TOKIO, Hapon – Wladimir Balentien a konektá un honron di tres kareda den di seis ining pa yuda Tokyo Yakult Swallows bin bek for di un défisit i gana Yomiuri Giants. Den di seis ining Tokyo Yakult Swallows tabata abou ku skor di 2-1. Ku e honron di Balentien Swallows a bai ariba 4-2 i ku ayudo di e staf di picheo Swallows a logra e viktoria. Balentien tin un promedio di .298 e temporada aki ku kuater honron, kuater doblete i 15 kareda empuha.
PHOENIX, Arizona – Den a partido entre Arizona Diamonbacks i Colorado Rockies, Mariekson ‘Didi’ Gregorius a risibí un lansamentu di 93 mia pa ora den kabes. Esaki a sosodé den bòm di shete ining ora ku Gregorius a kai atras ku dos strike kontra di picher Josh Outman. Gregorius a logra traha e konteo i yega na dos bola, dos strike. E di sinku picheo di Outman tabata un rekta di 93 mia pa ora ku Gregorius no por a kita for di kaminda i a risibí’e den su hèlmu.
Mesora despues di e lansamentu aki Gregorius a kai abou i a keda sapatiá pa algun ratu. Staf tékniko di Arizona Diamonbacks tabata den frakshon di sekònde banda di Didi. Gregorius a logra lanta riba su propio forsa pero mester a bandoná e partido.
Komo medida di prekoushon Gregorius a bai hasi un CT scan ku a sali normal. Manager di Arizona a bisa ku te ainda e no tin pensa di pone Gregorius riba e lista di hungadó nan ku a risibí leshon cerebral, pero tampoko no ta ekskluí esaki. Sea djadumingu of djaluna e ekipo lo disidí kiko lo pasa ku Gregorius.
Gregorius ku tin un promedio di .407 a bisa, “ma purba di kita for di kaminda, pero no tabata lihé sufisiente. E la hinchá un tiki ayera i mi tabata tin un tiki doló di kabes. E ta morde un tiki pero otro di esei mi ta sinti bon.”
TOKIO, Hapon – Wladimir Balentien ta yuda Tokyo Yakult Swallows na viktoria. Balentien a habri e anotashon pa e ekipo di Swallows ku un doblete empuhador di un kareda den promé ining. Den e entrada aki Swallows a anotá tres kareda. Balentien ta konekta dos hit mas den e partido pa asina konektá tres hit den kuater turno. Ku esaki Balentien ta subi su promedio na .302 pa e temporada 2013. Den 43 turno na bate e temporada aki, Balentien tin 13 hit for di kua kuater doblete, tres honron i 11 kareda empuha.
SYRACUSE, New York – Shairon Martis ta bek komo habridó pa e ekipo di Rochester Red Wings ku ta e afiliashon den tripel A pa Minnesota Twins. Martis a habri dos partido e temporada aki pero a keda manda pa bullpen despues ku den niun di e dos partido nan aki e no a picha mas ku kuater ining. For di bullpen Martis a picha kuater ining permitiendo un promedio di 6.75 kareda den dos partido.
Martis den su regreso komo habridó a regresá kompletamente diferente. Den e partido di Rochester Red Wings kontra Syracuse Chiefs, Martis a picha sinku ining kompleto. Esaki ta promé biaha e temporada aki ku Martis ta picha mas di kuater ining.
Shairon den su sinku ining nan di picheo a permití dos kareda, unu den promé ining i otro den di tres ining. Na momento ku Martis a bandoná e partido e la laga esaki ku Rochester Red Wings ariba ku un skor di 5-3. Apesar di esaki Martis a keda akreditá ku un salida sin desishon, ora ku su relevo ta permití Syracuse empatá e partido den bòm di seis ining. Martis a picha un total di 75 bala for di kua 50 tabata strike. Den su sinku entrada nan e la poncha kuater, permití sinku hit i ningun base por bola.
Martis te ku awor tin un total di 15 ining i dos tèrsio picha for di kua e la permití 18 hit, 13 base por bola, nuebe ponche i ocho kareda limpi. Ku esaki Martis tin un promedio di kareda limpi permití di 4.60.
UTRECHT, Hulanda – Steve Janssen a wòrdu nombra komo manager di e selekshon di beisbòl Hulandes ku lo hunga na e World Port Tournament. Janssen di nashonalidat Belga a debutá na edat di 16 aña komo kècher pa e selekshon di su pais. Tambe e la forma parti di tres kampionato Europeo.
Entre 2003 i 2005 Janssen tabata coach di picheo di e selekshon Hulandes i a forma parti di e selekshon ku a partisipá na 2004 den olimpiada na Atenas. For di 2010 Janssen a regresá ku e selekshon Hulandes un biaha mas komo coach di picheo. Janssen tabata parti di e staf tékniko ku a sali kampion na 2011 i aña aki a yega semifinal di e Klásiko Mundial di Beisbòl.
E selekshon tentativo pa World Port Tournament ta konsistí di e siguiente hungadó nan:
Picher
Arshwin Asjes
David Bergman
Leon Boyd
Berry van Driel
Diegomar Markwell
Orlando Yntema
Rob Cordemans
Kevin Heijstek
Kyle Ward
Chris Mowday
Bayron Cornelisse
Kècher
Quintin de Cuba
Rudy van Heydoorn
Bas Nooij
Infield
Jeffrey Arends
Mervin Gario
Rafael Jozefa
Dwayne Kemp
Michael Duursma
Zair Koeiman
Stijn van der Meer
Vince Rooi
Outfield
Bryan Engelhardt
Gianison Boekhoudt
Shaldimar Daantji
Wesley Connor
Roeland Henrique
Bas de Jong
Danny Rombley
CHARLOTTE, North Carolina – For di 16 di aprel Jonathan a logra konektá hit den tur partido ku e la hunga, ku ta bon pa un racha di hit di ocho partidó konsekutivo. Den e partido di Norfolk Tides kontra Charlotte Durham, Jonathan a konektá un hit den tres turno. Schoop a konektá e hit pa ekstendé su racha den su penúltimo turno na bate den di shete ining. Jonathan ketu bai ta purbando na hisa su promedio. Aktualmente Schoop tin un promedio di .221 ku tres doblete, un honron i shete kareda empuha.
HARRISBURG, Pennsylvania – E ekipo di Harrisburg Senators a anunsiá awe ku nan a transferí Randolph Oduber pa e ekipo di Potomac Nationals. Oduber a keda algu mas ku un siman ku e ekipo di Harrisburg Senators den dòbel A. Ku e regreso di Erik Komatsu pa Senators no a keda lugá pa Oduber riba roster i ta pone ku e tin ku regresá bek ku Potomac Nationals den klase A avansá. Oduber a hunga sinku partido ku Senators i tabata tin un promedio di .111 ku un honron.
HIROSHIMA, Hapon – Wladimir Balentien ketu bai ta buskando su ritmo na bate, pero apesar di esaki e tabata tin un hit importante pa su ekipo di Tokyo Yakult Swallows. Den kabes di ocho ining ku dos out i dos koredó na base, Balentien ta konektá un doblete di dos kareda. Ku esaki Balentien ta kibra e empatá di un kareda i hiba Tokyo Yakult Swallows na un viktoria di 3-1. E ekipo di Swallows ta kibra un racha di sinku wega pèrdí di e manera aki. Pa e temporada 2013 Balentien ta hiba un promedio di .206 te ainda.
COLORADO, Denver – Mariekson ‘Didi’ Gregorius ta siguí kayente pa e ekipo di Arizona Diamondbacks. Despues ku Didi a regresá for di lista di hunga leshoná, e la hunga tres partido ku e ekipo di Arizona Diamondbacks i ta batiendo pa un promedio di.545. Den tur su partido nan te ainda e la konektá mas ku un hit.
Den e partido kontra Colorado Rockies, Gregorius a konektá dos hit den tres turno na bate. Didi su honron a bin den sinku ining nan momento ku e la habri e entrada pa su ekipo. Ku e prestashon aki Gregorius tin un promedio di .545 ku un doblete, dos honron i dos kareda empuhe.
ROUND ROCK, Texas – Drentando e partido di awe Jurickson Profar no a konektá niun hit den su ultimo dies turno nan na bate. Ku esaki e la baha su promedio di .265 te na .214. Den Profar su promé tres turno nan na bate e no a konektá hit. Profar a haña su di kuater turno den di shete ining ku un out, riba e promé picheo ku e la mira Profar a limpia base ku un grand slam. Esaki tabata úniko hit pa Profar den e partido ku awor di un promedio di .213.