Category: Futbòl

Posted on

Resultado Kampionato Nashonal di FUTSAL 2015

WILLEMSTAD — Resultado di e partido di PLAY OFF di djasabra 14 di November 2015 di Kampionato Nashonal di FUTSAL 2015 den sala Errol Rooi na S.D.K.

Resultado djasabra 14 di november:

1. 18.00 Don Bosco – Ocean View FA
5           –             4

2. 19.00 Five Stars – Ocean View I
4         –              6

3. 20.00 The Warriors – FC San Lucas
2        –              9

4. 21.00 Pantera Negras – FC BABRanis I
2         –              2

4 miho ekipo nan ku a sigui pa semi final ta:

1. FC San Lucas

2. FC BABRanis I

3. Don Bosco

4. Ocean View I

Posted on

Resultadonan di futsal eskolar

Resultadonan di futsal eskolar:

  • New Song viktorioso riba Ancilla Domini 4-6, hungadó di wega Angerick Dorothea
  • G.O Commanchesrtaat a gana di Juan Pablo Duarte II 4 -1, hungado di wega Luis Chavez
  • Scholen Gemeenschap Otrabanda a derota Marnix Cas Cora 7-1, hungado di wega Mohammed Bawlawan
Posted on

FFK i FIFA ku un tremendo kurso pa entrenadó di futsal

WILLEMSTAD — Riba dianan 19 pa 23 novèmber 2015 FFK konhuntamente ku FIFA ta organisá un tremendo kurso di futsal. Constantine Konstin lo ta e instruktor di FIFA ku lo duna e kurso.

E kurso aki ta tuma lugá den sala di reunion di FFK i e orarionan di e kurso den siman lo ta di 16.00 – 22.00pm i den wikènt (djasabra i djadumingu) di 9.00am pa 16.00pm.

Ta hasi un apelashon riba tur klup pa inskribí kandidatonan [femenino i maskulino] ku ta interesá pa sigui e kurso i ku mas despues ta dispuesto pa traha pa engrandese futsal na Kòrsou.

Pa mas informashon òf pa inskripshon pa e kurso aki por pasa personal na FFK bou di ora di ofisina serka Sra. Amaryllis Lichtenberg-La Croes, por yama na e siguiente numbernan di telefon 7365040/7365042 i tambe por manda un mail na competitions@ffk.cw.

Inskripshon ta sera 16 di novèmber, pues abo ku tin e deseo di bira un bon entrenadó di futsal, esaki ta e oportunidat ku bo tabata warda, hasi lihé i inskribí awe mes!

Posted on

Prestashon Selekshon di futbòl Damas U-20 na Haiti

WILLEMSTAD — Resientemente e selekshon nashonal di futbòl Damas U-20 a biaha pa Haiti pa forma parti di e di dos buèlta pa kualifiká pa e kampionato di region Karibense di CONCACAF. Na Haiti nos selekshon nashonal a kompetí kontra Saint Vincent & the Grenadines, Trinidad & Tobago i Hamaika.

E partidonan tabata amikal i e damanan di U-20 a krese kompará ku nan partisipashon durante e promé buelta. Kontra di Hamaika nan a pèrdè e partido pero e biaha aki ku skor di 2-0 kompará ku 8-0 den e promé buèlta. E prestashon di e tim aki ta mustra ku ta nesesario pa invertí den futbòl di damas na Kòrsou paso nan ánimo i profeshonalidat tabata tremendo. E promé partido kontra Trinidad & Tobago a kuminsá ku un bala fuerte ofer di e kiper di e partido kontrario. E promé mitar a finalisá ku skor di 1-1 miéntras den e di dos mitar e ánimo a baha di moda ku e partido kontrario a probechá di e situashon. E partido kontra di St. Vincent & Grenadines ku tabata tin komo meta pa determiná kua tim ta finalisá na di tres i na di kuater lugá, a tèrminá ku skor di 1-0. Un partido fantástiko ku tur fanátiko presente por a disfrutá di dje. Durante di e último partido aki, e selekshon di Kòrsou a demostrá di ta dominá téknika, tin dominio i posishon di e bala i tin bon komunikashon riba vèlt entre e hungadónan. Tur e kualidatnan aki a pone ku e ekipo a sali viktorioso di e último partido aki.

E resultadonan tabata lo siguiente:

Kòrsou – Trinidad & Tobago 1-4

Kòrsou – Jamaica 0-2

Kòrsou – St, Vincent & the Grenadines 1-0

Hungadónan:

  1. Diante Scheepers (KOR)
  2. Kadisha Martina (KOR)
  3. Kiara Snel (KOR)
  4. Yasmin Levens (KOR)
  5. Samantha Statia (KOR)
  6. Sullyvienne Noten (KOR)
  7. Shade Desir (KOR)
  8. Kiara Angelino (NED)
  9. Sterre Noordhoek (NED)
  10. Stephany Passial (KOR)
  11. Ketsiah Nahr (US)
  12. Jurdine Felix (BON)
  13. Juvainy Keller (NED)
  14. Lishanty Guillermo (US)
  15. Tihainy Nicolaas (BON)
  16. Tanisha Nicolaas (BON)
  17. Jerona Rifaela (BON)
  18. Danique Trenidad (BON)
    Head coach: Rudsel Monte
    Assistant Coach: Rovian Carolina
Posted on

Centro Dominguito kampion Liga MCB

WILLEMSTAD — Tabata un final meskos ku e aña anterior, sin embargo e resultado tabata diferente. E aña aki tabata e ekipo di Centro Dominguito ku a logra titulá kampion di Liga MCB den Stadion Ergilio Hato derotando Centro Barber ku skor di 4-2.

Despues di a yega a final di Liga MCB invikto e ekipo di Centro Dominguito no por a permití su mes su promé derota di temporada net den e partido final. Pues e ekipo a bin desisivo pa no solamente logra e viktoria pero tuma revancha riba e ekipo di Centro Barber ku aña pasa a titulá kampion riba nan kabes.

E ekipo di Centro Barber a sa di habri e markadó, pero no por a mantené e bentaha. Barber durante henter e kampaña 2015 a permití un kantidat respetá di gol kontra. Ayera esaki no tabata diferente dunando asina e ekipo di Centro Dominguito e oportunidat pa bin bek den e partido i finalmente logra e viktoria.

Pa Centro Dominguito e golnan a keda anotá pa, Norvianel Naar, Steward Sambo, un outo gol i por ultimo Lisandro Trinidad. E dos golnan di Centro Barber a keda anotá pa, Jurensley Martina i Geryon Albero.

Pa e ekipo di Dominguito esaki ta e di kuater biaha den nan historia ku nan ta logra e título máksimo. Centro Dominguito a logra e título pa promé biaha na aña 1987 i resientemente nan a logra esaki na añanan 2012 i 2013.

Posted on

Liga MCB Promé Divishon ta bai yega su final

WILLEMSTAD — E dia a yega, Liga MCB Promé Divishon lo yega su final! Despues ku promé di mart 2015 Liga MCB a ranka sali i a mira akshon tur wikènt ku diferente tremendo partido, e gran final a yega. E 2 Centro nan lo bai enfrentá otro pa mira ken lo titulá nan mes komo e kampion di Liga MCB Promé Divishon 2015!

Kampion kontra Sup kampion, Banda Riba kontra Banda Bou, e aña aki historia ta bai ripití òf otro gai ta bai kanta? Bo no por keda afó!

Entrada adelantá pa e partido final aki lo ta fl.10 pa adulto miéntras ku mucha te ku 12 aña i 60+ ta paga fl.5. Entrada na porta ta bira fl.12.50 pa adulto i mucha ku 60+ ta keda fl.5.

Karchinan adelantá ta optenibel na:

* FFK (bou di ora di ofisina)

* Beep Beep Rio Canario

* 4th of July snèk na Barber

* Pòmp di gasolin Sta.Maria

* Radio Mas 99

* Dominguito Minimarket

* Braas San Lucas

* Kantor prinsipal di Robbie’s Lottery

Debí na asina tantu petishon FFK a habri espasio pa un sekshon di VIP. E sekshon aki ta kosta fl.75 ku konsumo inkluí. Karchinan pa e sekshon di VIP ta optenibel solamente na FFK bou di ora di ofisina.

Portanan di SDK lo ta habri for di 4or di atardi i animashon musikal lo ta na enkargo di Dolce Band! Tambe lo tin un partido amistoso 5pm entre nos selekshon kampion di U-15 ku lo enfrentá Jong Holland!

Kòrda ku djadumingu for di mitar di 10 di mainta karchinan ta optenibel na e lokèt di SDK miéntras ku bo por disfrutá di e partidonan di Liga Lito ku ta kontinuá e djadumingu aki for di 10or di mainta te den ora an di mèrdia riba tereno di FFK.

MCB i FFK ta invitá hinter pueblo di Kòrsou pa asistí na e partidónan aki i pasa un ratu ameno den kompania di bo famia i alabes disfrutá di un tremendo partido di futbòl, e gran final di Liga MCB Promé Divishon 2015!

Final Liga MCB Promé Divishon: 

Djadumingu  25 okt. 15       19.00  C. Dominguito CSD Barber SDK

 

Posted on

Gran Final Liga MCB Promé Divishon: Centro Barber vs Centro Dominguito

WILLEMSTAD — Djadumingu, 25 di òktober próksimo Liga MCB Promé Divishon ta bai yega na su gran final! Tur kos ta kla pa Centro Barber e ekipo kampion di Liga MCB Promé Divishon 2014 enfrentá Centro Dominguito e sup kampionnan di Liga MCB Promé Divishon 2014!

E tremendo partido aki lo kuminsá 7or di anochi i lo tuma lugá den Stadion Ergilio Hato (SDK).

Porta nan lo habri for di 4or di atardi i pa 5or lo tin un partido amistoso hubenil kaminda nos selekshon U-15 kampion di Karibe lo enfrentá Jong Holland.

Animashon pa e gran apertura aki ta na enkargo di e banda musikal Dolce ku lo kuminsá animá for di 6or i durante pousa tambe nan lo entren’é públiko ku nan bon músika.

E árbitro prinsipal pa e enkuentro aki lo ta Juniel Adelina ku lo ser asistí na liña pa Sam Hye i Roebuneck Matilda i e di 4 ofisial lo ta Mike van de Sande.

Liga MCB Promé Divishon 2015 a wòrdu dediká na e siguiente baluartenan:

Romualdo ‘Shon Ma’ Gomez, Ronald ‘Pong’ Martel, Alouisio ‘Jopi’ Rojer, Engelbrecht Schotborgh i Ronaldo Da Sousa ku a hasi hopi pa e deporte rei futbòl. Durante e partido aki nan tambe lo haña un rekonosementu pa nan gran kolaborashon na futbòl.

Entrada adelantá pa e delaster partido di Liga MCB Promé divishon ta kosta Fl.10 pa adulto miéntras mucha te ku 12 aña i 60+ ta paga fl.5.

Karchinan adelantá ta optenibel na e siguiente puntonan di benta:

* FFK (bou di ora di ofisina)

* Beep Beep Rio Canario

* 4th of July snèk na Barber

* Pòmp di gasolin Sta Maria

* Radio Mas 99

* Dominguito Minimarket

* Braas San Lucas

* Kantor Prinsipal di Robbie’s Lottery

Djadumingu 25 di òktober karchinan lo ta optenibel na e lokèt nan di SDK for di mitar di 10 di mainta na balor di fl.12.50 pa adulto i mucha te ku 12 aña i 60+ ta paga fl.5.

FFK i MCB ta invitá hinter e pueblo di Kòrsou pa bin presensia e Gran Final di Liga MCB Promé Divishon. Bin apoyá i sostené bo ekipo preferí, disfrutá di un dushi ambiente i mas ku klaro presensia tremendo partidonan di futbòl.

Posted on

Jetro Willems por lo ménos 6 siman mas afó

HULANDA — E ekipo di PSV den oranan di ayera a laga hasi un estudio mas avansá riba rudia di Jetro Willems. Esaki despues ku e futbolista yu di Kòrsou a bolbe leshoná su rudia den preparashon pa regresá den futbòl siman pasa.

Segun e ekipo di PSV, Jetro a sufri mesun leshon ku esun di algun luna pasa. Ku esaki e defensa lateral di e ekipo lo pèrdè algun tempu mas sin mira akshon.

For di zomer ultimo ora e ekipo di PSV tabata tin un kampamentu di entrenamentu na Fransia Jetro a leshoná su rudia. E la rekuperá di esaki ultimo simannan promé ku tempu i a kuminsá praktiká atrobe. Na un di e práktikanan Jetro a kai riba su rudia ku konsekuensia ku e la bolbe leshoná su rudia.

Pa e próksimo seis simannan Jetro lo tin ku sosegá i apstené di aktividat di futbòl. Despues di esaki lo hasi un estudio atrobe riba rudia di Willems pa wak si e por kuminsá entrená atrobe.

Posted on

Kòrsou ta pèrdè otro partido den CFU Women’s U-20 Championships

HAITI — E selekshon di Kòrsou U-20 di dama a kai vensí den wikent den nan di dos partido di e CFU Women’s U-20 Championships den Stadion Sylvio Cator na Haiti. E selekshon di Korsou a enfrenta Jamaica den nan di dos partido i a duna un bon bataya den e prome mitar. E agresividat di e selekshon di Korsou a kasi dunanan e bentaha den prome mitar.

Den e di dos mitar Jamaica a bin fuerte i a kue e bentaha na di 51 minut di e partido. Jamaica a amplia e bentaha na di 62 minut. Ku esaki Jamaica ta gana ku skor di 2-0 di Korsou i lidera Grupo B ku 6 punto. Korsou ta keda den bom ku sero punto.

Awe Korsou ta enfrenta e selekshon di St.Vincent & The Grenadines.

Posted on

Final Liga MCB Centro Dominguito kontra Centro Barber

WILLEMSTAD — E dia a yega, Liga MCB Promé Divishon lo yega su final! Despues ku promé di mart 2015 Liga MCB a ranka sali i a mira akshon tur wikènt ku diferente tremendo partido, e gran final a yega. E 2 Centro nan lo bai enfrentá otro pa mira ken lo titulá nan mes komo e kampion di Liga MCB Promé Divishon 2015!

Kampion kontra Sup kampion, Banda Riba kontra Banda Bou, e aña aki historia ta bai ripití òf otro gai ta bai kanta? Bo no por keda afó!

Entrada pa e partido final aki lo ta fl.12.50 pa adulto miéntras ku mucha te ku 12 aña i 60+ ta paga fl.5.

MCB i FFK ta invitá hinter pueblo di Kòrsou pa asistí na e partidó aki i pasa un ratu ameno den kompania di bo famia i alabes disfrutá di un tremendo partido di futbòl, e gran final di Liga MCB Promé Divishon 2015.

Final Liga MCB Promé Divishon:

Djadumingu  25 okt. 15       19.00  C. Dominguito CSD Barber SDK
Facebook Twitter Instagram Youtube
© 2025 Deporte Awe. Tur derechi reservá. Diseñá pa E² Media