E hóben shortstop Jurickson Profar lo djòin e ekipo di liga grandi di Texas Rangers pa asina hunga e parti final di e wega kontra Chicago White Sox mañan djasabra. Profar, 19, a sali e hungadó di liga menor di aña pa e organisashon di Texas Rangers. Aktualmente Profar ta den kampamentu di liga menor.
Shairon Martis ta riba montikulo awe nochi pa Pittsburgh Pirates kontra Boston Red Sox. E wega aki lo wòrdu transmití 8’or di anochi riba MLB Network. Martis a wòrdu firma pa Pirates despues ku e la poncha 146 den 133 ining pa Harrisburg dòbel A. Aparentemente e ekipo di Washington Nationals no tabata interesá mas den Martis pa motibu nan di kondishon físiko.
E picher yu di Kòrsou di Los Angeles Dodgers, Kenley Jansen mester a hasi un bishita na dòkter awe despues ku e tabata eksperensia un falta di rosea huntu ku un batimentu di kurason iregular den ora nan di marduga. Despues di su bishita na dòkter, Dr. John Monroe a duna Jansen lus bèrdè pa siguí ku aktividat nan di beisbòl. Entre tantu Jansen a regresá Camelback Ranch awe i ta di skedjel pa hunga fangu durante di dia.
Kiko a pasa?
Segun Jansen e la lanta banda di 2:30 di mainta dor di e batimentu fuerte di su kurason. Tambe e la bisa di tabata tin falta di rosea. “E tabata bati hopi lihé pa mas òf ménos mei ora,” Jansen a bisa di su kurason. Segun Jansen e no tabata for di ritmo manera aña pasa. Den kareda di 3’or di mainta Jansen a yama un di e trainer nan di Dodgers i despues durante dia e la bishita Dr. John Monroe.
Jansen a pasa un luna riba lista di hungadó leshoná temporada pasa pa motibu di problema ku kurason. E la keda hospitalisá durante un siman ku batimentu di kurason iregular i a wòrdu suministrá ku medikamentu pa hasi sanger ménos diki.
Jansen tabata tin un averahe di 16.1 ponche pa kada nuebe ining, poniendo asina aki un rèkòrt di tur tempu den liga grandi.
Andruw Jones lo bisti number 22 e temporada aki. Jones a kambia su number di moda ku e pitcher Hapones Hiroki Kuroda por haña number 18, un number ku e picher aki a bisti durante henter su karera.
Segun Jones e la entregá e number dor di rèspèt pa e wega di beisbòl. Jones a sigui bisando ku, “Kuroda ta hopi superstisioso ora ta trata su number. E ta algu di e Hapones nan, tur nan mihó pitcher nan ta sea number 11 òf number 18.”
“18 no ta mi number, kiermen ma pas’é over. Entrega e number no ta gran kos,” Jones a añadí.
Siguientemente bo por mirá un entrevista entre Andruw Jones i Jack Curry di YES Network.
Segun e kolumnista di MLB.com Bernie Pleskoff, Didi Gregorius ta un batido surdu ku ta hunga den kuadro ku un sintimentu inkreibel pa e wega di beisbòl. Su kordinashon di pia i instinto ta na nivel di liga grandi. Usando un promé stap hopi lihé, Gregorius su alkanse pa tur dos banda di kuadro ta sólido. Ku shortstop komo su posishon natural, Gregorius fásilmente ta reta Zack Cozart i Paul Janish pa tempu di wega den futuro.
Algun hende por kuestioná Gregorius su abilidat pa bati picheo di liga grandi. Pero segun Pleskoff, Gregorius tin un swing natural di liña, ku man nan hopi lihé na plato. Su kobertura di plato ta ekselente i pa un hungadó hóben, picheo nan ku ta kibra riba plato no ta gaña Gregorius.
Pleskoff ta siguí bisa ku Gregorius mester di eksperensiá i ripitishon, pero e tin un chèns di bira un hungadó speshal. Ku mas eksperensia, Gregorius lo hunga i bati su kaminda pa liga grandi. Tin ora Gregorius ta parse muchu agresivo, pero Gregorius lo no wòrdu ninga, Pleskoff a tèrminá bisando.
Temporada pasa Gregorius a hunga tantu den klase A komo den dòbel A i e la bati pa un averahe kombiná di .289 ku shete honron i 44 kareda empuhá.
Awe e selekshon Hulandes ku a sali kampion na Panamá aña pasa den mundial di beisbòl ta kuminsá su partisipashon na e torneo St. Petersburg International Baseball. E torneo aki ta un torneo ku ta wòrdu organisá tur aña i e aña aki seis ekipo di liga grandi lo hunga kontra Hulanda, Canada i Merka. Awe e selekshon Hulandes lo tin su promé wega kontra Canada.
E siguiente hungadó nan ta forma parti di e ekipo Hulandes ku a biaha pa St. Petersburg, Florida:
Kuerpo tékniko:
Brian Farley – manager
Steve Janssen – coach
Wim Martinus – coach
Tjerk Smeets – coach
Ben Thijssen – coach
Picher (12):
David Bergman (Corendon Kinheim), Leon Boyd (Burnaby Bulldogs, Canada), Dennis Burgersdijk (Mr.Cocker HCAW), Rob Cordemans (L&D Amsterdam), Berry van Driel (DOOR Neptunus), Diegomar Markwell (DOOR Neptunus), Steven van Groningen (Corendon Kinheim), Kevin Heijstek (DOOR Neptunus), Tim Roodenburg (DOOR Neptunus), Nick Stuifbergen (L&D Amsterdam), Kyle Ward (UVV) i Orlando Yntema (UVV).
Kècher (3):
Danny Arribas (DSL Pirates), Quentin de Cuba (Corendon Kinheim) i Bas Nooij (L&D Amsterdam).
Infielders (8):
Jeffrey Arends (DOOR Neptunus), Michael Duursma (Vaessen Pioniers), Bryan En-gelhardt (Corendon Kinheim), Roeland Henrique (L&D Amsterdam), Dwayne Kemp (DOOR Neptunus), Gyenuar Lopez (Vaessen Pioniers), Mark Jan Moorman (Vaessen Pioniers) i Vince Rooi (L&D Amsterdam).
Outfielders (5):
Shaldimar Daantji (DOOR Neptunus), Eugene Kingsale (DOOR Neptunus), Bas de Jong (L&D Amsterdam), Rafael Jozefa (DOOR Neptunus) i Danny Rombley (UVV).
Jair Jurrjens
Jair Jurrjens a picha den su promé wega di Spring Training sin ningun molèster na su rudia drechi. Jurrjens a bisa, “mi tabata purba na haña e sentimentu di pusha for di riba montikulo i no sinti molèster na e rudia i na mi persepshon mi a logra den esaki.”
Jurrjens tabata tin 47 picheo i a wòrdu karga ku dos kareda i tres hit. Tambe Jurrjens a poncha unu i permití un base por bola.
Andrelton Simmons
Den e partido aki Andrelton Simmons tambe a mira aktuashon. Simmons tabata tin un turno na bate den kua e la konektá un tripel empuhador di un kareda.
Didi Gregorius
Di otro banda e otro hóben yu di Kòrsou prospekto di Cincinnati, Didi Gregorius no a keda atras. Gregorius tabata tin un turno na bate den e partido di Cincinnati kontra Cleveland i a konektá un doblete. Den un wega ‘B’ kon Cincinnati a hunga, Gregorius a konekta un tripel i asina empuhando dos kareda.
Roger Bernadina
Roger Bernadina ku ta luchando pa un posishon den e ekipo di Washington Nationals tambe a mira aktuashon awe. Berndadina tabata tin dos turno na bate den kua e la haña un base por bola i konektá un hit.
Atlanta Braves a anunsiá ku nan lo tin 21 hungadó ku no ta riba nan roster di 40 komo invitado na Spring Training 2012. Den e invitado nan tin e hóben shortstop yu di Kòrsou, Andrelton Simmons. Simmons ta un di e prospekto nan ku ta primintí hopi na e posishon di shortstop. Na 2010 Simmons a wòrdu di draft pa Atlanta prinsipalmente pa su defensa. Simmons a sorprendé tur hende aña pasa despues di a terminá temporada ku un averahe di .311 ku e ekipo di Lynchburg Hillcats.
Atlanta Braves ta train na ESPN Wide World of Sports Complex na Lake Buena Vista, Florida. Picher i kècher ta reportá na Spring Training riba djadumingu 19 di febrüari, miéntras ku hungadó nan di posishon ta reportá riba djabièrnè, 24 di febrüari. E promé training ku ekipo kompleto ta tuma lugá riba djasabra, 25 di febrüari.
Despues ku e ekipo di Beisbòl Profeshonal Venezolano Bravos di Margarita a gana solamente 15 wega i pedri 27 bou di mando di Don Baylor, e ekipo a disidí di retirá Baylor.
E lugá di Don Baylor a keda den man di e coach di bateo kual ta Hensley Meulens. Banda di ku Bravos di Margarita ta e ekipo ku rekòrt mas malu den e liga tambe nan esun ku ofensiva mas malu, ku un averahe di bateo di .231, 134 kareda anotá i 119 kareda empuhá.
E left fielder di Milwaukee Brewers, Ryan Braun ku su bateo oportuno a yuda Brewers gana e titulo di Liga Nashonal Sentral a wòrdu premio ku e premio di Hungadó Mas Balioso den Liga Nashonal pa e Asosashon di Eskritor di Beisbòl. Braun a terminá temporada ku un averahe di .332, 109 kareda anotá, 111 kareda empuhá i 33 honron.