Category: Futbòl

WILLEMSTAD — Manera ya ta konosí nos selekshon nashonal a klasifiká pa e segundo buèlta di Caribbean Cup i preparashonnan a kuminsá pa loke ta trata e 2 kompromisonan di nos selekshon nashonal.

Nos promé partido lo ta kontra Guyana Inglés djarason, promé di yüni miéntras djamars 7 di yüni nos lo enfrentá U.S. Virgin Island. Ámbos partido lo tuma lugá aki na Kòrsou den Stadion Ergilio Hato (SDK) pa 8or di anochi.

En konekshon ku e preparashonan pa nos siguente kompromisononan di Caribbean Cup, djabièrnè 20 di mei, nos selekshon nashonal lo tin un partido amistoso kontra e ekipo kampion di Terser Divishon aya na Hulanda, R.K.V.V. Westlandia. E partido aki lo tuma lugá na Hulanda, 8or di anochi (ora di Hulanda) riba e tereno di Excelsior Maasluis i lo wòrdu transmití pa Fox Sports.

E siguiente hungadónan a keda selekshoná pa partisipá na e partido amistoso aki:

1. Eloy Room
2. Joel Saro
3. Shanon Carmelia
4. Elson Hooi
5. Leandro Bacuna
6. Luidjino Hojer
7. Gino van Kessel
8. Michaël Maria
9. Rhu-Endly ‘Cuco’ Martina
10. Vidarell ‘Papito’ Merencia
11. Rihairo Meulens
12. Rangelo Janga
13. Ayrton Statie
14. Irvingly Eijma
15. Rigino Cecilia
16. Jason Wall
17. Germaine ‘Kemy’ Agustien
18. Felicitano Zschusschen
19. Gillian Justiana
20. Derwin Martina

Despues di e partido amistoso aki, nos hungadónan residensiá aya na Hulanda lo yega Kòrsou den e wikènt di 27 di mei pa asina djòin nos hungadónan lokal i sigui ku e training nan pa nos 2 kompromisonan den e segundo buèlta di Caribbean Cup 2016.

Karchinan pa e 2 partidonan aki lo ta optenibel entrante djaluna 23 di mei na FFK bou di ora di ofisina, Botika Mampuritu, Beep Beep, 4th of July Snèk na Barber, pòmp di gasolin Santa Maria i na tur filial di C-Post N.V.

E preisnan pa e diferente paketenan pa sekshonnan ta lo siguiente:

• VIP ta kosta Fl.300,-  (inkluso konsumo);
• Bou di tribuna kubrí ta Fl.75,-
• Bou di tribuna kubrí parti Festival Center ta Fl.50,-
• Tribuna no kubrí ta Fl.30,-
• Den e sekshon di tribuna no kubrí mucha te ku 12 aña i 60+ ta paga Fl.20,-

Tene na kuente ku e preisnan aki ta válido pa ámbos partido, pues bo ta kumpra un pakete di karchi pa tur e 2 partidonan aki!

Ahinda tin mas suèter di nos selekshon nashonal ku shal optenibel na FFK bou di ora di ofisna na balor di 35 ku 25 florin. Pasa buska di bo pa asina bo bin sostené i apoya nos hungadónan.

Reservá djarason dia promé di yüni i diamars 7 di yüni pa bo ta den stadion Ergilio Hato komo e number 12 sosteniendo nos selekshon nashonal.

WILLEMSTAD — Despues di un tremendo kampionato di dama aña pasa, FFK kier a anunsiá ku e kampionato di dama 2016 ta ranka sali djasabra aki den gran forma.

E gran apertura di kampioanto di dama ta tuma lugá djasabra 7 di mei mitar di 5 di atardi den Stadion Antoine Maduro (SUBT). E 2 ekiponan ku lo mira akshon durante e gran apertura aki ta e ekipo kampion di aña pasa, Inter Willemstad i e ekipo sup kampion kual ta Hubentut Fortuna.

Tur e partidonan di e kampionato di dama lo tuma lugá den Stadion Antoine Maduro durante e djasabranan binidero. Un total di 7 klup di dama a inskribí i lo partisipá na e kampionato aki. Esakinan ta lo siguiente: Hubentut Fortuna 1, Hubentut Fortuna 2, Victory Queens, Inter Willemstad 1, Inter Willemstad 2, SUBT 1 i SUBT 2.

E kampionato lo wordu hunga ku ekiponan di 7 kontra 7, un durashon di 30 minüt pa banda ku un pousa di 10 minüt i mitar tereno.

Skema Kampionato Dama pa e aña aki: 

FFK kier a invitá hinter e pueblo di Kòrsou pa bin presensia e weganan aki kaminda e dama nan di Kòrsou lo bai demostrá ku nan tambe tin e deporte rei, futbòl, bon dominá. E weganan aki ta kompletamente grátis, pues ta abo so falta

WILLEMSTAD — Departamento di arbitrahe di FFK ta bai organisá su di dos kurso di arbitrahe pa e aña aki. Despues di e promé kurso básiko ku a resultá di ta un éksito, awor ta bai organisá e segundo kurso básiko pa tur hende di 14 aña òf mas pa dirigí entre otro weganan di sekshon hubenil ku ta e kategoria di U-9 te ku U-20 i tambe Liga MCB Terser Divishon.

E kurso lo inisiá 12 mei 2016 i lo finalisá 5 di yüli próksimo ku un èksamen.

E kurso aki lo tuma lugá na Edifiso Mordy Maduro (FFK) i e orario lo ta di 18.00pm pa 20.00pm riba djamars i djaweps.

Pa inskripshon por tuma kontakto ku departamento di arbitrahe na referee@ffk.cw òf via di telefòn na 7365057, 5112915, 5128617, 5202587. Por inskribí te ku dia 12 di mei mainta.

Pa abo ku ta un hóben dinámiko ku outoridat i ku ambishon pa bira rèfri, esaki ta bo oportunidat!

Inskribí awe mes, departamento di arbitrahe i FFK ta warda bo!

WILLEMSTAD — Manera ya ta konosí nos selekshon nashonal a klasifiká pa e siguiente buèlta di Caribbean Cup 2016. Esaki  despues di a pèrdè ku e skor di 1-0 kontra Barbados i a gana Sto.Domingo ku e skor di 2-1.

Despues di un sorteo ku a tuma lugá na aprel último, a bira konosí ku U.S. Virgin Island i Guyana Ingles lo bai ta e dos ekiponan ku nos lo enfrentá na yüni próksimo den e siguiente buèlta di Caribbean Cup.

Den promé instante nos mester a enfrentá Guyana dia promé di yüni aya na Guyana den National Stadium Providence i enfrentá U.S Virgin Island kuater di yüni aki na Kòrsou den Stadion Ergilio Hato. Ta asina Guyana a hasi un petishon na FFK pa e partido aki tuma lugá aki na Kòrsou debí ku nan stadion lo ta okupá ku weganan internashonal di ‘cricket’.

FFK a bai di akuerdo i ta ofisial ku ámbos partido lo tuma lugá aki na Kòrsou dianan promé i shete di yüni próksimo den Stadion Ergilio Hato. Pues awor, en bes di un, nos lo bai disfrutá di dos tremendo partido di nos selekshon nashonal kontra Guyana Ingles djárason, promé di yüni miéntras djamars shete di yüni nos lo enfrentá U.S. Virgin Island.

Nos hungadónan di Hulanda lo yega Kòrsou den e wikènt di 27 di mei pa asina djòin nos hungadónan lokal i kuminsá ku e training nan pa nos dos kompromisonan den e segundo buèlta di Caribbean Cup 2016.

Nos ‘head coach’ Sr. Patrick Kluivert a avisá for di aña pasa ku den futuro e lo ke bira direktor tékniko di un ekipo pa e por ta tur dia riba tereno di wega. P’esei ela yega na un akuerdo ku Ajax ku ta drenta na vigor na yüli 2016. E lo ta na kabes di nos selekshon nashonal pa último bia dianan promé ku shete di yüni próksimo pa e dos partidonan aki. Despues elo despedí pero lo keda ku relashon ku nos selekshon, FFK i Kòrsou.

Pronto nos lo duna mas informashon di e dos partidonan aki i lo kuminsá ku benta di karchi.

Ainda tin mas suèter di nos selekshon nashonal ku shal optenibel na FFK bou di ora di ofisina na balor di 35 ku 25 florin. Pasa buska di bo pa asina bo bin sostené i apoyá nos hungadónan. Reservá djárason dia promé di yüni i djamars shete di yüni pa bo ta den stadion Ergilio Hato komo e number 12 sosteniendo nos selekshon nashonal.

WILLEMSTAD — Kampionato Hubenil ta kontinuá e wikènt aki riba djabièrnè i djasabra na diferente tereno rònt Kòrsou.

Manera tur siman MCB i FFK ta invitá hinter pueblo di Kòrsou pa asistí na e partidó aki i pasa un ratu ameno den kompania di bo famia i alabes disfrutá di e tremendo partidonan di futbòl aki. Bin sostené i apoyá e futuro nan di mañan.

Resultadonan kategoria U-9 te ku U-15:

U-17 & U-20:

Skema U-9 te ku U-15:

Skema U-17 & U-20: