Category: Futbòl

Posted on

Liga MCB Segundo divishon ta bai kuminsá

WILLEMSTAD — Despues di un éksitoso apertura di Liga MCB Promé Divishon, kaminda e ekipo di Centro Dominguto a gana Jong Colombia ku e skor di 5-0, awor ta toka turno na Liga MCB Segundo Divishon pa ranka sali.

E promé partido di Liga MCB Segundo Divishon ta tuma lugá na tereno di FFK 7or di anochi i e partido aki lo ta entre e ekipo di Fc.Sithoc ku Indekor miéntras e segundo partido lo ta entre U.D Tera Kòrá i Sta Cruz pa 9or di anochi.

E kampionato di Segundo Divishon ta wòrdu hunga manera esun di Promé Divishon i entrada pa e partidonan aki lo ta grátis.

E ekiponan ku ta partisipá na Liga MCB Segundo Divishon ta lo siguiente: 

  1. FcSithoc
  2. Inter Willemstad
  3. U.D. Tera Kòrá
  4. Marquita
  5. C.H. Mahuma
  6. Indekor
  7. De Koning
  8. New Song
  9. Sta Cruz
  10. Atomic

Tur e partidonan aki ta tuma lugá na tereno di FFK. Nos kier a rekòrdá tur fanátiko ku lo bin presensia e weganan aki, ku e úniko entrada pa tereno di FFK ta di e área di parkeo di e skol Emmanuel. Pues tin ku bin di Gosieweg, pasa den banda di e barikada nan, pasa dilanto Hot Wings Café, Robbie’s Lottery etc, subi e área di parkeo di e skol Emmanuel i sigui bin patras na FFK.

Un yamada ta bai na hinter e pueblo di Kòrsou pa asistí na e gran apertura di Liga MCB Segundo Divishon ku ta ranka sali mañan 18 di aprel. Bin pasa un ratu ameno den kompania di bo famia i disfrutá di bo deporte preferí e deporte rei, futbòl!

Posted on

Centro Dominguito kontra Jong Colombia den apertura Liga MCB

WILLEMSTAD — Despues di un tremendo Kampionato aña pasa, FFK i MCB ta anunsiá e gran apertura di Liga MCB Promé Divishon ku ta tuma lugá djadumingu, 17 di aprel binidero den Stadion Antoine Maduro (SUBT) 6or di atardi.

E dos ekiponan ku lo mira akshon den e gran apertura di Liga MCB Promé Divishon lo ta e ekipo kampion di Liga MCB Promé Divishon 2015, Centro Dominguito i e ekipo di Jong Colombia.

E aña aki Liga MCB ta wòrdu dediká na e siguiente baluartenan; Sr. Ruben Brandborg (eks hungadó), Sr. Edgar Meulens (eks hungadó), Wilbert Martijn (eks hungadó),           Sr. Keneth Brigitha (rèfri) i Sr. Erwin Rekondi (eks dirigente). E persona nan aki ta tin un kontribushon enorme na e desaroyo di e deporte rei, futbòl. P’esei nan lo wòrdu homenahiá i FFK lo dediká e kampionato di e aña aki na nan.

Porta nan lo ta habri for di mitar di 4 di atardi i karchinan lo ta optenibel na lokètnan di SUBT promé ku wega. E entrada pa e wega di apertura ta kosta 10 florin pa adulto miéntras mucha te ku 12 aña i 60+ ta kosta fl.5,-. Animashon musikal lo ta na enkargo di un DJ.

Promé ku e gran apertura di Liga MCB Promé Divishon, lo tin un partido di dama entre SUBT i Hubentut Fortuna 4or di atardi.

E partidonan di Liga MCB Promé Divishon lo tuma lugá den Stadion Stadion Ergilio Hato (SDK) i den Stadion Antoine Maduro (SUBT). Weganan ta wòrdu hunga den wikènt esta, djabièrnè, djasabra i djadumingu. Na momento ku un wega keda kanselá lo reprogramá e wega aki durante di siman. E parti di seguridat ta den man di CVD, Cops i Kuerpo Polisial i tur e weganan lo wòrdu dirigí pa árbitronan afiliá na FFK.

Preis pa kampionato regular ta 6 florin general i 60+ ku mucha te ku 12 aña ta kosta fl.2.50.

E ekiponan ku lo partisipá na Liga MCB Promé Divishon ta lo siguiente:

  1. Centro Dominguito
  2. CSD Barber
  3. Hubentud Fortuna
  4. Victory Boys
  5. Undeba
  6. Jong Holland
  7. Scherpenheuvel
  8. SUBT
  9. Jong Colombia
  10. Vesta

Liga MCB Promé Divishon lo wòrdu hunga di e siguiente manera;

E promé fase lo konsistí di dos buèlta regular den kua kada ekipo ta enfrentá otro na dos okashon ku ta suma un total di 90 wega. Den e segundo fase (buèlta di 6),e promé 6 ekiponan despues di e buèlta nan regular ta klasifiká pa e play off entre di seis klup den kua kada ekipo ta enfrentá otro na un okashon ku ta lo suma un total di 15 wega. Den e terser fase (buèlta di 4), e promé kuater ekiponan den e play off di 6 klup ta klasifiká pa sigui den e play off entre di 4 klup den kua kada ekipo ta enfrentá otro na un okashon ku ta un total di 6 wega i den e delaster fase (Final), e dos promé ekiponan den e play off di 4 klup ta klasifiká pa e wega final di e kampionato pa mira ken ta titulá nan mes kampion di Liga MCB Promé Divishon.

Konforme e desishon di reunion general e sistema di promoshon/degradashon pa e kampionato aki ta keda vigente.

Pues e ekipo nr. 10 di Liga MCB Promé Divishon ta hunga dos partido promoshon/degradashon ku e ekipo Kampion nr. 1 di Liga MCB Segundo Divishon.

Liga MCB Segundo Divishon ta kuminsá djaluna dia 18 di aprel 2016. E promé partido di Liga MCB Segundo Divishon ta tuma lugá na tereno di FFK mitar di 8 di anochi i e partido aki lo ta entre e ekipo di Fc.Sithoc ku Indekor.

E ekiponan ku ta partisipá na Liga MCB Segundo Divishon ta lo siguiente:

  1. Fc Sithoc
  2. Inter Willemstad
  3. U.D. Tera Kòrá
  4. Marquita
  5. C.H. Mahuma
  6. Indekor
  7. De Koning
  8. New Song
  9. Sta Cruz
  10. Atomic

E kampionato di Segundo Divishon ta wòrdu hunga manera esun di Promé Divishon i entrada pa e partidonan aki lo ta grátis.

Un yamada ta bai na hinter e pueblo di Kòrsou pa asistí na e gran apertura di Liga MCB Promé i Segundo Divishon ku ta ranka sali 17 i 18 di aprel próksimo. Bin pasa un ratu ameno den kompania di bo famia i disfrutá di bo deporte preferí e deporte rei, futbòl!

Posted on

Kampionato Hubenil ta kontinuá na diferente tereno rònt Kòrsou

WILLEMSTAD — Kampionato Hubenil ta kontinuá e wikènt aki riba djabièrnè i djasabra na diferente tereno rònt Kòrsou. Manera tur siman MCB i FFK ta invitá hinter pueblo di Kòrsou pa asistí na e partidó aki i pasa un ratu ameno den kompania di bo famia i alabes disfrutá di e tremendo partidonan di futbòl aki. Bin sostené i apoyá e futuro nan di mañan. Tur e weganan aki ta grátis!

Resultadonan kategoria U-9 te ku U-15: 

Djasabra 2 aprel 2016
Kategoria A
Stadion Tim di Kas Bishitante U-9 U-11 U-13 U-15
VESTA VESTA Plastico Danella N.V. SUBT A  0-9 8-2 7-3 2-5
SAM UNDEBA Jong Colombia – – – Cancelled
WILLEMSTAD (1) Inter Willemstad B Victory Boys – 1-3 – –
FFK New Song Hubentud Fortuna – 4-1 D 3–0 9-5
TERA KÒRÁ U.D. Tera Kòrá Jong Holland – – – 3-3
SDK Sithoc/Marchena Gemstones United Kura Piedra – 3-0 7-2 2-1

 

Djasabra 2 aprel 2016
Kategoria B
Stadion Tim di Kas Bishitante U-11B U-13B U-15B
SAM SUBT B Excellence D – 9-1 –
SAM SUBT B Inter Willemstad B – – 1-6
SAM F.C. Stallions UNDEBA – 0-3 –
WILLEMSTAD (1) Inter Willemstad C Excellence C – 6-1 –
WILLEMSTAD (1) Excellence C Atletiko Salinja B – – Cancelled

Kategoria U-17 ku U-20: 

Djabièrnè 1 aprel 2016
Stadion/Tereno Tim di Kas Bishitante U-17 U-20
VESTA UNDEBA Jong Colombia 4-1 –
VESTA Excellence A Jong Colombia – 1-4
SAM SUBT Mahuma 3-1 2-5
FFK Scherpenheuvel Centro Dominguito 1-1 1-0
Djasabra 2 aprel 2016
Stadion/Tereno Tim di Kas Bishitante U-17 U-20
SAM Sithoc/Marchena Hubentud Fortuna 3-1 –
FFK Centro Barber VESTA Plastico Danella N.V. 4-1 2-1

Skema kategoria U-9 te ku U-15: 

Djasabra 9 aprel 2016
Kategoria A
Stadion Tim di Kas Bishitante U-9 U-11 U-13 U-15
VESTA Jong Holland Quick ’60 10:00 – – –
VESTA Jong Holland Gemstones United Kura Piedra – 11:20 12:50 14:30
SAM SUBT A Atletiko Saliña C 10:00 – – –
SAM SUBT A New Song – 11:20 12:50 14:30
WILLEMSTAD (1) Inter Willemstad B Atletiko Saliña A 10:00
WILLEMSTAD (1) Inter Willemstad A Atletiko Saliña A – 11:20 12:50 14:30
WILLEMSTAD (2) F.C. Stallions Atletiko Saliña B 10:00 – – –
VICTORY BOYS Victory Boys Excellence A 10:00 11:20 12:50 –
FFK Excellence A Jong Colombia – – – 13:45
SCHERPENHEUVEL Scherpenheuvel Sithoc/Marchena – 10:00 11:30 13:15
TERA KÒRÁ UNDEBA VESTA Plastico Danella N.V. – – – 11:00
TERA KÒRÁ U.D. Tera Kòrá Hubentud Fortuna – – – 13:00

 

Djasabra 9 aprel 2016
Kategoria B
Stadion Tim di Kas Bishitante U-11B U-13B U-15B
WILLEMSTAD (2) Excellence D F.C. Stallions 11:20 – –
WILLEMSTAD (2) Excellence C Atletiko Salinja B 12:40 – –
WILLEMSTAD (2) Quick ’60 SUBT B 14:00 – –
FFK Gemstones United Kura Piedra Excellence D – 10:00 –
FFK Gemstones United Kura Piedra Inter Willemstad B – – 11:45

Kategoria U-17 ku U-20: 

Djabièrnè 8 aprel 2016
Stadion/Tereno Tim di Kas Bishitante U-17 U-20
VESTA VESTA Jong Holland 19:00 –
VESTA Centro Barber Hubentud Fortuna – 21:00
FFK Atletiko Saliña A New Song 19:00 –
FFK Inter Willemstad B UNDEBA 21:00 –
  Inter Willemstad A Centro Dominguito 19:00 21:00
Djasabra 9 aprel 2016
Stadion/Tereno Tim di Kas Bishitante U-17 U-20
FFK Mahuma Excellence A 18:30 20:30
SDK Victory Boys Sithoc/Marchena 18:30 20:30

 

Posted on

Guyon Fernandez ta yega na akuerdo ku ekipo di Ukrania

UKRANIA — Según informashonnan, Guyon Fernandez a  yega na un akuerdo ku e ekipo di Stal Dniprodzerzhynsk na Ukrania. Ekipo menshona ta na di ocho luga riba tabla di posishon den e nivel di futbol mas haltu na Ukrania.

Na komienso di yanuari, Guyon a kibra su kontrakt ku e tabata tin na Oustralia. Despues di esaki Fernandez tabata riba prueba ku e ekipo di Aberdeen na Eskosia, e ultimo aki no a ofrese un kontrakt na e atakante.

Posted on

Kòrsou den Grupo 3 di e Segundo Buelta di Kopa Karibe

WILLEMSTAD — Manera ya ta konosí nos selekshon nashonal a klasifiká pa e siguiente buèlta di Caribbean Cup 2016. Esaki  despues di a pèrdè ku e skor di 1-0 kontra Barbados i a gana Sto.Domingo ku e skor di 2-1.

Esaki a pone ku Kòrsou i Antigua & Barbuda a terminá empatá na mesun puesto. P’esei un sorteo mester a tuma lugá pa sa ken lo ta e di 5 i di 6 finalista.

Ayera a via Skype a tuma lugá e sorteo ku lo mester a determiná kua finalista nos lo ta i den kua pul nos lo a kai. Nos a resultá e di 5 finalista ku a kai den pul 3 huntu ku U.S. Virgin Island i Guyana kende nan lo bai ta e 2 ekiponan ku nos lo enfrentá na yüni próksimo.

Skema di wega Caribbean Cup buèlta 2: 

Fecha Tim di kas Bishitante Stadion
1 1 yüni 2016 Guyana Kòrsou National Stadium providence (Guyana)
2 4 yüni 2016 Kòrsou U.S. Virgin Island Stadion Ergilio Hato (SDK, Kòrsou)
3 7 yüni 2016 U.S. Virgin Island Guyana Adelita Cancryn Playing Field (U.S. Virgin Island)

Orarionan di e partidonan aki lo wòrdu stipulá mas despues. Keda pendiente pa mas informashon i detayenan di Caribbean Cup su segundo buèlta ku lo tuma lugá na yüni próksimo.

Posted on

Sorteo lo determiná ken Kòrsou ta topa den siguiente buèlta di Kopa Karibe

WILLEMSTAD — Nos selekshon nashonal a klasifiká pa e siguiente buèlta di Caribbean Cup 2016. Esaki  despues di e resultado di e partido entre Republika Dominikana i Barbados ku a tuma lugá dia 29 di mart na Republika Dominikana. E selekshon Dominikano a gana e wega aki ku e skor di 2-0 i a eliminá Barbados. Kòrsou despues di a sufri un derota kontra Barbados ku e skor di 1-0 i logra un viktoria kontra Republika Dominikana di 2-1 ku golnan anotá pa Gino van Kessel i Felitciano Zschusschen, ta sigui pa e segundo buèlta di Caribbean Cup ku lo tuma lugá den kuminsamentu di yüni 2016.

Tabla di posishon: 

  WH WG WE WP Punto GF GK Saldo
Republika Dominikana 2 1 0 1 3 3 2 1
Kòrsou 2 1 0 1 3 2 2 0
Barbados 2 1 0 1 3 1 2 -1

Durante un sorteo lo bira konosí kua ta e grupo ku nos lo ta den e siguiente buèlta di Caribbean Cup na yüni próksimo.

Federashon di Futbòl Kòrsou (FFK) i nos selekshon nashonal di futbòl bou di guia di Patrick Kluivert ta yama danki na pueblo di Kòrsou i prinsipalmente na e fanátikonan ku tabata presente den Stadion Ergilio Hato pa e sosten ku nos a risibí pa e wega kontra Sto.Domingo djasabra último. Un danki spesial tambe ta bai na tur medio di komunikashon pa nan kobertura durante e partidonan aki, danki na tur spònser, instansianan i un i tur ku a kolaborá pa un anochi eksitoso.

FFK i MCB kier a yama nos selekshon nashonal pabien pa nan logro i danki pa un biaha mas a saka kara di nos dushi isla.

Posted on

Kòrsou ta keda na bida despues di derota Repúblika Dominikana

WILLEMSTAD — Despues di a pèrdè e promé partido kontra e selekshon di Barbados den Kopa Karibe 2016, Kòrsou a drenta e partido kontra Repúblika Dominikana ku lomba kontra muraya. Djasabra e selekshon lokal tabata tin mester di un viktoria pa mantené nan mes den e kampionato. Esaki a logra tambe ora e selekshon di Kòrsou a gana den Stadion Ergilio Hato ku skor di 2-1. Tabata Gino van Kessel ku a habri e markadó na di 66 minüt pa Kòrsou. Despues na di 77 minüt e kos a kompliká un tiki ora ku Edipo Rodriguez e empatá e partido riba un tiru liber. No a dura masha ku Felitciano Zschusschen ta manda Kòrsou bek ariba na di 81 minüt di e partido.

Barbados ya tin un pia den e siguiente buèlta pero mester sigurá esaki dia 29 di mart ora nan enfrentá Repúblika Dominikana.

Tabla di posishon:

Ekipo Hunga G E P GF GK GD Pt.
Barbados 1 1 0 0 1 0 1 3
Kòrsou 2 1 0 1 2 2 0 3
Repúblika Dominikana 1 0 0 1 1 2 -1 0

Partido di Kòrsou kontra Repúblika Dominikana:

Posted on

Norvianel Naar i Bryan Bakboord ta keda konvoka pa partido kontra Republika Dominikana

WILLEMSTAD — Awor ku nos promé kompromiso kontra Barbados ta tras di lomba, tur enfoke ta riba nos segundo kompromiso di e promé buèlta di Caribbean Cup. P’esei 2 hungadó lokal a keda aserká pa forma parti na e training nan di nos selekshon nashonal pa fortalesé nos selekshon aun mas. Ta trata aki di Norvianel Naar (Jong Colombia) i Bryan Bakboord (Victory Boys).

Posted on

Kòrsou a perde partido kontra Barbados ku skor di 1-0

BARBADOS — Lamentabelmente nos selekshon nashonal no a logra optené su promé 3 puntonan despues di a kai vensí kontra Barbados ku e skor mínimo di 1-0 den e promé partido válido pa e promé buèlta di e weganan pa eliminatorio pa Caribbean Cup 2016. E partido a tuma lugá aya na Barbados den stadion Usain Bolt Sport Complex miéntras e segundo partido lo tuma lugá aki na Kòrsou dia 26 di mart próksimo, 6:30pm den Stadion Ergilio Hato (SDK).

Nos selekshon nashonal ta konsistí di e siguiente hungadónan despues ku lamentabelmente algun a kai afo dor di leshon:

1. Eloy Room

2. Jarzinho Pieter

3. Rowendy Sumter

4. Germain Agustien

5. Jarchinio Antonia

6. Leandro Bacuna

7. Shanon Carmelia

8. Luidjino Hoyer

9. Rangelo Janga

10. Gillian Justiana

11. Gino van kessel

12. Doriano Korstam

13. Darryl Lachman

14. Micheal Maria

15. Rhu-Endly Martina

16. Vidarell Merencia

17. Dustley Mulder

18. Gevaro Nepomuceno

19. Everon Pisas

20. Jason Wall

21. Felitciano Zschusschen

Awor ku nos promé kompromiso kontra Barbados ta tras di lomba, tur enfoke ta riba nos segundo kompromiso di e promé buèlta di Caribbean Cup. P’esei 2 hungadó lokal a keda aserká pa forma parti na e training nan di nos selekshon nashonal pa fortalesé nos selekshon aun mas. Ta trata aki di Norvianel Naar (Jong Colombia) i Bryan Bakboord (Victory Boys).

Karchinan ya ta na benta i e preisnan pa e diferente sekshonnan ta lo siguiente:

* VIP ta kosta Fl. 250,- (inkluso konsumo);

* Bou di tribuna kubrí ta Fl. 50,-

* Bou di tribuna kubrí parti Festival Center ta Fl. 35,-

* Tribuna no kubrí ta Fl. 25,-

* Den e sekshon di tribuna no kubrí mucha te ku 12 aña i 60+ ta paga Fl. 12.50

Posted on

Futbòl: Kòrsou kontra Barbados

BARBADOS — Awe e selekshon di nashonal di futbòl di Kòrsou ta hunga su promé partido den e promé buèlta di e eliminatorionan pa Kopa Karibe 2016. E promé partido lo tuma lugá na Barbados 8’or pm di awe 23 di mart den stadion Usain Bolt Sport Complex miéntras e segundo partido lo tuma lugá aki na Kòrsou dia 26 di mart próksimo, 6:30pm den Stadion Ergilio Hato (SDK).

E partido di awe kontra Barbados bo por wak e bibu akinan. E transmishon ta kuminsá 7:30pm ora lokal di Kòrsou.

Nos selekshon nashonal enkabesá pa Sr. Patrick Kluivert ta konsistí di e siguiente hungadónan:

1. Eloy Room

2. Rowendy Sumter

3. Jarzinho Pieter

4. Germaine Agustien

5. Jarchino Antonia

6. Leandro Bacuna

7. Shanon Carmelia

8. Luidjino Hoyer

9. Rangelo Janga

10. Gillian Justiana

11. Gino van Kessel

12. Doriano Korstam

13. Darryl Lachman

14. Gianluca Maria

15. Micheal Maria

16. Rhu-Endly Martina

17. Vidarrell Merencia

18. Dustley Mulder

19. Gevaro Nepomuceno

20. Jeremy de Nooijer

21. Evron Pisas

22. Jason Wall

23. Felitciano Zschusschen

Karchinan pa e partido di djasabra lo ta na benta entrante pronto i e preisnan pa e diferente sekshonnan ta lo siguiente:

* VIP ta kosta Naf. 250,- (inkluso konsumo);

* Bou di tribuna kubrí ta Naf. 50,-

* Bou di tribuna kubrí parti Festival Center ta Naf. 35,-

* Tribuna no kubrí ta Naf. 25,-

* Den e sekshon di tribuna no kubrí mucha te ku 12 aña i 60+ ta paga Naf. 12.50

Karchinan adelantá ta optenibel na FFK bou di ora di ofisina, na Pòmp di gasolin Sta. Maria, Botika Mampuritu, Beep Beep i na 4th of July snèk na Barber i tur filial di C-Post N.V.

Un i tur ta keda enkurashá pa kumpra nan karchi trempan debí ku ta spera un yeno kompletu pa e partido aki. Pa abo ku ainda no tin bo flanèl i/òf shal di nos selekshon, pasa buska di bo na FFK bou di ora di ofisina na balor di fl.35,-. Ainda nos tin algun den stòk pa asina tur fanátiko por tin nan flanèl pa bin apoyá nos selekshon komo e number 12!

Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media