opshon ku e tabata tin ku e ekipo pa temporada 2015 na un balor di $12,75 mion dòler. Ku esaki Burnett ta bira agente liber awor. E picher di 37 aña, tabata tin un rèkert di 8-18 ku un efektividat di 4.59 den 2014

 

  • Picher di Los Angeles Dodgers, Brian Wilson ta hasi uso di su opshon pa keda ku e ekipo den 2015 pa $10 mion dòler. Segun informashonnan esaki ta pone ku e ekipo di Los Angeles Dodgers tin $189,5 mion dòler komprometé na 15 pelotero pa temporada 2015
Posted on

Jurickson Profar por kuminsá hunga beisbòl na yanüari

TEXAS – Segun Gerente General di Texas Rangers, Jon Daniels e ultimo MRI hasi riba skouder di Jurickson Profar a bin 95% limpi. Profar lo tin un otro MRI aki tres siman. Daniels, ta spera ku Jurickson por kuminsá hunga beisbòl atrobe yanüari próksimo.

For di komienso di temporada 2014 Jurickson tabata lucha ku un leshon na su skouder ku a pone pèrdè e temporada kompletu. Un luna pasa e leshon a bolbe manifestá poniendo ku Texas a prohibí e pelotero di praktiká beisbòl durante di e próksimo dos pa tres lunanan.

Posted on

Andrelton Simmons ta gana Fielding Bible Award

MERKA – Ku Seri Mundial tras di lomba, ta kuminsá e temporada ku ta duna rekonosementu na e diferente peloteronan pa nan prestashon durante di e temporada di beisbòl tras di lomba. Un di e promé rekonosementunan ku ta keda otorgá na e peloteronan ta e ‘Fielding Bible Award’. Esaki ta un premio similar na e tradishonal ‘Rawlings Gold Glove Awards’.

Andrelton Simmons a keda skohe unánimemente pa e panel di 12-persona pa risibí e premio komo mihó shortstop defensivo den beisbòl Liga Grandi den 2014. Esaki ta di dos aña konsekutivo ku Andrelton ta keda skohe unánimemente pa risibí e premio aki.

Segun e panel di ‘Fielding Bible’, “Andrelton tin un alkanse inkreibel riba tereno. Su tempu di reakshon tambe ta inkreibel. Nan ta sigui bisa, e manera ku Andrleton ta usa su mannan ora e tin ku ‘backhand’ e bala of ora e ta transferí e bala di su wante pa su man di tira tambe ta inkreibel. Mas aleu nan ta bisa, ku Andrelton tin e mihó brasa i esun mas presis den beisbòl. Simmons den tres aña a salba 88 kareda ku ta e kantidat mas altu den beisbòl aktualmente (Alex Gordon i Jason Heyward tin 67). Tambe Simmons a bai laga e di dos mihó shortstop den beisbòl kual ta J.J. Hardy ku un gran márgen pa loko ta trata kareda salba. Hardy tin un total di 36 kareda salba kontra 88 di Simmons.”

Adishonalmente, Andrelton ta nominá pa e premio di Wante di Oro tambe. E ganadónan lo keda anunsiá otro siman, djamars 4 di novèmber.

E ganadónan di ‘Fielding Bible Award’ pa aña 2014 ta:

Multiple Posishon – Lorenzo Cain, Kansas City Royals

Primera Base – Adrian Gonzalez, Los Angeles Dodgers

Segunda Base – Dustin Pedroia, Boston Red Sox

Tersera Base – Josh Donaldson, Oakland Athletics

Shortstop – Andrelton Simmons, Atlanta Braves

Left Field – Alex Gordon, Kansas City Royals

Center Field – Juan Lagares, New York Mets

Right Field – Jason Heyward, Atlanta Braves

Kècher – Jonathan Lucroy, Milwaukee Brewers

Picher – Dallas Keuchel, Houston Astros

Posted on

Breve Deporte Awe #182 (Seri Mundial)

Resultadonan di Beisbòl Liga Grandi di ayera:

Seri Mundial

  • San Francisco Giants a derota Kansas City Royals ku skor di 3-2

    Ku e viktoria San Francisco Giants ta titulá kampion di Beisbòl Liga Grandi. San Francisco a anotá dos pa bai ariba 2-0 den kabes di dos entrada. Mesora Kansas a respondé bek i anotá dos pa empatá e partido den bòm di dos entrada. Giants a kue e liderato bek den di kuater entrada. Den di sinku entrada San Francisco a manda nan picher estelar Madison Bumgarner, ku a picha e restu di e partido. Bumgarner a bai sinku entrada kompletu permitiendo dos hit sin kareda. Den e Seri Mundial, Bumgarner tabata tin un rèkert di 2-0 ku un efektividat di 0.43. E prestashon aki a pone ku Bumgarner e keda skohe unánimemente komo Hungado-Mas-Balioso di Seri Mundial. Ku esaki e picher ta bira e di shete pelotero ku ta keda nombra komo Hungado-Mas-Balioso di ambos Seri Mundial i e ‘League Championship Series’.

    E título aki ta bira e di ocho título pa e frankisia di San Francisco Giants, e di tres despues ku e ekipo a muda di New York pa San Francisco na 1958. Ku esaki e ekipo ta bira e di sinku ekipo den historia ku ta gana por lo mínimo ocho Seri Mundial, unifikando nan mes ku New York Yankees (27); St. Louis Cardinals (11); Philadelphia/Oakland Athletics (9) i Boston Red Sox (8).

    San Francisco a bira e promé ekipo ku ta gana tres título (2010, 2012 i 2014) den un periodo di sinku temporada despues ku New York Yankees a gana kuater durante e añanan 1996 pa 2000. Tambe e ekipo ta bira e di seis ekipo di Wild Card ku ta gana Seri Mundial. Unifikando ku Marlins 1997, Angels 2002, Marlins 2003, Red Sox 2004 i Cardinals 2011.

Posted on

Breve Deporte Awe #181 (Seri Mundial)

Resultadonan di Beisbòl Liga Grandi di ayera:

Seri Mundial

  • San Francisco Giants a pèrdè di Kansas City Royals ku skor di 10-0

    Kansas City a habri e markadó den di dos entrada ora ku nan a anotá 7 kareda riba 8 hit. Banda di esaki Kansas a risibí yudansa di nan picher habridó Yordano Ventura ku a picha 7 entrada kompletu sin permití kareda riba solamente 3 hit. Ku e viktoria aki Kansas ta forsa un di shete partido den e Seri Mundial. Esaki ta bira e di 37 biaha ku un seri miho-di-7 den Seri Mundial ta bai e distansia kompletu.

    Kansas City Royals ta bai purba di bira e di 20 ekipo ku ta bin bek bin gana Seri Mundial despues di tabata atras 3-2. E ultimo ekipo ku a hasi esaki tabata St. Louis Cardinals ku a gana di Texas Rangers despues di tabata atras 3-2 na aña 2011.

    Pa Kansas esaki lo bira e di dos okashon ku nan ta hunga den e di shete partido den Seri Mundial. Nan ultimo biaha tabata na 1985 ora ku den e di shete partido Kansas a derota St. Louis Cardinals ku skor di 11-0. E aña aki Kansas tabata atras 3-1 den e seri.

    Di otro banda, San Francisco su prestashon den e di shete partido di Seri Mundial no ta masha alentador. Giants lo partisipá na nan di sinku partido number shete di Seri Mundial. Na tur e kuater okashonnan previo e ekipo di San Francisco a pèrdè e ultimo partido.

    Pa loke ta trata ekipo di kas of bishitante esaki no ta hasi un diferensia estadistikamente. Di e previo 36 okashonnan ku Seri Mundial a bai shete partido e ekipo di kas a gana 18 (50,0%) i e ekipo bishitante tambe a logra gana 18 (50,0%). Awe nochi lo bin un kambio den esaki, sea e ekipo di kas of e bishitante lo bai un wega ariba.

Partidónan di Liga Grandi pa awe:

Seri Mundial

  • San Francisco Giants kontra Kansas City Royals (Di 7 partido di e seri, ku e seri empatá na 3-3)
Posted on

Breve Deporte Awe #180 (Seri Mundial)

Resultadonan di Beisbòl Liga Grandi di ayera:

Seri Mundial

  • Ayera no tabata tin partido den Liga Grandi

Partidónan di Liga Grandi pa awe:

Seri Mundial

  • San Francisco Giants kontra Kansas City Royals (Di 6 partidó, San Francisco ariba 3-2)

    Pa Kansas City Royals ta abou 3-2 den Seri Mundial no ta algu nobo. E ekipo tabata abou 3-2 den tur tres Seri Mundial ku e la partisipá aden. Na 1980, e ekipo a pèrdè den e di seis partido kontra Philadelphia Phillies pa pèrdè e seri 4-2. Na 1985, e ekipo a bin bek di atras pa gana St. Louis Cardinals den shete partido.

    Esaki ta e di tres biaha ku San Francisco Giants ta ariba 3-2 den Seri Mundial. Na ambos, di e previo dos okashonnan (1924 i 2002), Giants a pèrdè e di seis partido i konsekuentemente pèrdè e seri den shete partido. Na 1924 Giants e pèrdè di Washington Senators i na 2002 di Anaheim Angels.

    Tambe esaki ta bira e di 64 biaha ku un seri di Seri Mundial ta para na 3-2. Di e previo 63 biahanan e ekipo ku ta ariba 3-2 a logra titulá kampion na 42 okashon (66,7%). Adishonalmente, e ekipo ku ta ariba 3-2 a logra gana e di seis partido den e seri na 25 okashon (39,7%).

    Di e 38 biahanan ku un ekipo ku ta ariba 3-2 a pèrdè e di seis partido, nan a logra gana e seri na solamente 17 okashon (44,7%).

Breve:

  • E asosiashon di Beisbòl Hulandes a anunsiá e selekshon definitivo ku lo partisipá na e Kampionato Mundial di Beisbòl U21 dia 7 pa 16 di novèmber próksimo na China Taipei (Taiwan). E selekshon ta konta di e siguiente peloteronan:

    Pitchernan
    Vincent Anthonia (Jackson State University)
    Tom de Blok (Mr.Cocker HCAW)
    Reggie Bomberg (Vaessen Pioniers)
    Bayron Cornelisse (Vaessen Pioniers)
    Anferney Hoeve (North Central Missouri College)
    Entwin Reigina (Korsou)
    Maikel Rietel (Mr.Cocker HCAW)
    Scott Ronnenbergh (Vaessen Pioniers)
    Floris Timmer (DOOR Neptunus)
    Kaj Timmermans (Mr.Cocker HCAW)

    Kechernan
    Aldair Adamus (John Wood Community College)
    Max Clarijs (Mr.Cocker HCAW).

    Hungadonan di kuadro
    Jorin van Amstel (Mr.Cocker HCAW)
    Dudley Leonora (St. Maria Pirates)
    Kevin Moesquit (Mampaey The Hawks)
    Kirvin Moesquit (Seminole State College of Florida)
    Cezan Rafaela (North Central Missouri College)
    Kevin Weijgertse (Mr.Cocker HCAW)

    Outfieldernan
    Milton Croes (Kirkwood Community College)
    Daniel Fernandes (DOOR Neptunus)
    Dennis Gustina (St. Maria Pirates)
    Urving Kemp (DOOR Neptunus)
    Jules Peters (Mampaey The Hawks)
    Steven Wharwood (Mampaey The Hawks)

Posted on

Breve Deporte Awe #179 (Seri Mundial)

Resultadonan di Beisbòl Liga Grandi di ayera:

Seri Mundial

  • Kansas City Royals a pèrdè di San Francisco Giants ku skor di 5-0Pa San Francisco Giants tabata Madison Bumgarner ku a bai e distansiá kompletu permitiendo solamente 4 hit i ponchando 8. San Francisco a bai ariba 1-0 den di 2 entrada. Den di 4 entrada e ekipo a anotá otro kareda mas pa hasi e skor 2-0. Pa sigurá e viktoria Giants a añadí tres kareda mas den di 8 entrada. Ku e viktoria aki San Francisco ta bai ariba 3-2 den e seri, faltando un viktoria pa titulá kampion.Pa Kansas City Royals ta abou 3-2 den Seri Mundial no ta nada nobo. E ekipo tabata abou 3-2 den tur 3 Seri Mundial ku e la partisipá aden. Na 1980, e ekipo a pèrdè den e di seis partido kontra Philadelphia Phillies pa pèrdè e seri 4-2. Na 1985, e ekipo a bin bek di atras pa gana St. Louis Cardinals den shete partido.

    Esaki ta e di tres biaha ku San Francisco Giants ta ariba 3-2 den Seri Mundial. Na ambos di e previo dos okashonnan (1924 i 2002), Giants a pèrdè e di seis partido i konsekuentemente pèrdè e seri den shete partido. Na 1924 Giants e pèrdè di Washington Senators i na 2002 di Anaheim Angels.

    Tambe esaki ta bira e di 64 biaha ku un seri di Seri Mundial ta para na 3-2. Di e previo 63 biahanan e ekipo ku ta ariba 3-2 a logra titulá kampion na 42 okashon (66,7%). Adishonalmente, e ekipo ku ta ariba 3-2 a logra gana e di seis partido den e seri na 25 okashon (39,7%).

    Di e 38 biahanan ku un ekipo ku ta ariba 3-2 a pèrdè e di seis partido, nan a logra gana e seri na solamente 17 okashon (44,7%).

Partidónan di Liga Grandi pa awe:

Seri Mundial

  • Awe no tin partido. E di seis partido lo tuma lugá djamars próksimo na Kansas

Breve:

  • Juan Carlos Sulbaran a sufri su di 3 derota ayera pa e ekipo di Tiburones de La Guairá. Sulbaran a picha 4 entrada kompletu, permitiendo 3 kareda riba 2 hit. Juan Carlos tin un efektividat di 6.00
  • E ekipo di St. Louis Cardinals a anunsiá ku e outfielder Oscar Taveras a fayesé den un aksidente di outo na Republika Dominikana. E pelotero di 22 aña di edat tabata un nobato den e organisashon di Cardinals. Taveras a hunga ultimo ku e ekipo di St. Louis Cardinals den e League Championship kontra San Francisco Giants
Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media