Category: Beisbòl

Partidónan di Liga Grandi pa awe:

Seri Mundial

• Kansas City Royals kontra San Francisco Giants (Di 3 partido, ku e seri empatá 1-1)

Breve:

• Andrelton Simmons e ganadó di e premio di Wante di Oro aña pasa, a keda nominá un biaha mas pa premio e temporada aki. Pa e posishon di shortstop den Liga Nashonal tambe a keda nominá Zack Cozart (Cincinnati Reds) i Adeiny Hechavarria (Miami Marlins).

Lista di Nominadonan:

LIGA MERIKANO

PICHER: Mark Buehrle (Blue Jays), Felix Hernandez (Mariners), Dallas Keuchel (Astros)

KECHER: Alex Avila (Tigers), Yan Gomes (Indians), Salvador Perez (Royals)

PRIMERA BASE: Miguel Cabrera (Tigers), Eric Hosmer (Royals), Albert Pujols (Angels)

SEGUNDA BASE: Robinson Cano (Mariners), Ian Kinsler (Tigers), Dustin Pedroia (Red Sox)

TERSERA BASE: Josh Donaldson (A’s), Adrian Beltre (Rangers), Kyle Seager (Mariners)

SHORTSTOP: Alcides Escobar (Royals), J.J. Hardy (Orioles), Alexei Ramirez (White Sox)

LEFT FIELD: Michael Brantley (Indians), Yoenis Cespedes (Red Sox), Alex Gordon (Royals)

CENTER FIELD: Jackie Bradley Jr. (Red Sox), Adam Eaton (White Sox), Adam Jones (Orioles)

RIGHT FIELD: Kole Calhoun (Angels), Kevin Kiermaier (Rays), Nick Markakis (Orioles)

 

LIGA NASHONAL

PICHER: Zack Greinke (Dodgers), Clayton Kershaw (Dodgers), Adam Wainwright (Cardinals)

KECHER: Jonathan Lucroy (Brewers), Russell Martin (Pirates), Yadier Molina (Cardinals)

PRIMERA BASE: Adrian Gonzalez (Dodgers), Adam LaRoche (Nationals), Justin Morneau (Rockies)

SEGUNDA BASE: DJ LeMahieu (Rockies), Brandon Phillips (Reds), Chase Utley (Phillies)

TERSERA BASE: Nolan Arenado (Rockies), Pablo Sandoval (Giants), Juan Uribe (Dodgers)

SHORTSTOP: Zack Cozart (Reds), Adeiny Hechavarria (Marlins), Andrelton Simmons (Braves)

LEFT FIELD: Starling Marte (Pirates), Justin Upton (Braves), Christian Yelich (Marlins)

CENTER FIELD: Billy Hamilton (Reds), Juan Lagares (Mets), Denard Span (Nationals)

RIGHT FIELD: Jason Heyward (Braves), Gerardo Parra (Brewers), Giancarlo Stanton (Marlins)

Resultadonan di Beisbòl Liga Grandi di ayera:

Seri Mundial

• San Francisco Giants a pèrdè di Kansas City Royals ku skor di 7-2

  Un biaha mas San Francisco Giants a bai ariba for di den promé entrada riba un honron solitario di Gregor Blanco. Kontrali na e promé partido, Kansas City Royals a respondé mes ora i empatá e partido den bòm di promé. Kansas a bai ariba 2-1 den bòm di dos entrada. San Francisco a bin bek i empatá e partido den di kuater entrada. E partido a keda empatá na 2 kareda te den bòm di seis entrada. Akinan Kansas a habri e partido anotando 5 kareda riba un doblete empuhador di dos di Salvador Perez i un honron di dos kareda konektá pa Omar Infante. Ku e viktoria aki e seri ta empatá awor na unu, ku e próksimo partido na San Francisco dia 24 di òktober.

  Pa San Francisco Giants esaki ta e di 10 okashon ku nan ta involukrá den un empate di 1-1 den Seri Mundial. Den e nuebe biaha nan previo, San Francisco a bai na gana e seri solamente na un okashon (1905). E empate di 1-1 den un seri mihó-di-shete ta algu nobo pa Kansas, nunka nan no a eksperensia esaki.

  Segun estadistika, di e previo 56 biahanan ku un seri di Seri Mundial tabata empatá na 1-1, e ekipo ku gana partido number 2 a sigui i titulá kampion na 29 okashon (51.8%). Sin embargo, e ultimo aki tabata e kaso den solamente dos di e ultimo nuebe okashonnan for di aña 1993.

  Estadistikamente e di tres partido ta importantisimo. E ekipo ku gana e di tres partido ora e seri ta empatá na 1-1 a logra sali Kampion Mundial na 37 okashon (66.1%). Esaki tabata e kaso den kuater di e ultimo sinku okashonnan. Mas aleu, esaki tabata e kaso den e ultimo 11 di 13 okashonnan. E dos eksepshonnan tabata St. Louis Cardinals na 2013 i New York Yankees na 2003.

Partidónan di Liga Grandi pa awe:

Seri Mundial

• Awe no tin partido den Liga Grandi. E siguiente partido ta 24 di òktober próksimo ora ku Kansas City Royals topa San Francisco Giants den e di tres partido di Seri Mundial ku e seri empatá na 1-1

Breve:

• Informashonnan ku ta sirkulando ta bisa, ku Roger Bernadina ta den kòmbersashon ku e ekipo di Tiburones de La Guaira den beisbòl invernal na Venezuela. Den kaso ku Roger djòin e ekipo e ta uni su mes ku Juan Carlos Sulbaran ku ya ta formando parti di e staf di picheo di Tiburones. Aktualmente e ekipo di Tiburones de La Guaira tin un rèkert di 4-7

• Kenley Jansen a keda premia komo finalista pa relevista di aña den Liga Nashonal pa Major League Baseball. Craig Kimbrel di Atlanta Braves a bai ku e premio di mihó relevista den Liga Nashonal. Den Liga Merikano e premio a bai pa e picher di Kansas City Royals, Greg Holland

Resultadonan di Beisbòl Liga Grandi di ayera:

Seri Mundial

• San Francisco Giants a derota Kansas City Royals ku skor di 7-1San Francisco a bai ariba for di den promé di entrada anotando 3 kareda riba un doblete di Pablo Sandoval i un honron di 2 kareda di Hunter Pence. Despues di esaki e picher di San Francisco, Madison Bumgarner a tuma e kontrol, pichando 7 entrada kompletu permitiendo 3 hit i 1 kareda. Giants a añadí 4 kareda mas, anotando 2 den di kuater entrada i 2 mas den di 7 entrada.

  Pa Kansas City e derota ta finalisá nan racha di 8 partido konsekutivo ku un viktoria den post-temporada. Miéntras ku pa San Francisco Giants e viktoria ta ekstendé nan racha di viktoria konsekutivo den Seri Mundial. Pa Giants esaki tabata nan di 7 viktoria konsekutivo den Seri Mundial, kuminsando na e di 4 partido di Seri Mundial na aña 2010

Partidónan di Liga Grandi pa awe:

Seri Mundial

• San Francisco Giants kontra Kansas City Royals (Di dos partido, San Francisco ariba 1-0 den e seri)

Partidónan di Liga Grandi pa awe:

Seri Mundial

• San Francisco Giants kontra Kansas City Royals

  Esaki lo ta e di 110 edishon di e Seri Mundial di Beisbòl. E ekipo di Kansas City Royals a yega aki despues di a bari e seri kontra Baltimore Orioles i poniendo un rèkert nobo den post-temporada di ocho viktoria konsekutivo. San Francisco Giants di otro banda a yega despues di gana e seri kontra St. Louis Cardinals ku un rèkert d 4-1.

  Esaki lo bira e di dos okashon ku den Seri Mundial dos ekipo di Wild Card lo topa otro. Na 2002 e mesun San Francisco Giants aki tabata protagonista ora ku nan a topa ku Anaheim Angels. E aña aki tabata Anaheim Angels ku a logra titulá kampion den un seri ku a bai tur shete partido.

  Pa San Francisco 2002 tabata unu di e tres Seri Mundial ku e ekipo a partisipá den dje den ultimo sinku añanan. Bou di e nòmber di San Francisco Giants e ekipo a bira kampion mundial na 2010 i 2012. Miéntras ku bou di e nòmber di New York Giants e ekipo tin otro sinku título.

  Pa Kansas City Royals na ultimo presentashon den Seri Mundial tabata 29 aña pasa na aña 1985 ora ku nan a titulá kampion. Banda di esaki Kansas tabata den Seri Mundial na aña 1980 ora ku nan e pèrdè di Philadelphia Phillies den seis partido.

  Pa loke ta trata e temporada 2014 e dos ekiponan aki a topa ku otro den ougùstùs. Akinan tabata Kansas ku a bari e seri di tres partido for di San Francisco. Awe riba montikulo e ekipo di Kansas lo tin James Shield i pa Giants lo ta Madison Bumgarner

Breve:

• E ekipo di Tokyo Yakult Swallows a bisa ku tin un probabilidat ku Wladimir Balentien lo no partisipá na kampamentu di training otro aña na febrüari. E pelotero a opera su tendon di Achilles robes i mester di 6 luna pa un rekuperashon kompleto. E ekipo a bisa ku nan lo pidi Wladimir pa ta presente solamente si e la rekuperá satisfaktoriamente. Si e ultimo no ta e kaso e ekipo a bisa ku nan lo no forsa i lo dune e tempu nesesario pa rekuperá

Resultadonan di Beisbòl Liga Grandi di ayera:

• St. Louis Cardinals a pèrdè di San Francisco Giants ku skor di 6-3
  Pa San Francisco Giants tabata Michael Morse ku a konektá un honron solitario den bòm di 8 entrada pa entrada e partido na 3. Despues den bòm di 9 entrada Travis Ishikawa a konektá un honron di 3 kareda pa dune San Francisco e viktoria i ala bes e pase pa Seri Mundial. Esaki lo bira San Francisco su di tres Seri Mundial den ultimo sinku añanan. Bou di e nòmber di San Francisco Giants e ekipo a bira kampion mundial na 2010 i 2012.

  Picher Madison Bumgarner a keda nombra komo e hungadó mas balioso di e seri. Bumgarner tabata tin un rèkert di 1-0 den 2 salida den e seri ku un efektividat di 1.72.

  E promé partido di Seri Mundial lo kuminsá na Kansas djamars 21 di òktober próksimo

Partidónan di Liga Grandi pa awe:

• No tin partido awe, e siguiente partido lo ta djamars 21 di òktober próksimo ora San Francisco Giants enfrentá Kansas City Royals den e promé partido di seri mundial

Resultadonan di Beisbòl Liga Grandi di ayera:

Division Series Liga Merikano

• Baltimore Orioles a pèrdè di Kansas City Royals ku skor di 2-1
  Ku e viktoria Kansas ta bari e seri i avansá pa World Series despues di 29 aña. Tambe e èks-kampion Mundial di aña 1985 ta bira e promé ekipo ku ta habri post-temporada ganando tur 8 partido ku nan a hunga.

  E ekipo di Kansas a bai ariba 2-0 for di den promé entrada. Baltimore a anotá un kareda den di 3 riba honron di Ryan Flaherty. Jonathan Schoop no a konektá hit den e partido ku 1 base por bola.

  Pa Kansas tabata Lorenzo Cain ku a keda nombra komo e hungadó mas balioso di e seri. Den e seri Cain a bati pa un promedio di .533 ku 2 doblete, 5 kareda anotá, 1 base roba i 1 kareda empuha.

  Awor e ekipo di Kansas lo sinta warda riba e ganadó di Liga Nashonal pa kuminsá e di 110 Seri Mundial na Kansas djamars 21 di òktober próksimo

Division Series Liga Nashonal

• St. Louis Cardinals ta pèrdè di San Francisco Giants ku skor di 6-4
  Despues ku St. Louis tabata ariba 4-1 te den kabes di 3 entrada, San Francisco a kuminsá bin bek anotando 2 kareda den bòm di 3 entrada. Ku e wega 4-3, e ekipo di Giants ta añadí 3 kareda den di 6 entrada pa bai ariba 6-4. Ku e viktoria aki San Francisco ta na un viktoria di su di tres Seri Mundial den ultimo 5 añanan

 

Partidónan di Liga Grandi pa awe:

Division Series Liga Nashonal

• St. Louis Cardinals kontra San Francisco Giants (Di 4 partido di e seri, ku San Francisco ariba den e seri 3-1)

Resultadonan di Beisbòl Liga Grandi di ayera:

Division Series Liga Nashonal

• St. Louis Cardinals a pèrdè di San Francisco Giants ku skor di 5-4 den 10 entrada
  Ku e viktoria San Francisco ta bai ariba den e seri 2-1

Division Series Liga Merikano

• Baltimore Orioles a pèrdè di Kansas City Royals ku skor di 2-1
  Baltimore a bai ariba den kabes di dos entrada pero no por a mantené e bentaha permitiendo kareda den di 4 i di 6 entrada. Jonathan Schoop no a konektá hit den 3 turno na bate. Ku e viktoria Kansas ta bai ariba 3-0 den e seri i pone Baltimore ku lomba kantu di muraya

Partidónan di Liga Grandi pa awe:

Division Series Liga Merikano

• Baltimore Orioles kontra Kansas City Royals (Di 4 partido di e seri, ku Kansas ariba 3-0)

Division Series Liga Nashonal

• St. Louis Cardinals kontra San Francisco Giants (Di 4 partido di e seri ku San Francisco ariba 2-1)

Breve:

• Roger Bernadina ta bai en búskeda di un ekipo nobo, despues di a opta pa bira agente liber. Roger a finalisá temporada 2014 ku e ekipo di Los Angeles Dodgers despues di a kuminsá temporada ku Cincinnati Reds. Ku Dodgers e pelotero a pasa mayoria di su tempu den tripel A ku e ekipo di Albuquerque Isotopes. Akinan Roger a logra un promedio di .246 den 23 partido. Na sèptèmber ora e ekiponan di Liga Grandi a ekspandé nan roster, Roger a subi ku e ekipo di grandi di Los Angeles. Ku Dodgers, Roger a logra un promedio di .286 den 9 partido

Resultadonan di Beisbòl Liga Grandi di ayera:

Division Series Liga Merikano

• Baltimore Orioles kontra Kansas City Royals a keda postpone pa motibu di awa seru. E partido aki lo keda hunga awe nochi. Kansas City ta ariba den e seri aki 2-0

Partidónan di Liga Grandi pa awe:

Division Series Liga Nashonal                  

• St. Louis Cardinals kontra San Francisco Giants (Di 3 partido di e seri, ku e seri empata na 1)

Division Series Liga Merikano

• Baltimore Orioles kontra Kansas City Royals (Di 3 partido di e seri, ku Kansas City ariba 2-0)

Breve:

• E ekipo di St. Louis Cardinals a duna di konosé ku nan lo mantené kècher, Yadier Molina riba nan roster di post-temporada. Esaki despues ku Molina a sufri un leshon na su abdomen den e di dos partido di e ‘National League Championship Series’. Ainda no ta konosí ki dia e kècher lo mira akshon atrobe

• E ekipo di Arizona Diamondbacks a anunsiá ku Chip Hale lo ta e manager nobo di e ekipo pa próksimo temporada

Resultadonan di Beisbòl Liga Grandi di ayera:

Division Series Liga Nashonal

• San Francisco Giants a perde di St. Louis Cardinals ku skor di 5-4
  Pa St. Louis tabata Kolten Wong ku a konekta un honron solitario den bom di 9 entrada pa e viktoria. Kecher di St. Louis, Yadier Molina mester a bandona e partido despues di un leshon nan su abdomen. Ku e viktoria aki St. Louis ta empata e seri na 1

Partidónan di Liga Grandi pa awe:

Division Series Liga Merikano

• Baltimore Orioles kontra Kansas City Royals (partido #3, Kansas ta ariba den e seri 2-0)

Breve:

• DOOR Neptunus ta titula kampion di Hulanda despues di a derota L&D Amsterdam ku skor di 1-0. E Kurasoleño, Kevin Kelly a salba e wega pa DOOR pichando 1 entrada i 1 tersio