Beisbòl Archives | Page 85 of 107

April 16, 2013April 16, 2013

Wladimir Balentien i Andruw Jones ku honron

HAPON – Wladimir Balentien a regresá ku e ekipo di Tokyo Yakult Swallows par di dia pasa. Promé ku esaki Balentien tabata ku e afiliashon di su ekipo den Liga Menor Hapones, kaminda e ta poniendo su mes den kondishon pa regresá ku su ekipo. E tabata rekuperando di e leshon ku e la sufri den e Klásiko Mundial di Beisbòl.

Balentien e kampion di honron den beisbòl Hapones di e ultimo dos temporada a konektá su promé honron di temporada. E honron di Balentien a bin den di shete ining pa empatá e partido na dos kareda. Den di ocho entrada Balentien a konektá un otro honron di dos kareda mas. Swallows a gana e partido ku skor di 5-2.

Andruw Jones tambe a konektá honron pa e ekipo di Tohoku Rakuten Eagles. Jones a konektá un honron solitario pa su di dos honron di temporada. E promedio di Jones a baha hopi den ultimo dia nan, aktualmente Andruw tin un promedio di .222.

April 15, 2013

Randolph Oduber promové pa dòbel A

WOODBRIDGE, Virginia – Randolph Oduber ku ta konosí pa hopi komo e orguyo di Paradera, Aruba a keda promové pa e ekipo di Harrisburg Senators den dòbel A. Oduber tabata kima liga den klase A ku e ekipo di Potomac Nationals. Den ultimo ocho partido nan Oduber a konektá hit den tur partido ku eksepshon di un. Oduber tabata tin un promedio di .387 den 31 turno na bate ku un honron, dos doblete i 9 kareda empuha.

April 15, 2013

Jurickson Profar a regresá den aliniashon di Round Rock Express

NEW ORLEANS, Louisiana – Despues di tres dia for di aliniashon di Round Rock Express, Jurickson Profar ta bek den aliniashon. Segun informashon nan Profar tabata sintiendo un dòlò na parti robes di su kurpa i pa prekoushon a tene for di aliniashon. Den Profar su promé partido bek e no a logra konektá hit den su tres turno nan na bate. Aktualmente Profar tin un promedio di .222 ku seis hit den 27 turno na bate.

April 15, 2013April 14, 2013

Andrelton Simmons ku promé honron di temporada

WASHINGTON, DC – Andrelton Simmons ku su promé honron di temporada ta yuda Atlanta Braves bari Washington Nationals. Despues di no por a kompletá un toke di sakrifisio e dia promé, Simmons a saka kara ku un honron di tres kareda. Simmons ketu bai ta purbando na sali for di un racha friu.

Den 38 turno na bate e temporada aki, Simmons a logra konektá solamente ocho hit pa un promedio di .211. Esaki ta e úniko hit ku Simmons a konektá den e seri di tres wega kontra Washington Nationals. Promé ku e honron di awe, Andrelton su ultimo honron tabata riba 29 di yuni 2012. Interesante ta ku e honron ei tambe tabata kontra Washington Nationals.

Despues di e partido Simmons a bisa, “e honron a pone e wega riba ijs. Awe nos a bati un tiki mas mihó. Ta un bon manera pa bai kas, despues di bari Nationals, nos rival nan bo pro bisa.”

April 14, 2013

Shairon Martis ku salida sin desishon

PAWTUCKET, Rhode Island – Shairon Martis tabata tin su di dos salida di temporada. Den e salida aki Martis a bin pa saka kara despues di e promé salida ku no a bai muchu bon. Martis a picha tres ining i dos tèrsio kontra e ekipo di Pawtucket Red Sox.

Den e partido aki Martis a permití solamente un kareda limpi pero su ekipo di Rochester Red Wings no a duna Martis mas ku un kareda pa asina e por klasifiká pa e picher di desishon. Martis a permití kuater hit, kuater base por bola i poncha kuater den e partido aki. Di 66 bala ku Martis a picha 37 tabata strike, kompará ku 69 bala den su promé aparishon di kua 29 tabata strike.

April 14, 2013April 13, 2013

Wladimir Balentien bek ku Tokyo Yakult Swallows

TOKIO, Hapon – Wladimir Balentien ta bek ku e ekipo di Tokyo Yakult Swallows. Balentien tabata ku e afiliashon di su ekipo den Liga Menor Hapones, kaminda e ta poniendo su mes den kondishon pa regresá ku su ekipo. E tabata rekuperando di e leshon ku e la sufri den e Klásiko Mundial di Beisbòl.

“Ta sinti bon pa ta bek,” Balentien a bisa. “Mi tabata ke ta aki nan for di promé dia.”

Balentien ta un piesa klave pa su ekipo. Temporada pasa Balentien tabata tin un promedio di .272 ku 31 honron i 81 kareda empuha den 106 partido ku Tokyo Yakult Swallows.

April 13, 2013

Mariekson ‘Didi’ Gregorius ku honron pa Reno Aces

RENO, Nevada – Mariekson ‘Didi’ Gregorius ku aktualmente ta riba lista di hungadó leshoná pa 15 dia a kuminsá asignashon di reabilitashon den e ekipo di tripel A, Reno Aces. Gregorius lo hunga komo batido designa te 15 di aprel na momento ku e por kuminsá hunga den vèlt atrobe. Didi den su trabou komo batido designa ta kayente te ku awor. Den e partido di ayera Gregorius a konektá tres hit den sinku turno for di kua un honron i un kareda empuha. Den kuater partido ku e ekipo di Aces, Gregorius tin seis hit den 17 turno, den kua un honron, un doblete i un kareda empuha.

April 13, 2013

Dashenko Ricardo ta pasa pa Great Lakes Loons

MIDLAND, Michigan – E ekipo di Great Lakes Loons a konfirmá ku nan a añadí kècher Dashenko Ricardo riba nan roster. Great Lakes Loons ta e afiliashon di Los Angeles Dodgers den klase A. Promé ku esaki Ricardo tabata forma parti di e ekipo di Chattanooga Lookouts ku ta un afiliashon di Los Angeles Dodgers den dòbel A. Dashenko a hunga tres partido ku e ekipo di Lookouts i tabata tin un promedio di .250, ku un honron i tres kareda empuha. Great Lakes Loons no ta deskonosí ku kècher nan yu di Kòrsou, den pasado Kenley Jansen tambe a hunga kècher pa e ekipo aki.

April 13, 2013April 19, 2013

Roderick Bernadina ta pasa pa Aberdeen IronBirds

ABERDEEN, Maryland – E ekipo di Delmarva Shorebirds a añadí infielder Tucker Nathans na nan roster i pa hasi lugá a manda Roderick Bernadina Aberdeen. Meskos ku Delmarva Shorebirds, e ekipo di Aberdeen IronBirds tambe ta un afiliashon di e ekipo di Baltimore Orioles den klase A. E úniko diferensia ta ku Aberdeen ta hunga un temporada mas kòrtiku. Aberdeen su temporada ta kuminsa 17 di yüni próksimo.

Bernadina su ultimo partido ku Delmarva tabata djaweps 11 di aprel kaminda e la haña solamente un turno nan bate promé ku saka for di e partido. Roderick a bin ta hasi un bon trabou pa e ekipo di Delmarva Shorebirds. Den ocho partido ku Bernadina a hunga aden e tabata tin un promedio di .364 for di kua un tripel, un honron i kuater kareda empuha.

April 13, 2013April 20, 2013

Jonathan Schoop ku promé honron di temporada

DURHAM, North Carolina – Jonathan Schoop a konektá su promé honron di temporada kontra e ekipo di Durham Bulls. Schoop su honron a bin den di tres ining ku niun hende na base. E honron aki ta Schoop su di sinku hit den su ultimo 27 turno nan na bate i ta su promé hit di base èkstra pa e temporada aki. Ketu bai Jonathan ta purbando na sali for di e rachá friu ku e ta den. Schoop ta batiendo pa un promedio di .185 aktualmente.