Beisbòl Archives | Page 80 of 107

May 21, 2013

Jair Jurrjens ta bai bek Tripel A

BALTIMORE, Maryland – E ekipo di Baltimore Orioles a anunsiá awe ku nan ta añadí picher Miguel Gonzalez bek riba nan roster i ku esaki mester a manda Jair Jurrjens bek tripel A pa e ekipo di Norfolk Tides. Jurrjens a subi ku e ekipo di Orioles djasabra ultimo na momentu ku nan tabata tin mester di un picher habridó ya komo ku e picher habridó Wei-Yin Chen a keda buta pa 15 dia riba lista di hungadó leshoná.

Jurrjens ku pa promé biaha a enfrentá Tampa Bay Rays a picha e promé dos ining nan hopi bon pero a enfrentá un poko difikultat den di 3 ining. Den e ining aki Jurrjens a permití 3 kareda for di kua 2 kareda a bin riba un honron di Matt Joyce. Jurrjens a permití un kareda mas den di 4 ining i bandoná e partido despues di 5 ining lagando Orioles ariba ku skor di 6-4. Lastimá mente e bullpen di Orioles no por a mantené e bentaha i ta permití 6 kareda den di 9 ining. Ku esaki Jurrjens mester a konformá su mes ku un salida sin desishon.

Den e partido Jair a picha sinku ining kompletu permitiendo 6 hit, 4 kareda, 1 base por bola i 5 ponche. E promé ponche den e partido di Jurrjens tabata su di 500 ponche di su karera.

May 20, 2013

Mariekson ‘Didi’ Gregorius ku tres hit kontra Miami Marlins

MIAMI, Florida – Mariekson ‘Didi’ Gregorius su seri kontra Miami Marlins no a kuminsá muchu bon konektando solamente un hit den 6 turno na bate den e promé dos partido nan. Esaki a pone Gregorius su promedio baha yega te .333, pero tur kos a kambia den e ultimo partido di e seri. Den e partido aki Arizona Diamondbacks ta pèrdè ku skor di 2-1 for di Miami Marlins, pero Didi ta konektá 3 hit den 4 turno na bate den e partido aki. Ku esaki Gregorius ta subi su promedio na .354.

Gregorius ku ta hasi bon kontakto ku e bala a logra konektá hit den 17 di su 21 partido nan ku e la hunga. Esaki ta inkluyendo 10 wega konsekutivo ku e la konektá hit entre 18 di April i 8 di Mei. Ku e hazaña ei Didi a tabla un rèkert di ekipo, ku e racha di hit konsekutivo mas largu pa kuminsá un temporada i pa kuminsá karera komo un Diamondback.

May 19, 2013

Jurickson Profar ta subi ku ekipo di Texas Rangers

ARLINGTON, Texas – E ekipo di Texas Rangers a anunsiá awe ku nan a pone segunda base, Ian Kinsler riba lista di hungadó leshoná pa 15 dia, kuminsando ayera djasabra 18 di mei. Komo remplaso pa Kinsler, Rangers a yama Jurickson Profar for di tripel A Round Rock.

Profar a hunga henter e temporada aki ku e ekipo di Round Rock Express den tripel A. Aki nan e tabata tin un promedio di .278 for di kua 7 doblete, 2 tripel, 4 honron i 19 kareda empuha. No mas ku ayera nochi, Profar a konektá 3 hit den 4 turno pa e ekipo di Round Rock Express. Pa promé biaha den su karera e la konektá 2 honron den mes un partido, banda di esaki e la anotá 3 kareda i tambe empuha 3 kareda.

E promé partido di Profar e temporada aki ku Texas Rangers lo ta awe nochi 8’or ora ku nan topa ku Detroit Tigers na Texas.

May 19, 2013May 18, 2013

Andrelton Simmons ta konektá su di 5 honron di temporada

ATLANTA, Georgia – Andrelton Simmons ta batiendo ku un promedio di .271 den su ultimo 24 partido nan pero su ultimo honron tabata 10 dia pasa. Den e partido di Atlanta Braves kontra Los Angeles Dodgers, Evan Gattis i Andrelton Simmons a konektá honron tras di otro pa duna Braves e viktoria ku skor di 3-1. Gattis a empatá e partido ku un honron di dos kareda den di 8 ining miéntras ku Simmons a manda Braves ariba ku un honron solitario. Ambos honron a bin kontra picher di Dodgers Kenley Jansen. Simmons tin un promedio aktual di .240 for di kua 6 doblete, 5 honron i 17 kareda empuha.

May 19, 2013May 18, 2013

Wladimir Balentien ku 3 honron den ultimo dos dia nan

TOKIO, Hapon – Wladimir Balentien a bai sinku dia nan sin konektá e bala largu pero ta parse ku e la haña su swing bek. Balentien a konektá 3 honron den ultimo dos dia nan. Su di 12 honron di temporada tabata un honron di 2 kareda ku a bin den di kuater ining den partido kontra Chiba Lotte. Tokyo Yakult Swallows a gana e partido aki ku skor di 6-5.

E siguiente dia Tokyo Yakult Swallows a bolbe hunga kontra Chiba Lotte. Den e partido aki Balentien a konektá dos honron mas. E promé a bin den di dos ining i tabata un honron solitario. Den di kuater ining Balentien a bolbe konektá e bala largu i e biaha aki un biaha mas e tabata un honron solitario. Ku esaki Wladimir tin 14 honron den e temporada aktual. Balentien ta keda na di dos lugá tras di Tony Blanco ku tin 20 honron komo e lider nan di honron den beisbòl hapones.

May 18, 2013May 21, 2013

Jair Jurrjens ku salida sin desishon den debut ku Baltimore Orioles

BALTIMORE, Maryland – Manera a keda anunsiá for di den siman Jair Jurrjens lo ta e picher habridó pa Baltimore Orioles awe djasabra kontra Tampa Bay Rays. Orioles tabata tin mester di un picher habridó ya komo ku e picher habridó Wei-Yin Chen a keda buta pa 15 dia riba lista di hungadó leshoná.

Jurrjens den su debut pa Baltimore Orioles a bira e di dos hungadó di Kòrsou ku ta hunga pa e ekipo di Baltimore Orioles. E promé tabata Ivanon Coffie ku na aña 2000 tabata infielder pa e ekipo di Orioles.

Jurrjens ku pa promé biaha ta enfrentá Tampa Bay Rays a picha e promé dos ining nan hopi bon pero a enfrentá un poko difikultat den di 3 ining. Den e ining aki Jurrjens a permití 3 kareda for di kua 2 kareda a bin riba un honron di Matt Joyce. Jurrjens a permití un kareda mas den di 4 ining i bandoná e partido despues di 5 ining lagando Orioles ariba ku skor di 6-4. Lastimá mente e bullpen di Orioles no por a mantené e bentaha i ta permití 6 kareda den di 9 ining. Ku esaki Jurrjens mester a konformá su mes ku un salida sin desishon.

Den e partido Jair a picha sinku ining kompletu permitiendo 6 hit, 4 kareda, 1 base por bola i 5 ponche. E promé ponche den e partido di Jurrjens tabata su di 500 ponche di su karera.

May 16, 2013

Jonathan Schoop riba lista di hungadó leshoná

NORFOLK, Virginia – For di 12 di mei Jonathan Schoop no a mira akshon mas pa e ekipo di Norfolk Tides. Awe e ekipo a anunsiá ku nan ta pone Schoop riba lista di hungadó leshoná. Schoop a wòrdu pone riba e lista di hungadó leshoná pa shete dia ku dòlò den su parti abou di lomba. Segun informashon e leshon no ta algu serio i ta spera ku den shete dia Schoop por ta bek. Jonathan tin un promedio di .268 for di kua 6 doblete, 3 honron i 18 kareda empuha den 127 turno na bate.

May 15, 2013

Jair Jurrjens posibel habridó pa Baltimore Orioles wikènt aki

BALTIMORE, Maryland – Ainda e ekipo di Baltimore Orioles no a hasi e anunsio ofisial pero tur kos ta mustra ku Jair Jurrjens lo ta e picher habridó pa Orioles djasabra. Orioles mester di un picher habridó pa e partido kontra Tampa Bay Rays. Esaki pa motibu ku e picher habridó Wei-Yin Chen a keda buta pa 15 dia riba lista di hungadó leshoná.

Tantu e wepsait di Baltimore Orioles komo esun di Norfolk Tides ta bisa ku e picher habridó pa e partido di djasabra lo wòrdu anunsiá despues. Vise presidente di e ekipo, Dan Duquette a rekonosé ku e ekipo falta un picher habridó pa djasabra. Duquette a bisa, “Jurrjens a picha bon den tripel A. E ta tirando su picheo nan pa strike i ta hopi sólido. E la strika su entrega pa plato.”

May 14, 2013May 14, 2013

Jair Jurrjens ku salida sin desishon

SYRACUSE, New York – Despues di kuater viktoria konsekutivo, Jair Jurrjens ta haña su di tres salida sin desishon. Jurrjens a permití 5 kareda limpi den e partido aki ku ta e mayor kantidat ku e la permití durante henter e temporada aki. Jair a konfrontá hopi difikultat pa sali for di e di kuater ining ora ku e ta permití no mas ku 3 single, 1 doblete i 1 tripel pa asina 4 kareda krusa plato. Esaki ta pone e ekipo di Syracuse Chiefs ta bai ariba ku skor di 5-4 riba Norfolk Tides.

E ekipo di Norfolk Tides ta bini bek i duna Jurrjens a bentaha di 7-5 den kabes di sinku ining. Apesar di esaki e bullpen di Tides no por a wanta e bentaha i ta tabla e wega na 7-7 den bòm di nuebe ining. Jurrjens ku a picha 7 ining kompletu ta pèrdè asina su posishon komo picher di rèkert. Finalmente, Tides ta logra e viktoria di 8-7 pero esaki no ta aparesé riba Jurrjens su rèkert.

Jurrjens tabata bastante konservativo ku su picheo nan den e partido aki pichando solamente 85 bala di kua 62 tabata strike den 7 ining kompletu. Tambe e la permití 7 hit, 7 ponche i niun base por bola.

May 13, 2013May 12, 2013

Curt Smith ku honron di viktoria pa New Britain Rock Cats

NEW BRITAIN, Connecticut – Curt Smith a konektá solamente un hit den e partido di New Britain Rock Cats kontra Portland Sea Dogs. E hit di Smith no por a bin na un momentu mas oportuno, ya komo e hit aki a manda Rock Cats ariba i konsekuentemente gana e partido. Den di 8 ining Rock Cats tabata pèrdí ku skor di 4-3 for di e ekipo di Sea Dogs. Ku dos out i un koredó na base, Smith a haña turno na bate i akí nan a konektá un honron pa center field ku a manda Rock Cats ariba 5-4. Rock Cats a logra mantené a bentaha aki i konsekuentemente a logra e viktoria. Esaki tabata Smith su di tres honron di temporada. Curt tin un promedio di .257 e temporada aki for di kua 4 doblete i 3 honron.