Beisbòl Archives | Page 78 of 107

June 3, 2013

Yurendell de Caster ta konektá su di 5 honron di temporada

MONCLOVA, Mexico – Yurendell de Caster ta sigui ku su bon aktuashon pa e ekipo di Acereros del Norte. Den su ultimo 10 partido nan ku e ekipo aki, de Caster a bati hit den tur partido. Yurendell a konektá mas ku 1 hit den nuebe di su ultimo 10 partido nan. de Caster a bolbe konektá 2 hit den e partido di Acereros del Norte kontra Olmecas de Tabasco.

Un di e hit nan konektá pa de Caster tabata un honron di 2 kareda den bòm di kuater ining ku a duna Acereros e bentaha di 2-1 riba Olmecas de Tabasco. E ekipo di Acereros no a wak patras i a sa di amplia riba e bentaha aki i a gana ku skor di 5-4 riba Olmecas de Tabasco. Ku e prestashon aki Yurendell de Caster ta pone su promedio na .440 for di kua 8 doblete, 5 honron i 20 kareda empuha.

June 3, 2013June 2, 2013

Jurickson Profar ta konektá su di dos honron di temporada

ARLINGTON, Texas – Jurickson Profar despues di a bai dos dia sin konektá hit ta konektá dos hit pa yuda Texas Rangers gana di Kansas City Royals. Te den di 8 ining e partido aki tabata empatá na un kareda. Profar ta kibra e empatá aki ku un honron solitario mandando Texas Rangers ariba ku skor di 2-1. E ekipo di Rangers ta añadí un kareda mas pa asina gana ku skor di 3-1 di Kansas City Royals.

“Mi tabata purbando di yega base i yuda mi ekipo, pero ma hasi algu mihó konektá un honron,” Profar a bisa despues di e partido. “Mi ta purba di hasi mihó posibel miéntras mi ta ku Texas Rangers.”

Profar tin un promedio aktual di .294 for di kua 1 doblete, 2 honron i 6 kareda empuha.

June 2, 2013

Jair Jurrjens ta pèrdè su di tres salida di temporada

NORFOLK, Virginia – Despues ku Jair Jurrjens a bai 6 salida sin pèrdè un partido e tin 2 partido pèrdí den su ultimo 3 partido nan. Jurrjens no por a haña su mes den e partido di Norfolk Tides kontra di Buffalo Bisons. Norfolk Tides a pèrdè ku skor di 7-4 kontra di Bisons. Den e partido aki Jurrjens a hasi su salida di mas kòrtiku di temporada ora ku e la picha solamente 2 ining i 2 tèrsio.

Jair a permití 1 kareda den kabes di 2 ining i un otro 5 kareda den di 3 ining. Ku esei Jurrjens su dia a sera pichando solamente 53 bala for di kua 33 tabata pa strike. Jurrjens a pone su rèkert aktual na 4 wega gana, 3 pèrdí ku un promedio di kareda permití di 4.09 den 11 salida.

June 2, 2013June 2, 2013

VIDEO: Andruw Jones ku otro honron pa Rakuten Golden Eagles

SENDAI, Hapon – Andruw Jones ta konektá su di tres honron den ultimo dia pa yega su di 11 honron di temporada. Den e partido di Tohoku Rakuten Golden Eagles kontra Yokohama DeNa Baystars Jones a konektá un honron solitario den bòm di sinku ining. Apesar di esaki e honron tabata den kousa pèrdí, ya komo ku Golden Eagles a kai vensí ku skor di 4-3. Ku e prestashon aki Andruw ta pone su promedio na .256 for di kua 5 doblete, 11 honron i 30 kareda empuha.

May 31, 2013

VIDEO: Andruw Jones ku dos honron den partido pa Golden Eagles

SENDAI, Hapon – Andruw Jones ta yega su di 10 honron di temporada i ala bes di su karera den beisbòl profeshonal Hapones. Den e partido di Tohoku Rakuten Golden Eagles kontra Yokohama DeNa Baystars Jones a konektá 2 honron asina yuda Golden Eagles yega na un viktoria di 10-3. E promé honron di Andruw a bin den di 2 ining ku 2 koredó na base. Despues den di 8 ining Jones a konektá un honron mas e biaha aki ku un koredó na base. Jones a konektá 2 hit den 3 turno na bate ku un base por bola i 5 kareda empuha. Ku e prestashon aki Andruw ta pone su promedio na .250 for di kua 5 doblete, 10 honron i 29 kareda empuha.

May 30, 2013

Randolph Oduber ta konektá su di dos honron di temporada

WOODBRIDGE, Virginia – Potomac Nationals ta logra bini di atras i gana e ekipo di Salem Red Sox ku skor di 9-8. Potomac Nationals a logra bai ariba den bòm di 6 ining ora ku Randolph Oduber ta konektá un honron di 2 kareda pa manda Nationals ariba 8-7. E honron di Oduber tabata su di 2 honron di temporada i su úniko hit den 3 turno den e partido aki. Aktualmente Oduber tin un promedio di .260 for di kua 7 doblete, 1 tripel i 2 honron.

May 30, 2013

Jurickson Profar ta ekstendé su racha di hit ku Texas Rangers

ARLINGTON, Texas – Jurickson Profar a ekstendé su racha di hit konektá na 6 partido. Profar a konektá 3 hit den 4 turno na bate den e partido kaminda Texas Rangers a gana di Arizona Diamonbacks ku skor di 9-5. Esaki ta bira Profar su promé wega kaminda e ta konektá 3 hit den un partido. Ku e aktuashon aki Profar ta subi su promedio na .370 den 7 partido ku e ekipo di Texas Rangers.

Mariekson ‘Didi’ Gregorius tambe a hunga den e partido aki i a konektá 2 hit den 5 turno na bate. Gregorius tin un promedio aktual di .328.

May 30, 2013

Roger Bernadina ta konektá su di dos honron di temporada

WASHINGTON, DC – A dura un tempu pa Roger Bernadina konektá su promé honron di temporada. Esaki teniendo nan kuenta ku Bernadina no tabata haña muchu tempu di wega. Awor ku algun di e outfielder nan regular di Washington Nationals ta leshoná, Bernadina a haña oportunidat mas konsistente pa hunga. Ku esaki Roger a kuminsá haña su swing bek i a konektá 2 honron den ultimo 2 partido nan.

Bernadina a konektá 1 hit den 4 turno na bate den un partido ku Washington Nationals a kai chikí ku skor di 9-6 kontra Baltimore Orioles. E hit di Bernadina a bin den kabes di 4 ining i tabata un honron solitario pa right field. Aktualmente Bernadina tin un promedio di .149 for di kua 1 doblete, 1 tripel, 2 honron i 4 kareda empuhe.

May 29, 2013

Yurendell de Caster ku su di 4 honron di temporada

MONCLOVA, México – Yurendell de Caster ta sigui “red hot” pa e ekipo di Acereros del Norte. Den su ultimo 10 partido nan de Caster ta batiendo pa un promedio di .525 for di kua e la konektá por lo mínimo un hit den tur e 10 partido na aki. Yurendell a konektá mas ku un hit den tur su shete partido nan ultimo i esaki no tabata diferente den e partido entre Piratas de Campeche i Acereros del Norte. Apesar ku Acereros a pèrdè ku skor di 6-5, de Caster a konektá 4 hit den 5 turno na bate i empuha 3 kareda. Di e 4 hit nan aki un tabata un honron di 2 kareda i tambe un doblete. Ku e aktuashon aki de Caster ta pone su promedio na .438, for di kua 7 doblete i 4 honron.

May 29, 2013

Roger Bernadina ku promé honron di temporada

WASHINGTON, DC – Tur kos ta mustra ku Roger Bernadina ta hañando su swing bek i a konektá 2 hit den kuater turno pa yuda Washington Nationals gana di Baltimore Orioles ku skor di 9-3. Bernadina ku a konektá solamente un hit den su previo 17 turno nan na bate awor tin 3 hit den su ultimo 8 turno nan.

Roger su promé hit den e partido a bin den di 4 ining na momentu ku e la konektá un honron solitario pa right field pa su promé honron di temporada. Den bòm di 8 ining Bernadina ta konektá un single empuhando Ian Desmond pa su di 2 hit i ala bes su di 2 kareda empuha di partido. Aktualmente Roger ta batiendo pa un promedio di .143 den 70 turno nan bate, for di kua 1 doblete, 1 tripel, 1 honron i 3 kareda empuha.